[ فمان الله سافر للنصيب وديرة المقسوم .. فمان الله سافر للحنين وحلل أشواقي ..~

[ربيبة تميم]

مساءكم / صباحكم شعر



فمان الله سافر للنصيب وديرة المقسوم
فمان الله سافر للحنين وحلل أشواقي

فمان دموع عيني والغرام وحبك المرسوم
مثل نقش الحجر في وسط قلبي له أثر باقي

فمان الله فاتت شرهة الخافق ووقت اللوم
لك الله ما بقت غير الدموع تباغت أحداقي

ولا باقي سوى جسم(ن) نحيل وناظر(ن) محروم
يراقب شمس(ن) أقفت من سماي وشالت اشفاقي

زمن عدى على ذاك الفراق اللي تقول اليوم
وأنا أرشف من يمين الجرح نزفي وأشكر الساقي

نبت للحلم ريش وقلت أهده في سماك يحوم
ولكن خانت فجوج الوساع وضاقت آفاقي

رحلت وكل حرف ما لبس من هالكلام هدوم
تذكر يوم أصافح غيبتك وأمد خفاقي ؟

أنا للحين مدري هو أنا الظالم أو المظلوم
أنا مدري وإذا تدري تعال وفتش أعماقي

أعرف إني سقيت الليل دمع ولاظهر به نوم
عقب ما مرني فصل السهاد وحتت أوراقي

فراق مر في حدب المحاني تقل خِيذة قوم
ضحى مني نهبك بغفلتي واستسهل وثاقي

يقولون العرب أن الأوادم ما عليها وسوم
وأنا لو أدري أنك من نصيبي ما أنكسر ساقي

يمر الشعر في درب الجديد ولا يجيب علوم
بقى عندي كلام من رحلت يدور اعتاقي

فمان الله وجه للغياب وخلني موهوم
ابعصر الحنين بغيبتك وأعتق اشواقي









للشاعر /صالح السكيبي

[ريــــــانـه العــــود]

ربيبه تميم




الله الله روووووعه

صح لسان الشاعر

وصح اختيارك ياقلبي

[الخالدية]

نبت للحلم ريش وقلت أهده في سماك يحوم
ولكن خانت فجوج الوساع وضاقت آفاقي


ربيبة تميم

صح لسان السكيبي..
وصح نقلك..
ولاهنتِ

[محمد آل غانم]

مرحبآ ربيبه

قصيده روعه

نقل متميز ورآقي
صح لسآن شآعرهآ ونآقلهآ

كل آلشكر لكٍ

[جطلي بن فهد]

الله الله


صح لسان الشاعر
ولاهنتي اختي على النقل

[بتاااار]

الله الله


من اروع ماقرأت



ربيبه يسلمو على النقل وذوق ياذوق


تقبلي مروري


تحياتي

[şσ ί Ļόve]

اللـه حلــووه (:

صح الله السان شاعرها

وصح السانك (:

شكرآآ ع النقل الرائع

[بو عزوز]

صح لسانكـ ولسان شاعرها ..

[المتكبر]

صح لسانكـ ولسان شاعرها ..

ولاهنت يالغالي

[الشادي]

صح لسانكـ ولسان شاعرها ..

ولاهنت يالغالي