جال الوصال

[العويلي الخالدي]

تحيه للأخوه الاعضاء والمشرفين على منتدى صدى المشاعر
حبيت أشارك في هذه القصيده المتواضعه لي ... وكلي فخر بأن تكون قصائدي على منتدى صدى المشاعر الخاص بمنتدى قبيلة العجمان العزيزه ..

القصيده ،،،،،،،

الفقر ماهو عيب من عيوب الرجال ..
كم واحد ثري يفقد النفس الغنيه ..
وش ينبغى في الذهب والمال ..
لاصارت علومك عن ربعك رديه ..
شاعر غزل وابدع ان جاني مجال ..
اداعب المعنى والشعر فيني سجيه ..
ياصاحبي دام الوصل شد الرحال ..
وحل الفراق وصارت الفرحه سبيه ..
باتوجد على عاقد الروح بحبال ..
عقود ماتحلها سوى كفوف ريميه ..
جادل فيها الحسن مضرب امثال ..
ريم المها اللي ربي في الحنيه ..
لامشت يهتز لها تسعين خيّال ..
وان وقفت عرفت معنى الجاذبيه ..
ان ضحكت تسمع بضحكها موال ..
وان بكت تضيق فيني الفضيه ..
وجهت همي صوب صفر الدلال ..
واخذت فنجان من جوف الشاذليه ..
كل مارشفت فنجالي زاد الوبال ..
عماش الشوق مايذهبه غير وسميه ..
ياناشد عن الحال دونك الحال ..
ناظر العين شف دمعتها شقيه ..
لو حمل صبري تحمله سود الجبال ..
طاح طويق مابقى منه بقيه ..
الهوى سيف والموت قادم لامحال..
ان مالفاك الصبح جا وقت المسيه ..
اما رسى مركبي على جال الوصال ..
او تحطم في رياح البعد العتيه ..

وسلامتكم جميعا ....... اخوكم العويلي

[مجرد ناقد]

سلام عليكم اخي العويلي انت تغني في جون لحالك ماحولك احد
وقصيدتك مع احتراماتي لك كلها مكسره
وارجو وانا اخوك ان تعيد النضر فيها وتتقبل نقدي
تحياتي

[فــكاك الـمـناشـيب]

صح السانك ولاهنت تقبل مروري