احساس دايم يراودني وقصيده اقرب لنفسي

[شموخ شايبها]

هالقصيده صدق شعور يمر فيه الانسان ويكره نفسه فيه لكن بمجرد الذكر واتصلي لك ركعتين وتذكر ربك يتلاشاااااا

بس ما انكر هالقصيده كل ماسمعتها ابكي وكل من سمعها بكى لانها مأثره وكان هذا شعور عندي ويوم شفت القصيده وقريتها وسمعتها حسيت انها ترجمت هالمشاعر بدقه
7
اترككم مع القصيده7

7



ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي <<

ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي

ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي

ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي << يووويل قلبي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي جحدنـي

ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي < انششهد

عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!

( شاعـر ) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!

تحياتي لكم وودي ... شموخ شايبها

[العــــديم]

صح لسان شاعرها
ولاهنتي ع النقل

[شموخ شايبها]

صح بدنك ,,
ولا انت ..ويسعدني مرورك الطيب

[ابو سالم الدويخ]

صح لسانش و لسان شاعرها

ولا هنتي ع النقل الرائع

تحياتي,,,

[شموخ شايبها]

ابو سالم الدويخ

صــح بدنك ,,ولا انت

واسعدني مرورك

[الـعـابـر]

صح لسانك ولسان شاعرنا

[الفريض]

صح لسانك ولسان شاعرهااا

ولاهنتي ع النقل الرائع

تحياتي ،،

[شموخ شايبها]

العااابر والفريييض
صح بدنكم
والفريض ولا انت
ومشكورين على مروركم الطيب

[ابو راشد الرطام]

صح السانش والسان شاعرها
ولا هنتي على المرور

[شموخ شايبها]

ابو راااشد الرطام ولا انت ..,, وصح بدنك ونورت الصفحه بمرورك