بعد فرّيـت القلـم بيـن اليـراع=هاض نظم القيـل مـن مجنونهـا
والقوافي مالها من الهجـس راع=قادهـا قـود النضـي وظعونهـا
ما يضيّق خاطري غيـر الـوداع=والنشاما ما تخيب ظنونها
وأشهد أن الطيب بالهافى ضيـاع=مـن مواثيـق الرجـال يخونهـا
مـن تعـوّد للمهونـه والخـداع=ما طهر لـو رغرغـوا صابونهـا
لو برك للحمل مرّه مـا أستطـاع=للثقـايـل يرتـكـي زبـونـهـا
مثل من ذكره مع العربـان شـاع=مـن رجال(ن)للعـدي طاعونهـا
صامـل الوقفـات حـلال النـزاع=فـي ليـال العسـر والا هونهـا
حاتميّ الكـف وضيوفـه شبـاع=من يحط الضان فـوق أصحونهـا
وأن لقي له ناس في دربه جيـاع=كـل يوم(ن)يمتـلـي ماعونـهـا
المراجـل والشكالـه مـا تبـاع=وأهلهـا بنفوسهـم يشرونـهـا
والسفينه في بحـر تسعيـن بـاع=تصفق الأمـواج حـول أركونهـا
راسيّه لو الهـوي هـز الشـراع=من فضل رب البشر مـع كونهـا
قلتها ما كـل مـن يامـر يطـاع=والقبائـل مختـلـف قانونـهـا
يـوم أذيـع العلـم للعالـم يـذاع=الذيـابـه لا تـجـر ألحونـهـا
الثّعالـه تبترم قـدم السـبـاع=وأن تعـدّن كشّـرت بسنونـهـا
والله اللي غيـرت هـاك الطبـاع=لو قنب ذيب الخلاء مـن دونهـا
يوم رزق الذيب من كسب الـذراع=أن نظرهـا صفـرت طبلونـهـا
كيف بنت كليب ربتّهـا الضبـاع=قصة(ن)مـا قلتـهـا يقلونـهـا
لو فجوج الأرض للطيّب وساع=للحساء نخيلها وعيونها
فرّقوا بين السوالف يـا الرّعـاع=والبحـر فـي قاعتـه فرعونهـا
ما جهلّنـا فـي الثنيّـه والربـاع=ثابتـه للنـاس شـوف اعيونهـا
مال بعض الهرج يا أهل الهرج داع=يـا كبـودن ولّعـت غليونـهـا
الحكي في الناس مـا سرالضفـاع=وكم عيال(ن)رزقها مـن شونهـا
للنّبي خيـر الوسيلـه والشّفـاع=الصـلاه وعـد وبـل امزونـهـا
والتحيّه ما دعاء لله داع=والأمانها شالها مامونها
نور وجهه مع ثنيات الوداع=والرساله للبشريقرونها
17-10-2006, 08:08 PM
العرض المتطور
