محمد الاحمد السديري.. بخاطرة شي يقولة لكم..

عزوتي دوسريه · #1 28-12-2009, 08:34 PM

ســـــــلام علـــــيكم

بــــــــــــــدون إطـــالـة هــاهــو المــبدع حــتى بـعـد رحــيلــة

يــجــود بــمــا في نــفســة معــاتبآ فــأنصــتوا لة..

ياعاذلين القلب لاتمحنونه
000خلو عصي الراي ياصل مناهيه

بالعذل يا لعذال لا تعذلونه
000اخاف من نصح عن الرشد يعميه

القلب مايرضى انكم تنصحونه
000لا تنصحون القلب عن حب غاليه

حب المودة صايبه تجهلونه
000مامنكم اللي ذاق مره وحاليه

اللي يود القلب ماتفهمونه
000وجرح المودة مابكم من يداويه

جرح المودة جايرات طعونه
000وين الطبيب اللي يعرفه ويبريه

ياليت طراد المها يذكرونه
000 ويسعود ******** الجوازي يحاليه

عسرًعلى طلابه اللي يبونه
000 يعطي البياح وشرد الصيد تتليه

عليه قلبي كاثرات شطونه
000 ويلوج وسط الصدر من حركاويه

قلب الخطا ياسعود يعظم كونه
00 يكفيه من جور الهوى ربع مافيه

الزين لوتبعد علينا ضعونه
000 يكبر غلاه وكن عيني تراعيه

ياجب علي اني من الشك اصونه
وبالهرج عند الناس ياسعودماطريه

ادري عليه من العدايشمتونه
واخاف من هرج يضره ويوذية

لاواهني اقرابه اللي يجونه
ونا الى جيته عدوي حواليه

عليه روحي بالفواد مغبونه
وفاتن ثلاث سنين والروح ترجيه

ياسعود عني لابته يبعدونه
ناس تحلف به وناس تناحيه

البغض وسط قلوبهم يضمرونه
وفي مقرن الحجان تظهر مواريه

ويوقفون السلم دوني ودونه
وعندك خبر قلب تولع بغاليه

اخاف من حبل الرجا يقطعونه
واشرب عذاف السم كدره وصافيه

صبرت لين الصبر فاتت حتونه
واليوم كظم الصبر ماني بقاويه

عزالله ان الصبر غبن ومهونه
وان كان ممدوح العواقب لراعيه

ياسعود فعل الخير ما تفعلونه
وتفزع لمن ضاعت حياته وتنجيه

ياسعود مدو لي حبال المعونه
ترى رفيقك جاير الحب طاويه

انت الذي راجيك تقضي ديونه
والليل الاسود ما تعوقك ضواريه

وبـــمـــاء من ذهـــــــــب

نكــــــــmــــــــــتب

مــحــمــــد الاحــمــد الـــســــديـــري

تــح ـــيأتي للج ــــــميع

عزوتــــــــــ دوسريه ــــــــي

سمي الملك · #2 28-12-2009, 08:39 PM

الله يرحمه شاعر مبدع صح لسانش والسانه

مريغان · #3 28-12-2009, 09:56 PM

عليه قلبي كاثرات شطونه
000 ويلوج وسط الصدر من حركاويه

الله الله مبدع الله يرحمه

ولاهنتي على الذوق الراقي

عزوتي دوسريه · #4 29-12-2009, 06:38 AM

اقتباس:

المشاركة الأصلية كتبت بواسطة سمي الملك

الله يرحمه شاعر مبدع صح لسانش والسانه

صح بدنك ولاهنت على المرور

عزوتي دوسريه · #5 29-12-2009, 06:39 AM

اقتباس:

المشاركة الأصلية كتبت بواسطة مريغان

عليه قلبي كاثرات شطونه
000 ويلوج وسط الصدر من حركاويه

الله الله مبدع الله يرحمه

ولاهنتي على الذوق الراقي