اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 13-12-2009, 01:56 AM
مريغان مريغان غير متواجد حالياً
 عضو فعال
 
تاريخ التسجيل: Jul 2008
المشاركات: 2,486
الطموح ضيدان بن قضعان

السلام عليكم ورحمه الله وبركاته قصيده
لشاعر الكبير ضيدان بن قضعان


الطموح اللي سرت من نجد وامست في الحويه
........... ضيقت صدر الرياض وسافر الطايف وجاها

وانثنا غيم الحجاز لخد نجد النرجسيه
........... يوم جاته من زعلها كنها تقصر خطاها

زعلوها ورحلت واخلت قصور الفاخريه
........... والحقتني شرهة الزعلان واخطاني رضاها

سافرت والله ما اخبر اللي يزعلها عليه
........... واستباحت لله الخيرة سهر عيني وماها

ليتها يوم استباحت دمعة العين الشقيه
........... ما استباحت دم قلبي من خلاها في خلاها

سامح الله ظلمها وطعونها الخضر النديه
........... والله يسامح خناجرها ويعفو عن خطاها

عرضتني للهبايب والضما والمهمهيه
........... واتركتني للزعل والشوق والكبر وغلاها

والغلا ماهو في يديها ولاهو في يديه
........... ا لغلا شي من الله واشهد ان الله عطاها

من غلاها لو توردني على حوض المنيه
........... كنها تسقيني الشهد المصفى من شفاها

من حلاها ما توصفها الحروف الابجديه
........... كيف توصف وردة يبري من العله شذاها

الورود تغار منها مزهريه مزهريه
........... وان تباهت عذرها معها يحق لها تباهى

ما يشابها شبيه ولا يحاليها حليه
........... جل رب يوم صورها فرقها عن سواها

لا اقبلت هيجنت وان اقفت جذبت السامريه
........... وآ عذابي لن عطتني وجهّا والا قفاها

ان بدالي وجهّا يسعد صباح اليوسفيه
........... وان غشتني نفحة من ليلها يسعد مساها

درة بالموت محروسه وبالبحر محميه
........... البحر من دونها والموت الحمر من وراها

لايمي يبلا بحب الحضر فعيون بدويه
........... في ظروف ما يقارن مستواه بمستواها

الله اقوى يافقير القلب ابو نفس غنيه
........... مالك الا الصبر والجنه لقاها من لقاها

والهوى اللي يطرح الرجال في يدين اجنبيه
........... علة بالجوف لا تبرا ولا يلقا دواها

والهنوف اللي لرد الثار تاخذها الحميه
........... شفتها بالعين في قلبي وهي تاخذ قضاها

وشفتها تشتاق تطعني بلا ذنب وخطيه
........... كثرماتشتاق لاعماقي وانا اشتاق لدفاها

كل ما عرقت بميسمها تحريت الخويه
........... والحقت بالميسم الميسم كذا على عماها

عاقبتني كل يوم تلحق الكيه بكيه
........... واتعبتني وادركتني والحقت نفسي مداها

وان تمادت جهزو قبري وانا بكتب وصيه
........... بكتب الله لا يعاقبها ويرضالي علاها

العمار تلفها الايام والدنيا مديه
........... والسنين تلفني والنار تحرق من وطاها

علموها تلحق الباقي مدام الشمس حيه
........... واتّغانم ما بقى مني وما تطلب فداها

لا تمادا في جفاها والرياح الموسميه
........... ما تقدّر وقفت الاشجار وتثمن عطاها

وعلموها ما بقالي غير ادن الهاشميه
........... كان ترضاها علي والا تهون من جفاها

وانصحوها لاتحمل نفسها نفس بريه
........... وذكروها بالقبر لا علها والا عساها

وعلّموها علّموها لاتطول في الحويه
........... ديرة ماهيب ديرتها لوعجبها هواها

رد مع اقتباس
  #2  
قديم 13-12-2009, 02:45 AM
جراح بن حجاب الحيان جراح بن حجاب الحيان غير متواجد حالياً
 عضو فعال
 
تاريخ التسجيل: Jan 2009
المشاركات: 2,797

الأمير لاهنت ع النقل المميز والله

صح السان بن قضعان ولاهنت !

رد مع اقتباس
  #3  
قديم 13-12-2009, 04:22 AM
جابر بن عبدالله الفايز جابر بن عبدالله الفايز غير متواجد حالياً
 عضو خاص
 
تاريخ التسجيل: May 2006
الدولة: k u w a i t
المشاركات: 5,130

صح ألسانك وألسأن بن قضعان ,,,

ولاهنت ع النقل ,,,

رد مع اقتباس
  #4  
قديم 13-12-2009, 02:31 PM
ديقول22 ديقول22 غير متواجد حالياً
 عضو خاص
 
تاريخ التسجيل: Apr 2009
الدولة: ماحس في لذة الدنيا وبهجتها... الا لقلتي احبك مووووت ياديقول !!
المشاركات: 5,003

لاهنت يالغالي ع النقل المميز

صح السان بن قضعان ولاهنت !

__________________
،،،،،،،،

رد مع اقتباس
  #5  
قديم 16-12-2009, 06:18 AM
ﺂلـِ͡ـِبطْـِرﺂڼ ̸~ ﺂلـِ͡ـِبطْـِرﺂڼ ̸~ غير متواجد حالياً
 عضو فعال
 
تاريخ التسجيل: Nov 2009
المشاركات: 1,943

لآهنت على النقل المميز . . .

وصح لسآن شآعرهآ ؛ ضيدآن بن قضعآن .

وتقبل مروري.

__________________



بـ ط ـرآن .. سـأبـقـأـن

رد مع اقتباس
  #6  
قديم 17-12-2009, 11:40 AM
الصورة الرمزية 101 بنت العجمان 101
101 بنت العجمان 101 101 بنت العجمان 101 غير متواجد حالياً
 عضو فعال
 
تاريخ التسجيل: Dec 2009
الدولة: الكويت
المشاركات: 1,094

وتشكرااااتي لك >>>>>> لا هنت ع النقل
وصح السان شاعرها

__________________





وش يذبح المشتـآق غيـر الوسآويـس
هـو صآحبـه يذكـره والا تنـآسـآهـ !

رد مع اقتباس
  #7  
قديم 17-12-2009, 09:40 PM
مرتاح أحبك مرتاح أحبك غير متواجد حالياً
 عضو فعال
 
تاريخ التسجيل: Aug 2009
المشاركات: 1,714

والغلا ماهو في يديها ولاهو في يديه
........... ا لغلا شي من الله واشهد ان الله عطاها

من غلاها لو توردني على حوض المنيه
........... كنها تسقيني الشهد المصفى من شفاها

ياســـــلام

صح لسان الشاعر ضيدان
وصح لسانك على الاختيار الرائع والمميز

__________________

رد مع اقتباس
  #8  
قديم 18-12-2009, 07:37 AM
قاصد الخير قاصد الخير غير متواجد حالياً
 عضو ذهبي
 
تاريخ التسجيل: Oct 2006
الدولة: الكويت
المشاركات: 757

صح اللسان بن قضعان ولا هنت

__________________
(( كــــــــــــــــــــــــــــيفي كــــــــــــــــــــــــــويـــــــــــــــــــــ تي ))

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:12 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com