أولا :الطفل الخليجي من صغره يعني في عمر أربع سنين يلعب بالتراب ويتراجم بالحصى بينماالطفل الآروبي يلعب بالثلج ويسوي رجل ثلج واذا بيلعب مع ربعه يرشهم بالمويه ...
ثانيا :الطفل الخليجي اذابدا يروح المدرسه يصحى وهويصيح ويصارخ وما يرضى الايعطونه بسكوت كل شوي بينما الطفل الاروبي ياحياتي أول يوم يروح للمدرسه وهو يضحك ويغني ومبتسم ويرجع لأهله يعلمهم وش سوى بالمدرسه.
ثالثا :الطفل الخليجي في سن 10 سنين يايلعب بالكوره يايلعب بالشروخة واذاجت البنت ياحياتي تبي تشاركه صرخ في وجهها :وخري هذي لعبة عيال مولعبة بنات روحي العبي بعرايسك. بينما الطفل الاروبي في هذا السن يحس حساب البنت معه قبل أي شي ولا عمره يقولها روحي العبي بعرايسك.
رابعا :في سن 16-20 الشاب الاروبي اذا اعجبته بنت يروح يعطيها وردة والا قطعة شكولاته اواسطوانة موسيقيه كرمز للأعجاب بينما الشاب الخليجي اذافرضنا أعجبته بنت مع انه مايشوف الا العبايه مايندرى وش تحتها يعطيها ورقة مشقوقه مايندرى وش عقبه مكتوب عليها رقم >قمة الرومنسيه.
خامسا :الشاب الاوربي اذاحب بنت يقوم يعلم اهله أن فلانه حبيبته ويصير مايروح ولا يجي الامعها بينما الشاب الخليجي اذاحب وحده يكتم الأمر لييه موعشان التقاليد الا علشان يقدر يغازل غيرها واذاعلم احد يعلم ربعه يعني اني مطير بنات .
سادسا :الشاب الاوروبي اذاذبحته الرومنسيه خذ حبيبته في قارب على النهر وقام يجدف ويطالغ فيها بينما الشاب الخليجي اذا ازعجوه ربعه بأنه نصاب ولا يعرف بنات يصير همه يركب حبيبته في سياره ويمر بشارع مظلم ويوقف عند بقاله كل اخوياه مسنترين هناك يعني شفوني مركب بنت وعلى فكره بعضهم يركبو ن شغالاتهم ويلبسونهم عبايات الشكوى لله المظاهر خداعه.
سابعا :الشاب الاوروبي يجيب لحبيبته هدايا يا ورد يا ساعه أوعطر ويفرح اذا شافها تستخدمهم بينما الشاب الخليجي مايعطيها الا قطعة الورقه اللي قلنا عنها من أول (الرقم) وبعدين يصير ياخذ منها وهي على نياتها تحط له هديه في محل باسمه وهو يجي وياخذها.
ثامنا :الشاب الاوروبي لا سمح الله وتزاعل هو وحبيبته يحلطم ويقول انا السبب أنا اللي ما عرفت اصونها بينما الشاب الخليجي اذاخويته انخطبت وطنشته وهو اصلا ماعنده نيه يتزوجها يبدا يهدد ترى بنشر رقمك ترى بافضحك غير الازعاجات على جوال الضعيفه كل ليله.
تاسعا :الشاب الاوروبي دايما يسئل حبيبته وش رايك اسوي كذا والا اشتغل كذا والا ادرس كذا بينما المحروس الشاب الخليجي مايسئل البنت الا سؤالين تحبيني والا لأ والسؤال الأبيخ هو صديقي يبي يتعرف على بنت ماعندك واحده من خوياتك أعرفها على خويي تراه رهيب.
عــــاشرا :الشاب الاوروبي ينهي علا قته بالفتاة اللي يحبها بالزواج ويكونون أسرة سعيده ينما الشاب الخليجي لا يمكن ومستحيل ومن سابع المستحيلات يتزوج بنت كان يعرفها الا يشطب على اسم عايلتها من البشريه ..ما بقى الا هي يتزو جها ...بنت كانت تعرف عيال.
شباااااب لا حد يزعل
وبا لأخير الموضوع تراه منقول
أتمنى الموضوع مايكون مكرر
31-03-2006, 03:44 PM
الفروق العشره بين الشاب الخليجي والأوروبي!!!
العرض المتطور
