معي لو سمحت شوي عقب عداك اللــوم @ أبعطيك عن بعض الرجاجيل معلومــه

[فالح بن ناصر]

‏?‏?‏?‏?‏?يقولون ما للعبد بد عن المقســــوم
وأنا أقول صح ويقنع العبد مقسومـــه
**

عسى الله يعين اللي توافد عليه إهموم
**هموم تخلي طبلة الراس منجومــــه

ترى والله انه مايكدر عليك النــوم
سوى كلمة من بعض الاصحاب مسمومه

إليا جت من الغالين وإلا الرخوم رخـوم
ولا أمحق من الغالي إليا شانت علومـه

ضعاف الروابع تبتلش والقروم تشـوم
ولاهي بلا شيمة ٍ من الشيم مليومـــــه

ولا أزين من القاع الخلى والوجيه سلوم
** ولا رفقة بعد طول الايام ملغومـــــــه

ولا ألذ من عشرة شريف من أقصى القـوم
يبادلك فعل الطيب معناه وسلومـــه

ولا شفت في جو الصداقه غبش وغيـوم**
عطيت الدروب اللي مع الارض مرسومـه

ولا مثل عز النفس لو مامعك مطعــــوم**
. وعن أهل الشماته خل الاسرار مكتومــه

معي لو سمحت شوي عقب عداك اللــوم
أبعطيك عن بعض الرجاجيل معلومــه

ترى اللاش لو وقف معك في حياته يـــوم
**تشوف الردى متبين فيه من يومـــه

وأنا أقول لو إن في وجيه الرخوم وســوم
**عرفنا نميز قيمة النذل بوسومـــــه

علشان نجلس مع رجال الوفى و نقـوم**
ونبعد من اللي عند الاجواد مذمومــه

وأنا أسمع مع أهل التجربة في الحياة علوم
بعضها صحيح وبعض الاخبار موهومـه

يقولون وكر الحر ما يعتليه البـــــوم
وأنا شوف عيني وكر حر تحت بومــــه


المصدر البي بي

[الفريض]

صح لسانك ولسان شاعرهااا
ولاهنت ع النقل الرائع
تحيـــــــــــــــــــــــــــــــــاتي ،،

[جلوي بن سبعان]

يامرحبا يابو ناصر وصح لسانك

ولسان بيبيك

لا هنت

[*ابوخالد*]

صح لسانك ولسان شاعرهااا
ولاهنت ع النقل الرائع

[فالح بن ناصر]

صحت أبدانكم ولاهنتوا على تواجدكم الكريم


،،،

حي البي بي اللي يجيب الأشياء العدله
مو عزيزي

[مطلق الخالدي]

صح لسانك ولسان شاعرهااا

ولاهنت ع النقل الرائع

تحيـــــــــــــــــــــــــــــــــــــاتي ،،

[فالح بن ناصر]

صح بدنك

ولا هنت على حضورك يالغالي

[عـزوز]

فالح بن نآصر

صح لسانكـ ولسآن شآعرهآ
ولاهنتـ ع الاختيار الرائع
كل الشكر لكـ
لاهنتـ


.
.