من المعجزات الشعريـــة ؟

[راعي الدهما]

الشاعر الكويتي المعروف ( مرشد البذال الرشيدي ) من كبار شعراء النبط في هذا العصر
من المعجزات الشعريه وهي توقف على اربعة قوافي ... اقدمها لكم عسى ان تنال اعجابكم.

داج الظلام انزاح .. والنور له ضوح=نور الصباح مضيح .. والليل زايح
مالي هوىا بمراح .. والقلب ملدوح=فكري من التلميح .. غادٍ شلايح
كني على لفّاح .. غصن ٍ بلحلوح=قاعه حزوم وشيح .. وارضه كلايح
يا مشغل المرتاح .. بسك من النوح=ورق ٍ على التطويح .. ما هي شحايح
يا من طربك انياح .. كدرت مجروح=طَرْبٍ وهو تفويح .. جوفه قدايح
صفقت راح براح .. لحت النحر لوح=لوحة يتيم ٍ ليح .. دمعه سبايح
يا القلب وطرك راح .. ما ظن له قروح=اليوم بالتشبيح .. مالك صلايح
يوم الدروب اسماح .. والدرب مفتوح=بديت في تفصيح .. قولٍ صحايح
اخذت لي مشواح .. باسرار وفروح=ركب الغرام مشيح .. هجنه طفايح
لي بالهوىا ميلاح .. والهم مكسوح=وامْوَقعٍ تصحيح .. حب الملايح
قلبي كما الملواح .. بيدين طاروح=من كثر التلويح .. رزقه توايح
السد ما ينباح .. من غير ساموح=واللي زَرَىا بقريح .. خله يصايح
يلومني من كاح .. شين اللغىا كوح=خبلٍ عطي تسنيح .. جاك امتدايح
تسلي الارواح زاح .. الكدر زوح=حبٍ بلا تبريح .. ما به بجايح
لو الهوى ذبّاح .. له ميل ورجوح=ولا حدٍ يعيش امْريح .. والعمر رايح
واليوم لي مصفاح .. عن ورد وسروح=الجهل هو تلقيح .. غرس القبايح
يوم الموقر لاح .. انا وين اباروح=بديت بالتصليح .. والله يبايح
كيف الحوَل يا صاح .. في عذلة الروح=شف لي هدف يا شيح .. ذرب النصايح
ما كتب بالالواح .. ما هو بممسوح=اليوم هو توضيح .. عطب الجرايح
من عاش بالافراح .. لابد من النوح=ساس بلا تسليح .. خطر اللوايح
والعقل هو مفتاح .. بيبان مصلوح=وينّزِّحك تنزيح .. عن كل سايح
عن ربعة السفاح .. يا القلب ونصوح=لا تتبعه وتطيح .. ما به ربايح
مثلك ليا من طاح .. خلاه مسدوح=اترك ردي الكيح .. زين السنايح
زبن الرفيق شناح .. بالطيب له نوح=من ورد عين السيح .. عاف الضحايح
نفسه على الامداح .. قد شاحها شوح=ذكره مع اهل الفيح .. واهل البرايح
خله وراك سناح .. عن كل كاثوح=ينجِّحك تنجيح .. رجل المدايح
كنه بكرب شباح .. للضد ذرنوح=صميدع ٍ زحزيح .. عطب الجوايح
ليا عذي المياح .. في جانب الصوح=كان الروى تنشيح .. للدلو مايح
كسب الفخر بكفاح .. وان طرد الفوح=خيالة التصفيح .. راحوا قمايح
من جاكر الارياح .. والغزل منطوح=غلبت هبوب الريح .. في ضرب لايح
ترى القشر فضاح .. راعيه مفضوح=جعله معه تسريح .. لاقصى التنايح
دايم وهو نباح .. والجيب مسروح=ثوبه من التطبيح .. غادٍ سرايح
لا تستوي قداح .. لو كان بمزوح=ما فيه هبت ريح .. مزح الفضايح
من للملا جراح .. لا بد مجروح=جلده من التجريح .. غادٍ صفايح
واحذر من اللحاح .. تراه مشفوح=لو كثر التسبيح .. ما من فلايح
ناسٍ بثوب صحاح .. والفعل مكبوح=تنهى عن التوكيح .. وهي الوكايح

أتمنا أن تحوز على رضاكــــــــــــــم



اخوكم


راعي الدهما

[الخيال الحر]

داج الظلام انزاح .. والنور له ضـوحنور الصباح مضيح .. والليـل زايـح
مالي هوىا بمراح .. والقلـب ملـدوحفكري من التلميـح .. غـادٍ شلايـح
كني على لفّـاح .. غصـن ٍ بلحلـوحقاعه حزوم وشيح .. وارضـه كلايـح
يا مشغل المرتاح .. بسك مـن النـوحورق ٍ على التطويح .. ما هي شحايح
يا من طربك انياح .. كدرت مجـروحطَرْبٍ وهو تفويـح .. جوفـه قدايـح
صفقت راح براح .. لحت النحر لـوحلوحة يتيـم ٍ ليـح .. دمعـه سبايـح

الله يعطيك العافيه اخوووووي راعي الدهما اختيار موافق

[ركايز]

كم هو رائع في صياغه هذه الفاتنه

لا هنت يا راعي الدهما على الانتقاء الطيب

[ابو راكان *]

راعي الدهما لاهنت على النقل

ومرشد البذال رمز من رموز الشعر وهذا مانتوقعه منه

[الجامحه!]

راعي الدهما..
تسلم طال عمرك عالنقل المميز وفعلا معجزه شعريه..!!!
وصح لسانك ولسان شاعرها ,,
ولاهنت ,,,
تقبل فائق احترامي وتقديري ..
اختك ..الجامحه!

[اعتز بالطيب]

Thank you for the beautiful poem brother Karim

[راعي الدهما]

صح لسانك

يامرحبا ومسهلا يالسنافي


لاهنت على المرور

[راعي الدهما]

طير الحباري

ارحب ارحب

يامرحبا ومسهلا يالسنافي


لاهنت على المرور

[راعي الدهما]

متـــــــــــيه العشرا

أرحب مليـــــــــــــــــون

يامرحبا ومسهلا يالسنافي


لاهنت على المرور

[راعي الدهما]

الجامــــحة !

ياهلا وغلا


يامرحبا ومسهلا


لاهنتي على مرورك الكريم


تحياتي لك