اللي واثق من تنفسه يتحدى

[محارب يام]

السلام عليكم ورحمة الله وبركاته اما بعد
عندي سواليف واجده وحاب اني اشارك بها للناس الذويقه ما علينا من الرسميات اللي مالها داعي .
عندي موضوع حلو وابكم معي فيه
الموضوع بدا بسالفة انا وmy best friend كنا جالسين في البر في ليلة قمرا نسولف ونتحدث في علوم واجده المهم سالني سؤال وقال لي وش اصعب موقف مر عليك بحياتك قععدت افكر لي شوي لاني مع سؤاله مر علي الموقف كانه البارحه.
الموقف باختصار اني كنت اعشق بنت عمي حتى الجنوووووون ويوم من الايام طلعنا البر وتعرفون اللعب والاناسة والسجه وكلا يروح للمكان اللي يبي وفجأه سمعنا صوت البنات يصيحون لان البنات راحوا لوحدهم عشان يستانسون وجينا على الصراخ وجيت وليتني ماجيت حصلت امل عمري طايحه والدم يجري من عليها .طاحت من فوق الجبل وماتت وماتت الاماني اللي بنيتها وملتت كل لحظه فرح حسيتها وكتبت فيها قصيده معبره المره الجايه اقولها اذا تبونها.
ونرجع لصديقي يوم شافني ساكت ودمعي على خدي اعتزى وقال البشر بعزك وانا اخوك ولديت يمه وقلت البيت المعروف
تبي تشوف الذل بصورته صح شفدمعة الرجال من فرقى مره
الموضوع ابي كل واحد يقول لي اصعب موقف مر عليه بعمره وانا اسف اذا انا بافتح جروح عند بعض الناس لكن احيانا التحدث فيه ممكن بشفي القلوب المجروحة.

[mr.3jmi]

محارب يام الله لايهينكم ع الموضوع

موقف السراحه مؤلم حده..والله يكون بعونكـ...يارب

موقفي قبل عرس اخي بيوم طبعا الكل مستانس وجدتي كانت موجوده ولها معزه خاصه عندي ....المهم الظهر قبل عرس بيوم كانت موجوده ومستانسه معنا وابي معها المهم اذن المذن الظهر الوالد راح صلى والعجوز راحت صلت عقبها حست بدوان ورقدت ولا قاااااااامت
واسمع صجه ولجه في البيت وقمت و قلت يمكن داخت من السكر او شي انا السراحه وقتها ما قدرت اسوي شي كلش...منصدم شوي وتجي إلسعاف قلت انشاءالله خير ودوها معهم انا احسبنها مغشيه وحسيت سبحان الله انها توفت...واخواني راحوا معها للمستشفى وانا نطرت ابي لين جاء من المسجد ولا درى ابي المهم رحنا انا وياه في نص الطريق ولا يكلم واحد من اخواني ابي يقول العجوز توفت الله يرحمها انا وابي ماصدقنا لكن انا دموعي ماطاحت ولا حسيت في نفسي كلش...اعز انسان عندي توفى انعمت فيني الدنيا...واسمحولي ما اقدر اكمل...عسا الله يرحم اموات المسلمين آمين

[سلمان بن ضيدان]

أخي العزيز ... محارب يام ...

الله لا يهينك على الموضوع الجميل

بصراحه أنا أصعب موقف صارلي كنت أمزح أنا و واحد من الجماعه في الشارع وكنا صغار تقريبا" في صف أول ثنوي وهو يحذف علي طابوقه وأنا أحذف عليه وبعد كم دقيقه ألا الطابوقه اللي حذفتها عليه جات على راسه وطاح أغمي عليه ولا قام ألا بعد سااااعه بالضبط ..
ولا فيه ألا أنا وهو وأنا واقف عنده ويوم قام حذفني بالطابوقه نفسها وكانت كبيره شوي
وطحت أنا وأغمي علي ولا قمت ألا بعد ربع ساعه تقريبا"
وهذا أخرة المزح اللي بالطابوق

تقبل مروووووري

[محارب يام]

شريخان يام
الله لايهينك على التعقيب وموقفك مره صعب الله يرحمها
ودمتم بود

[محارب يام]

مرعب الجيوش شكرا على التعقيب
خويك طبق المثل القضا بين الرجال ماخو بعيب
ودمتم بود

[لبى قلبي 101]

مواقفكم محزنه ومؤلمه الله يكون بعونكم انشالله
بصراحه الموضوع محزن وانا مااحب الحزن لذلك ماراح اقول مواقفي المحزنه
لاهنت على الموضوع
تقبل مروري

[محارب يام]

لبى قلبي شكرا على التعقيب
ولكن يكون بعلمك المواقف المحزنة هي التي تصنع الانسان
وليس عيبا انت تحكي ما مررت به من تجارب العيب ان تنكر الاحداث التي تمر عليك
ودمتم بود..........