السلام عليكم ورحمة الله وبركاته ...
لقد بحثت عن قصائد قديمة للشاعر والفارس / الغيهبان المري ...
واسمه هو : حمد بن هادي بن حمد بن علي ال جابر المري ...وقد ولد في اواخر الثامن عشر .
اما سبب كنيته بالغيهبان انه اثناء طفولته وفي شبابه يلعب مع الاطفال ويبين للناس انه مخبول.
وله بعض المقولات الشهيره التي يرددها الناس الى يومنا هذا ومنها.
(يرقد سمين العين في ضف غيره
وذي سواة من كف الهموم ينام)
و
(من هيبته في غيبته خلي الفؤاد على الوضم)
و
(انا بليت بغلمة لـم يفهمـوا
الا بكثرة شقوتـي وعنائـي
ابليس والدنيا ونفسي والهوى
كيف النجاة وكلهن اعدائـي )
و
(
دارٍ عفت من دار ساكن حيها
أدى بصدري عبرتي وبكائي
دارٍلصافية الجبين محلها
دارٍ تبوج حنادس الظلمائي
أخوي يقول انك تشوف حليلتي
حاشا ولا لدتَ لها عينائي
تكرم من الهرج الخبيث لحانا
وفروجنا تكرم من الفحشائي
ياعم لاترضى علي بقلَه
بالكثر ياعمي وحن اشوائي
ترى الحرار عيالها ثلاثه
وترى الدجاج يكثر الاضنائي
انشد عني ناصر بن مقرب
راعي الغيان وراعي الصفرائي
يومٍ لحقته في المضيق فقال لي
يأمن وياسر ان بغيت جزائي
عدلت راس الرمح ثم ركزته
في راعي المجبوبة الحمرائي
ياالله يالمطلوب ياجزل العطا
اللي بغيت الكامتين ادرائي
اللي الى من قال كن كان الحيا
محيي العضات البايده بالمائي
انا بليت بغلمةٍ لم يفهموا
الا بكثرة شقوتي وعنائي
ابليس والدنيا ونفسي والهوى
كيف النجاة وكلهن اعدائي
ابليس يوزي بي لدرب مهونتي
والنفس توزي بي على البلوائي
قال الشبيبي والذي له سابق
من خيل نجدٍ مهرةٍ شعوائي
ابرَها ولابعد ركبتَها
الا نهار ورودنا لطوائي
كودٍ على الرجل القصير يعنها
الا يعرضها شبه سندائي
سميَت بالرحمن ثم ركبتها
بسيف هو والجوخة الحمرائي
يوم جيت لاذي كاعبي مسلوبه
تذرف بدمعة عينها النجلائي
بيضا وخالطة البياض بحمره
مثل الذهب في الفضة البيضائي
ثم قلت يابيضا عليك بسترك
الستر تحت البيضة النصبائي
كاني لحقت البل ولا رديتها
فانا رقيد القينة السودائي
لحقت كبير القوم ثم قضعته
قضع الجمال السود في الظلمائي
ذبحت منهم سبعةٍ مع ثمانيه
ورديت جزلاهم على الهزلائي
ذا قول منهو ما غدا في زله
عند الرفاقه كلهم طرقائي
الا ورا بدوان يام شالح
بمسلهب وطويلة العلبائي
قلته وانا من راس غلبا لابه
ماهم بقصار البتوع اشوائي
اهل تطاليع القفور ليا وزى
في القيظ راعي الفرقة المعزائي )
و
(يالله ياملهم الطلبات يارب
يارؤوف ياكاتب الحسنات ياوالي
اليوم تهيا لنا كونٍ على طرف
ياليت حن عندها في طارف المالي
حلفت باللي ترجي الحجاج مغفرته
مابه غير السبع في الاقفاء والاقبالي
شربت بحوض المنايا ثم علّت به
شربت حثاله عقب ماشربت الزلالي
خيالنا (بوشفيع) طالت أمهاله
خيّال وانل بأذكر الرحمن خيالي
شلفاه تشنى على اليمنى ضرايبها
أما على اليسرى فضربه ماله أمثالي
خمسة وعشرين براس الرمح كزيته
ضرب براس القنادز وحواليّ
ربي تجير فهيد من بلاء الدنيا
اللي اذا شفته حول العز يهيالي
