ام كلمه مـن عرف مقـــدارهــا لا ما يخيب

[الاصيل اليامي]

هذه قصيده اعجبتني وهي عن الام
ارجوا ان تحوز على ارضاكم

لاحت طيوف السنا والضحك عود للنحيب = شفت لي بالوقت شايب لوهو بعز الشباب
خابرن كنزن خـــذا منـه البشر طيبه وطيب = رغم قربه بعضهم عاش المآسي والعذاب
كنزن اغلى مـن كنوز المـال للعله طبيب = ولا لمس جرحن عجز عنه الاطباء منك طاب
كنز حنيّه ليا احـتــجــت الوفا مــنك قريب = كنز ام لا لفضت إبإسمها زاح الضباب
تسفه العالم عشان اليا زهــمــت إلها تجيب = تنظر بعينن بوسط الصدر من دونه حجاب
صح ما ذقت الحنان ولكن المعنى يصــيب = قالها اللي شب عمره في حضن امه وشاب
صح كنت ابعد سنه والجرح في قلبي عطيب = زول امي الوافيه في وسط عيني لوغاب
شفت دمعتها وانا مسافر عن الــديــره غــريب = هزت الدنيا بوجهي واعتلا العالم تراب
دوم ضحكتها ولوهـي غـايــبـه لا مـا تغيب = يوم قالت يا ذخر يومن يجافيني صحاب
داعبتني في مهــادن بعدهـا كني صــويب = ست مرن كلها جرح ومآسي وإغتراب
ام كلمه مـن عرف مقـــدارهــا لا ما يخيب = ام كلمه تشفي المنصاب من جرح المصاب
ام كلمه مـن ذهـب واغلا بلا شــكــه وريب = ام كلمه تنور المظلوم من ظلم النشاب
كلمة ام لو عـرف مــقـدارها كــافر ينيب = لوعرفها عن عمل ما يغضب الرحمان تاب
ام منهو ما احترمها يـاعسـى حتفــه قريب = لجلها والله علي الحرم لا آهين الرقاب
ام بالــدنــيــا ذرى لا هب بالعالم لهيب = ام بالدنيا دوى لا صارن إجراحك عطاب
ام لا عيا الزمان إيحـن حــــنت بالــحـلـيب = ام لا ضاع الفتى يلقى بكفيها كتاب
من نسمها هــب نسناسن بهالدنـيا عـذيب = ومن عيون الام ينور دربنا دون إكتئاب
ومن شعرها يسدل الليل الوفي من دون عيب = مثل ما قاله عليه افضل صلاه اولى الصحاب
والله اني بالمعاني لجلها اخـطي واصــيب = ما وفيت إبحقها والشعر عنها كالسراب
ينحني بيت القصـيده من شبــابه للـمــشيب = هابهاالمعنى وانا خبري المعاني ما تهاب
من رضاها يرتضي المولى العلي الرب الرقيب = ومن زعلها كل هالعالم على العاصي غضاب
ام جاب امر ارتضــاهـا ي جبريل الـنديب = عالمي لوهو خلا منها وا جعله للذهاب
لجلها نصـبر على الدنيا ولو شان النصيب = ام لجل عيونها سلت سيوف وحد ناب
ام ملجأ لاعوى في ديــرتــك تسعين ذيب = ام لا منّك ضميت إبهالزمن هي الشراب
ام لوهـي تنتخي جيــت اعتــزي لوي صويب = والله اني ما آخذلها لجلها يفنى الشباب
ام جعلي فدوتــن لعــيونــها والله يثيب = لجلها هد الجبل ولعينها تقطع هضاب
ومن سمع بيت القصيده قال هالمعنى غريب = كيف شاله بيت يطلب هالبشر رقه وحساب

[مـحمـد]

ماشالله وصح لسان الشاعر والله لايهينك

وفعلا الجنه تحت اقدام الامهات

[سلطان بن جفن]

صح السانك والسان شاعرها


ولاهنت على النقل الجميل


اخوك سلطان

[الاصيل اليامي]

صحت ابدانكم يا ذيابه

والله لايهينكم على المرور

اخي alajmi

ويا اخي سلطان

تحياتي
الاصيل اليامي

[جالس بن مبارك]

لا هنت يا الاصيل

[دغري]

صح السانك والسان شاعرها


ولاهنت على النقل الجميل

تحياتي....................دغري

[الاصيل اليامي]

من قال مايهان يا لورنس

وصح بدنك يا دغري

واسعدني مروركم
وجعلكم ماتندمون