السلام عليكم ورحمة الله وبركاته
مسااااااااء // صبااااااااح الخير للجميع
أنا عضو جديد عليكم وأحب أني أعانقكم بهذه القصيده الغزليه المتواضعه ,,,
يازين ياللي تالي الليل شفناك=متغبي(ن) بين الشجر كيف ما أجيك
عز الله إني شفت زولك وممشاك=كنك غزالٍ هاربٍ خوف لارميك
انا وأبن عمي فلاح ألتقيناك=ناصر فلاح الهاجري نعم طاريك
يازين شوفة طالب سعيد وياك=كل العلوم الغانمه منكم وفيك
ما أضيع الهرجه ولا حولي انساك=مثل القمر يضوي علينا ويضويك
الشعر ليلي والحلا في ثناياك=تلعب به أصابع كفوفك وأياديك
ولاهدب عينك تلاعبه رؤياك=ذيك العيون السود شي(ن) محليك
ولاخدودك مثل ورد وسقيناك=سبحان من صورك سبحان منشيك
ياويل ويلي منه سيفك بلقياك=حد المراهيف القويه تباريك
هذا الخشم من حدته سيف براك=يسرق قلوب أهل الهوى ثم يخليك
وياحظ شعرك لا أنتثر فوق علباك=يطيح بنعومه شديده يساويك
يسري على خصرك كما عرض مركاك=يلتف حوله ثم يذوب محاكيك
وسلامتكم تقبلوا تحياتي
أخوكم / محمد بن زميع البشري
&& تــاج الســـلاطيــن &&
05-06-2006, 12:30 PM
العرض المتطور
