تدرين يا حلوة متى العاشق يحس بمهزلّه ....

[غدى]

تدرين يا حلوة متى العاشق يحس بمهزلّه

لا جاه شيٍ مثل شيٍ قام يحداني حدي





ما اقسى من دموع اليتيم الى ذكر ضحكة هله

ولا يهد من الفراق الا الفراق السرمدي





يالورده اللي في شرايين الحشا متغلغله

يا روحي اللي لو تخلت عني أختل جسدي





كونت لك عالم غرامٍ ما دخله البلبله

الا هديرٍ ينتهي بين الضلوع ويبتدي





حتى أقرب أصحابي من اللوعه سهيت وقلت له

يا الأجودي كف العذّل ما في العواذّل أجودي





انا الي استاهل عناقيد العنب يا مدللـه

ليتك دريتي كيف عيني تذكرك في مرقدي





يا أدنى من الغيمٍ تغطرس وأطول من السنبله

يا أقرب كثير من الحكي وابعد شوي من الجدي





ان جيت رحتي مقفيه وان رحت جيتي مقبله

كم مت واذا قلتي أحبك تجدد مولدي





دنياي أنا لو تجتمع لذاتها في مكحله

والله ما اشهر لأي عين غير عينك مرودي





يا ذابحتني كل شي الا الجفا ما اتحمله

ياكبر كذّبة عزّتي لو قلت أببعد وأبعدي





قلبي لو غديتيه في الصحرى بليا بوصله

ما تاخذين الا وهو لقصى ضلوعك مهتدي





وان خاب ضني وآخر المشوار جا مثل أوله

بغمض عيوني وبحلم وأقهر الحظ الردّي





بأحلامنا حتى آخر المريخ نقدر نوصله

الله لو نطلع بساط الريح وأيدك في يدي





تخيلي روضٍ من أقصاه أجمل الورد أحمله

وأهديه ليدين وظفاير شيخة الورد الندي





تخيلي نهرٍ بالأحجار تمثنى جدوله

نبقى على جاله جلوس شوي وشوي نغدّي





تخيلي بيت دفاه من المواجع والوله

ضحك وسواليف وسهر ومزوح وبساط أحمدي





تخيلي عشقٍ عجزت استوعبه واتخيله

كانه على هالحال ما عزّ الله أبشر بسعدي





يا سيدّة عشقي وأنا راعيك راعي الأوله

ما هي كثيره لو تقولين انت والله سيدي





ترى الله اللي حط لك ذاك الغلا والمنّزله

والا الهوى لا ورث أبوي ولا ذخرته لولدي





حبيبتي ما يقهر الرجال في مستقبله

الا الهوى اللي مرةٍ يقبل ومرات يغدي





حتى الهوى لازاد عن حدّه يعود مهزله

ياليتني خنتك ولا الي قام يحداني حدّي





ناصر القحطاني




تحياتي غدى العتيبي

[قبلةالعجمان]

غدى

صح لسانش ولسان شاعرهااا

ولاهنتي على االنقل الجميل


تقبلي سلامي

[دغري]

بأحلامنا حتى آخر المريخ نقدر نوصله

الله لو نطلع بساط الريح وأيدك في يدي

الله على القصيده والله على اللي نقلها ......قصيده رااااائعه

تحياتي..........................دغري

[هند]

انا الي استاهل عناقيد العنب يا مدللـه --- ليتك دريتي كيف عيني تذكرك في مرقدي
يا أدنى من الغيمٍ تغطرس وأطول من السنبله --- يا أقرب كثير من الحكي وابعد شوي من الجدي
ان جيت رحتي مقفيه وان رحت جيتي مقبله --- كم مت واذا قلتي أحبك تجدد مولدي
دنياي أنا لو تجتمع لذاتها في مكحله --- والله ما اشهر لأي عين غير عينك مرودي
يا ذابحتني كل شي الا الجفا ما اتحمله --- ياكبر كذّبة عزّتي لو قلت أببعد وأبعدي


يسلم ذوقك ياغـــدى
أبيات حلوة ، رائعــــة


صح لسانك ولسان الشاعر



الســـؤدد

[غدى]

قبله العجمان
صح بدنك يالغاليه
دغري
الف شكر
السؤدد
صح بدنك

غدى العتيبي