يكبـر الرجـال امـام المهمـات الجسـام = ويصغر الرجال امام الجمال الانثوي ؟

[(هاوي قصيد)]

مسا الخير

مشاركه لشاعر العذب \ لافي الغيداني

مايبرد واهـج الشـوق وشعـور الهيـام = غير سرداً تطوي البعـد بالسرعـه طـوي

بديها من خلف ماهوب مثلـه مـن امـام = مستوي في حال .. وبحال ماهو مستـوي

خشمها عبرود طلقه .. وموخرهـا بهـام = رافعـه راعـيـه بـأشـارة ٍ ماتنـغـوي

لابدو دعاء السفر .. واعلنو ربط الحـزام = ورشادات الامن لـو ترتطـم والا تهـوي

واستلمها واحـد ٍ خبرتـه عشريـن عـام = كبتـن ٍ بالله وبكتـابـه إيمـانـه قــوي

مسلـم ٍ عنـده خبـر بالحـلال وبالحـرام = جابله ربي على الديـن وسلوكـه سـوي

وصعدت مثل اشقر ٍ فوق جول الصيد حـام = لمراوحهـا مـع الجـو لجـه وحــدوي

مثل مايدوي صدى صـوت رعـاد الغمـام = صوتها صداه عبـر الفضـا يـدوي دوي

صنعة اللي ماعرفـوا لاصـلاة ولاصيـام = شعب ٍ أكثرهم ماهو عـارف ٍ منهـو ذوي

بالنهـار لياتعلـت كبـر فـرخ الحـمـام = دونهـا الاف المسـافـات تزويـهـا زوي

وان تغطلس بينك وبيـن رؤيتهـا الظـلام = كن في روس اجنحتهـا مشاهيـب بـدوي

دوبهم دكو عـن دلالـه الربـع الحشـام = تحتها من وقدة السمـر جمـر ٍ مجثـوي

دايم وربعه علـى جلسـة ٍ عنـده حيـام = ابلـج ٍ ليـن جنابـه لربعـه وحـمـوي

مالي الا هي .. لياجـا للاشـواق أحتـدام = وقامت الذكرى على القلب تكوينـي كـوي

لي شهر وشوي عينـي محاربهـا المنـام = ودي احضـر جـوازي وادورلـي خـوي

بينـي وبينـه مسافـات وحـدود ونظـام = واحـد ٍ فرقـاه شاويتـن فـوادي شـوي

بس ابـا ازوره مثـل مايـزارون الكـرام = لين عيني مـن قبالـه وشوفـه ترتـوي

لو بغيت اصبر .. واكابر .. واقول اني تمام = ذيب حبه بيـن جـرد المحاديـب يعـوي

كان مالي في دروب الهـوا شـف ومـرام = لين شفته .. واشهد انه هـواة المهتـوي

ياسـلام الله علـى السلهمـه والابتسـام = وياسلام الله على اللـي مابيلـه مطـروي

كن مالله حط في منطقـة خصـره عظـام = وكن غيره ماحتوى مثـل ماهـو محتـوي

لاقعـد مـاوده يقـوم .. ولياقـام قــام = تلوي اعناق البشـر قومتـه يمـه لـوي

تقل بين اعلا الجسم واسفل الجسم انقسـام = شي من جسمه مرتـب وشـي ٍ فوضـوي

استلمنـي فـي جبروتـه اشـر استـلام = ليـن طيّـح معنويـات راس المعـنـوي

الغـرام ليابطـش فيـك ملعـون الرسـام = مايعرف هـذا قبيلـي .. وهـذاك خلـوي

يكبـر الرجـال امـام المهمـات الجسـام = ويصغر الرجـال امـام الجمـال الانثـوي

وسلامتكم ,,,

[فلاح بن ملبز]

صح لسانك ولسان شاعرها الجزل

ويعطيك العافيه على هالنقل الطيب

ولاهنت

[(هاوي قصيد)]

فلاح بن ملبز ,,,

صح الله بدنك طال عمرك ولانت

اسعدني مرورك الكريم

[عاشقة الكويت]

صح لسانك ولسان شاعرها الجزل

ويعطيك العافيه

ولاهنت

[احمد بن جوفآن]

الـهـــآجـــري

,,

حـيـَه وحـي مآ جـآب ..


جـزل ولا تجيـب إلآ الجــزل ..

صح الله لسان .. لآفي الغيـدآني ,, ولاهنـت يالاميـر على هالإختيـآر الراقـي

[الـ ـشـ ـقـ ـا ويـ ـه]

صح لسان الشاعر وصح ذوقك




تحياتي لك

[(هاوي قصيد)]

عاشقة الكويت ,,,

صح الله بدنتس

اسعدني مرورك الكريم

[(هاوي قصيد)]

احمد بن جوفان ,,

الله يحيك طال عمرك

وما الجزل الا راسك

اسعدني مرورك الكريم يالشيخ

[(هاوي قصيد)]

الشقاويه ,,,

صح الله بدنتس

هـــلا وســهلا

[ضريان بن حذران]

صح لسانك ولسان شاعرها الجزل

ويعطيك العافيه على هالنقل الطيب

ولاهنت