||ياليتـ أقدر أحطم حاجز بيني وبينكـ..

[ترانيم السكون]

رغم فارق سنين العمر مابينك ومابيني..

ورغم تفكيرك الغامض أحبك وانسجم وإياك..

وأحيانا تعاندني وتجرحني وتشقيني..

ومع هذا وتطنيشك أزعل خاطري لرضاك..

ورغم اسلوبك القاسي معي يوم ادمعت عيني..

على قلبي عسل مهما تسوي دامني أهواك..

علشانك أضحي بالخفوق وبسمة سنيني..

وعلشانك أضحي في حياتي والبشر تفداك..

ويرخص لجلك الغالي ويرخص لك نظر عيني..

وش اللي نور الدنيا بعيني ياالغلا لولاك..

ابوصف لك شعوري في بعادك وش حصل فيني..

وش أوصف لك عقب ماصار موتي ياغلا بفرقاك..

لو احكي كيف أعبر لك عجز فكري يواسيني..

تلاشت كل أفكاري ونبضي بالشعر ينخاك..

وش أوصف لك وش أحكي لك مادام إنك عناويني..

مادامك كل شي يعني حياتي وش بقى ماجاك؟..

ياليت أقدر أحطم كل حاجز بينك وبيني..

تجاملني وانا اللي من عرفتك يدي بيمناك..
أقل حاجه ترى قربك مدامك تعترف فيني..

مثل قرب الضنى لامه إذا يادنيتي كفاك..
وبعد هذا وش اثبت لك تبي أحملك بايديني؟!..

تبي أفرش طريقك ورد تبي اسهر على ذكراك؟!..
ورب الكون تستاهل لو افرش لك بعد عيني..

وتستاهل بعد أكثر وتستاهل أحب خطاك..
أبي منك حبيبي في حياتي ماتخليني..

أبيك تكون في قربي وإذا تاهت خطاي ألقاك..

ابيك تمون ياروحي علي مادمت تعنيني..
مدامك كل شي عندي حرام تذلني بحماك..

ترى ماهو فضول اسأل عن أحوالك ويكفيني..
بأنك قطعة مني ويكفيني بعد طرياك..

ويكفيني وجودك لو وجودك مايكفيني..
أبي قربك ولا يمكن مع صدوف الدهر أنساك..

عسى مااذوق حزنك يابعد قلبي وبعد عيني..
وعسى الأفراح تبرا لك وتملى بالهنا دنياك..


....مماراق لي ....

[أملي الجنة]

مثل قرب الضنى لامه إذا يادنيتي كفاك ..

وبعد هذا وش اثبت لك تبي أحملك بايديني؟!..



قصيدهـ رائعه والاروع من نقلتها

سلمت يمناش ع النقل

تقبلي مروري

[تراتيل العشق]

لاهنتي ع القصيده أكثر من رائعه
أبدعتي في الإختيار بإنتظار جديدش

[بنت الزعبي ..]

السلام عليكم ورحمة الله وبركاته

عسى مااذوق حزنك يابعد قلبي وبعد عيني..
وعسى الأفراح تبرا لك وتملى بالهنا دنياك..

اللهم آآآمين

صح لسان كابتها وناقلها

لا هنتي يالغلا ع الاكثر الرايع

تقبلي حضورى المتواضع

[ترانيم السكون]

المشاركة الأصلية كتبت بواسطة أملي الجنة

مثل قرب الضنى لامه إذا يادنيتي كفاك ..

وبعد هذا وش اثبت لك تبي أحملك بايديني؟!..



قصيدهـ رائعه والاروع من نقلتها

سلمت يمناش ع النقل

تقبلي مروري

الروعـه هو مرورك العطر

الله لايهينك..

[ترانيم السكون]

المشاركة الأصلية كتبت بواسطة تراتيل العشق

لاهنتي ع القصيده أكثر من رائعه
أبدعتي في الإختيار بإنتظار جديدش

يعاااافيك ربي على هالمرور

ماننحرم من طلتك..

[ترانيم السكون]

المشاركة الأصلية كتبت بواسطة بنت الزعبي ..

السلام عليكم ورحمة الله وبركاته

عسى مااذوق حزنك يابعد قلبي وبعد عيني..
وعسى الأفراح تبرا لك وتملى بالهنا دنياك..

اللهم آآآمين

صح لسان كابتها وناقلها

لا هنتي يالغلا ع الاكثر الرايع

تقبلي حضورى المتواضع

صح بدنك..سلمتِ على هالمرور والرد الطيب

لاعدمنآ طلتك..

[تركي الميموني]

وأحيانا تعاندني وتجرحني وتشقيني..

ومع هذا وتطنيشك أزعل خاطري لرضاك..

صح لسان شاعرها

وتسلم أيدك على نقل الرائعه الشعريه

وبانتظار المزيد من ابداعاتك

تقبلي مرور قافلة حروفي