نحتاج لعلاج العقول استشاري...ونحتاج علم النفس...لا علم ذره

[سلطان المطيري]

للطامنه بوجيه أهلها مواري=لو يلبس ثياب الرياجيل عرْه
وللفار جره في حفر المجاري=وللذيب في روس المراقيب جرْه
ويا لازمي بالملزمات العساري=المجريات الجايرات الامرْه
اللي بلا مسبق حديث وطواري=واللي تجي مره،،ولا هي بمرْه
اليوم شب النار،،،والليل ساري=واللي تبا تعريه يالفكر...عرْه
منت بوزير...تخاف منصب وزاري=ولا أنت بمثل .... بسرق المبرْه
ناسن نذريها وناسن ذواري=واحدن يجرينا والاخر نجرْه
وان طار ولا طاح سهم العقاري=أمورنا بأمر الولي مستقرْه
وإن افتخر بفلوسه ابو مشاري=سلم على حسني مبارك بطرْه
حنا بلانا بالذكاء التجاري=اللي معاقبنا عن الخير..شرْه
والمجتمع راقي سلوك وحضاري=والسارق نحبه ونرفع صورْه
وحزب اليمين اللي مقره يساري=مثل اليسار اللي يميني مقرْه
نحتاج لعلاج العقول استشاري=ونحتاج علم النفس..لا علم ذرْه
ياضيق صدري والبلا في زراري=ولاني بعاجز فكته لو اقرْه
لكن خوفي من صحيح البخاري=واخاف أفيون الشعوب وأبرْه
مالي ومال الاحتباس الحراري=والغبن يغنينا عن الحر..حرْه
وانا حرام اليوم ماعاد اداري=والوقت دار ودورة الوقت مرْه

[الـعـابـر]

صح لسانك ياسلطان

[المنفرد]

ياسلامي علا شاعريتك

صح لساانك

[سلطان المطيري]

صح بدنك يالعابر...ولاهنت على المرور

[سلطان المطيري]

أشكرك يا صديقي المنفرد...ولاهنت على المرور

[عارف دربه]

صح لسانك يا سلطان

وننتظر جديدك

[عبدالله الشولاني]

ياسلاااام
صح الله لسانك

[سلطان المطيري]

صح بدنك يا عارف دربه...ولا هنت على المرور

[سلطان المطيري]

صح بدنك يالشولاني...ولاهنت على المرور

[البتآآر]

ناسن نذريها وناسن ذواري=واحدن يجرينا والاخر نجرْه


صح الله لسانك يا سلطان الشعر .

لي مدة ما استمتعت بمثل هذا الطرق حي هالراس والله