جعله على الحق يسير مقبول
وجعله على الصلاة يقوم بعجالي
يا فهيد بوصيك في كبار روس هجمتنا
يومك تهتم عندها يا فهيد بالغالي
حاذور في يوم الورد لا تغايبها
لا تكتفي نهار الورد بالخالي
عله الى سرى بارق ليله
نوه رزين وبرقه يشعل شعالي )
و
(سمتني أمي حمد وانـا وافـي العـدد
يا سعـد ام بزتنـي وانـا لهـا ولـدا
اعرف من فرش لـي ردنـه الصافـي
واعرف من فرش لي ردنه وهو له مدا
اعرف من يضحك لي بسنـه الصافـي
واعرف من يضحك وفي قلبه علي صدا
انهى ابن عمك من العيلات فان عيـا
تاطى معه ما وطى مـن خطـأ وقـدا
قريب وان قربونـي جملـة اصحابـي
وان ابعدونـي بعيـد زدتهـم بـعـدا
نـاس مـع نـاس ومـال مـع مـال
ودار بــدار وبـــلاد كالـبـلـدا )
و
(يا عم لا عديـت الرجـال فعدنـي
من الراية العليـا ثمـان خصائلـي
الأولـه مانـي بـقـن قـاصـر
بين الرجـال محايلـي ومسائلـي
والثانيـه دمـاح عجفـا جــاري
حتـاه لامـن راح يذكـر جمائلـي
والثالثـه ياعـم زيـزوم سربـه
ومصـبـح قبـائـل بقبـائـلـي
والرابعـه ركـاب غـوج أدهــم
يحمي الحدود من الطمور الحائلـي
والخامسـه نقـال سيـف أرخـم
منه الدمي تحت الضلوع وشائلـي
والسادسـه لبـاس ثـوب ابيـض
ومن لبس ثوب الشاش راسه طائلي
والسابعة للسمن والسميـن مسبـل
دب الدهر من جاء يلقـاه سائلـي
والثامنه ما أصغيت صوب جارتـي
ولانـي عليهـا مرقـب ومخائلـي
ولاني خاطي خايـب مـن خايـب
اللي على الجـاره يحـط حبائلـي
ذا قول من هـو زاعـل ومزعـل
تعـدد الفرسـان وهـو يخائـلـي
وانست في قلبـي سـواة المليلـه
بيـن الضمايـر قايـم شعائـلـي
وانـا برجـوا واحـد مـا غيـره
وهو راعي الخيـرات والفضائلـي
ارجيـه يفجعهـم صبـاح بغـاره
خيل تجي الفيـن والكـل اصائلـي
من فوقها اللي بايعيـن ارواحهـم
والكـل منهـم بايـن لـه فعائلـي
وانا على صفـراء عريـب جدهـا
مليحة الذرعـان وايضـا عائلـي
البس عليها الدرع من طاسة اللقـا
والى ضربت الشيخ ياتيـك مائلـي
حتاهم اذا عـدوا يعـدون موقفـي
والى قبضت السيف ابري الغلائلي
وتـرى صبـي مـا يثمـن قولـه
يعد من صفـر العيـون الهزائلـي
فـي الرجـال محبـل مـا ينحبـل
يصدر بحمله فـوق غيـره مائلـي
و في الرجال مسفح زيـن القبـل
مخلوط بيـن النسـاء والرجائلـي
في الرجال مثـل الهنـادي قاطـع
يأخذ على قـروم الرجـال نفائلـي
وختاما مني صـلاة علـى النبـي
اعداد ما هلـت حقـوق المخائلـي)
و
(نجران ديرة بني ذهـل قبايلنـا
ولا يحله كون من هـو يدارينـا
البل ترازم وبذت كـل قراعـي
وتسلا سلفنا وحنا فيـه داوينـا
الا جينـا بطـرافـه وبنيـنـا
وقدينا زلباتها في منقـع الطينـا
وحنا كما عدنت بـذت مراودهـا
ومن رادنا من اعدانا راح يشكينا
نطعن ونِطعن ونطاعن من يطاعنا
واكثر طعنا اذا كثر الطعن فينـا)
اتمنى ان تنال هذه القصائد على اعجابكم
ولكم كل الشكر
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي
13-02-2010, 02:05 PM
قصائد الغيهبان المري
العرض المتطور
