(لجواااااااااد لاتبحث خفاااااااااها)

[فلاح ال مخلص]

السلام عليكم ورحمة الله وبركاته



اخواني واخواتي رواد هذا العرين


اتمنى انت تحوز على رضاكـم

(لجواااااااااد لاتبحث خفاااااااااها)


ارزمت عوج الرقـاب وفـز قلبـي للمخيلـه=وقمت اسوق اركاب فكري والمنايا من وراها
سقتها من جور وقتـي مـن قبيلـه لا قبيلـه=تقبل وتقفي وانا من ضيقتـي قمـت آحداهـا
لين عديت الركـاب البيـد ورجـوم طويلـه=آتسبـر فـي طريقـي وآتوكـد مـن نباهـا
واتدارى الوقت واميـز صباحـه مثـل ليلـه=واعرف ليله لمـا زادت ذيابـه فـي عواهـا
وقتي الظالم خذا بقعـى وانـا مـدري حليلـه=شفتها وازريـت اميـز وجههـا والا قفاهـا
الزمان الشيـن حظـي والبهاذيـل الحصيلـه=والنفوس تموت ماتلقى علـى الدنيـا هواهـا
يبرق ويرعد سحاب الغدر وعيونـي تخيلـه=غيمته ماها عقيم ويغـوي السـاري سناهـا
بـارق الوسمـي يبشرنـا بهمالـه وسيـلـه=والبروق الخلب مايحيي رميـم القـاع ماهـا
اتنقا خالص عيـار الذهـب واتـرك سميلـه=ماعلي شرهه من اهل الطايلـه .ولا علاهـا
العقول امشي علـى قانونهـا عدلـه وميلـه=اتجـرع معرفتهـا وآتحاشـا مـن خطاهـا
والرجل يكفـي ضيوفـه دن معمالـه وهيلـه=وارحبو ثم اقلطو والحيل تجعـل فـي قراهـا
قبلها زين الجناب .وكـلا(ن )يـدور مثيلـه=وفرة بالعـود لـزرق مكرميـن بـه لحاهـا
وعلم شيبان تسـوق الـذود وتشـب الذبيلـه=في نهار يعرف اللـي عقـل الـذود وخذاهـا
واتتبـع درب قـوم العـز شيبـان الثقيـلـه=كلنا بين القبايل وانـت تـدري فـي ذراهـا
النعـم عنوانهـم والمجـد وقصـور ضليلـه=احتموها يوم شافـو بعضكـم صـد ونساهـا
سود الله وجـه رجـال تبـرى مـن عميلـه=وسود الله وجه قوم ماتطـارد فـي قضاهـا
الجميلـه خلهـا والله .حمـاك مـن الجميلـه=جعل قوم تقتدي بك يالـردي تقطـع عراهـا
نعنبو النفس الرديـه .نعنبـو النفـس الذليلـه=العزيز يعز نفسه .وان تمـادت بـه رماهـا
جعل يمنـاي البتـر لا جـات مداتـي قليلـه=اتبرى من يمين الذل واقفي مـن عطاهاسـود
وجعل راسي للزوال ان سرت في درب الرذيله=عـزة مـن رب طيبـه تحتمينـي وآحماهـا
والله انـي مـن رجـال ماتناسبهـا الفشيلـه=الفروق تبين وارض الكون ماتشبـه سماهـا
المصيبه بعـت عـود مانبـي فيـه البديلـه=احسب انه في مكـان ولايتـي جعلـه فداهـا
واثر زاده من زهابي.واثـر جوداتـه بخيلـه=واثر عين الجروة العوراء تلفت فـي جراهـا
ابعـدو نـار الهلايـم لاتولـع فـي الفتيلـه=عالي الهامـات مايشبـه ولا يدنـى وطاهـا
لو غزانا الجيش من كسرى بفرسانـه وخيلـه=ضاع فارس جيش كسرى والخيول اللي قناها
ابرهـه قبـل غـزا ولا نصـره الله بفيلـه=انكسر ياجعـل نـار الله تصـلاه بلضاهـا
كـال شـي ماقـواه وزود الـكـال كيـلـه=لين شاف اللقمـه المسمومـه اللـي ماكلاهـا
التجـارب واضحـه والقلـب للعاقـل دليلـه=لكـن الخبـلان يتبـع قلبهـا زلـة حكاهـا
مرة اتبع مقولـة خـل كـلا(ن) فـي سبيلـه=ومرة اقول عين اهل الـردى جاهـا عماهـا
ومـرة اقـول مـر نابـع مـن سلسبيـلـه=ومرة اقول خل البيـر تشبـع مـن غطاهـا
ومرة اقـول مالـك يالاصيـل الا الاصيلـه=لجودي معروف والاجواد لا تبحـث خفاهـا

[ابوحمد الشامري]

ياسلام عليك يا فلاح وش ذا الابداع والله بدون مجاملة مع قراءتي للقصيدة كل بيت يقوي البيت اللي عقبه يعني بالمختصر المفيدة قصيدة جزلة ورائعه.

لا هنت يا السنافي وننتظر ابداعك القادم.

ابو حمد الشامري

[راكان اليامي]

سود الله وجـه رجـال تبـرى مـن عميلـه وسود الله وجه قـوم ماتطـارد فـي قضاهـا
الجميلـه خلهـا والله .حمـاك مـن الجميلـه جعل قوم تقتدي بك يالـردي تقطـع عراهـا
نعنبو النفس الرديـه .نعنبـو النفـس الذليلـه العزيز يعز نفسـه .وان تمـادت بـه رماهـا
جعل يمنـاي البتـر لا جـات مداتـي قليلـه اتبرى من يمين الذل واقفي مـن عطاهاسـود
وجعل راسي للزوال ان سرت في درب الرذيله عـزة مـن رب طيبـه تحتمينـي وآحماهـا
والله انـي مـن رجـال ماتناسبهـا الفشيلـه الفروق تبين وارض الكـون ماتشبـه سماهـا

اشهد انك شاعر يابن مخلص وصح الله لسانك ياذيب

[فيصل بن حجرف]

السلام عليكم
مبدع كما تعودنا منك اخي العزيز فلاح
وفي انتظار المزيد من ابداعاتك
وصح لسانك اخي العزيز

[قبلةالعجمان]

ومـرة اقـول مالـك يالاصيـل الا الاصيلـه لجودي معروف والاجـواد لا تبحـث خفاهـا






صحححححححححححح لسانك


ولاهنت يابن مخلص

[فلاح ال مخلص]

كاتب الرسالة الأصلية ابوحمد الشامري

ياسلام عليك يا فلاح وش ذا الابداع والله بدون مجاملة مع قراءتي للقصيدة كل بيت يقوي البيت اللي عقبه يعني بالمختصر المفيدة قصيدة جزلة ورائعه.

لا هنت يا السنافي وننتظر ابداعك القادم.

ابو حمد الشامري

صح بدنك




والله لا يهينك وبيض الله وجهك