رســالة من قبيله( شمر ) الي قبيله( يـــــــام )

[الاصيل اليامي]

الله يبض وجه عبـدالله ويرحـم يـام كلـه=ياهـل المعـروف وهـل المـقـام السـامـي
كـل شمـر فـي يديـك الخـضـر ياعـبـدالله=فيك من طبع المعتصم وشيمت الاكرامي
وفيـك مـن تقـوى عـمـر واحتسـابـة الله=وفيك من نخو العروبه فزعـة المقدامـي
وفيك من سيف الجنازه بالوغاى يا سله=مايـرده يـم غـمـده غـيـر راســه دامــي
يالقهوجـي خـذ فناجيـلـك وشـيـل الـدلـه=ومـد فنجـال الوفـا لعبـدالله بــن اليـامـي
مـن سعـد بـن رمالـي حـب راسـه وقلـه=قلـه يسلـم راسـك المطنـوخ يالمقـدامـي
شمـراً ترفـع لـك البيضـا وتـفـرش زلــه=يـا عسـا اقدامـك تـدوسـه مــع الايـامـي
وكـان لهـل الطيـب دولـه تــراك محتـلـه=وكــان للهيـبـه رجــال تــراك صـدامــي
وكـان للنخـوه اهـل والله انـت اهــل لــه=وكان للفزعـه اصـل فانـت ليهـا الحامـي

[مسفر بن حمران]

لاهنت اخوي الاصيل على نقل هاذي الابيات الجميله وعبدالله بن عبيان يستاهل كل خير ويبشر بكل خير الله لا يهين الطنايا على فزعتهم مع عبدالله ماهو غريب عليهم الطيب والفزعه وصح لسانك ولسان شاعرها

[فارس شمر]

يستآهل كل خير ابن عبيان



وكل شـــــــــمـــــــــــــــر ويااه وفالــه التوفيـق يارب



دمت بخير وعافيه

[ابو ياسر 5]

نعم نعم معك يااليامي على الخير والشر

[مناحي الصميل]

بيض الله وجيه شمر الطنايا


ما هي غريبه عليهم الفزعه


كرام من نسل كرام


لا هنت

[فلاح بن ملبز]

صح لسان سعد الرمالي

وابن عبيان يستاهل كل خير

ويعطيك العافية يا الاصيل على هالنقل الجزل

وبيض الله وجهك

ولاهنت