قصيدة ::{ الفـاتـنـة }:: لـــ ضيدان بن قضعــان"

[أروى العجمي]

بانت نجوم الصبح واللي في عيوني من عَصر
ما هوب دمعٍ لا تضايقت آتنهّتْ واسكبه ؛

لا والله الا حلم شيخٍ عن طموحه ما قِصَر
لو قصّرت سود الليالي من يمينه وشْنبه ؛

وانا لو اني ما تعلّمت الهزيمه والنصر
ما كان ذقت من الهوى القتّال مرّه واعذبه ؛

شاعر وعصري فاتني واعيش في أغرب عصر
لا الوقت وقتي والزمن ما بيني وبينه شبه ؛

لكن هنوفٍ مثّلتْ دور العزيزه في مصر
قدّتْ قميصي واسرفت في وصلها قبل انتبه ؛

يوم انْتبَهْتْ استشهدت ضدّي بحرّاس وقصر
قلت ارحمي عزيز قومٍ ذل وارخى منكبه ؛

ماني نبي الله اقاوم حسن خصرك لا انهصر
انا بشر عبدٍ ضعيف وكل برقٍ يجذبه ؛

قالت وهي تُوّي تثنّى كنْ ما فيها خصر
الشعر يا ضيدان ورث جدود ولاّ موهبه ؟!

قلت الشعر سحرٍ يسخّر لي القلوب ويختصر
عمر المسافات الطويله والسنين المجدبه ؛

والحب شيٍ لو حصرته في ضلوعي ما انحصر
يطغي على حدْب المحاني لين ابيحه واكتبه ؛

وان علّمتني الفاتنه وشلون اسير ابلا بصر
علّمْتَها الفنجال وشلون اتحدّى واشربه ؛

وعلّمْتَها إنّي كذا طال الزمن ولاّ قصر
وان اعذب الحب اصدقه وان اعذب الشعر اكذبه ؛



* منقــول *
تقبلوا مني أجمل تحيــة ؛؛

[أنسان عادي]

اروى العجمي

يعطيك العافية ع الاختيار الرائع

سلمتي وسلمت ذائقتك

وصح السان الشاعر ضيدان بن قضعان

تقديري

[رجـم بـذال]

والحب شيٍ لو حصرته في ضلوعي ما انحصر
يطغي على حدْب المحاني لين ابيحه واكتبه ؛


صح لسان

ضيدان بن قضعان


اروى لاهنتي على الاختيار

[عبداله الميـــــع]

الله لا يهينش على الموضوع الرائع

[أروى العجمي]

مرحبآ فيكم أخواني..
انسان عادي ؛ رجم بذال ؛ عبدالله الميع

شكرآ لكم ..
أسعدني مرورك الكريم

لا خلا ولا عدم *

[محمد بن خزيم]

اروى العجمي

يعطيك العافية ع الاختيار الرائع

سلمتي وسلمت ذائقتك

وصح السان الشاعر ضيدان بن قضعان

تقديري

[Aq9aK..~bShr]

يعطيش العافيه اروو ولا هنتيي على نقل القصيده

[أروى العجمي]

هلآ فيكم أخواني ..
أل الهادي ؛ al.5zim

الله يعافيكم ويسلمكم
أسعدني مروركم العطر وردودكم الطيبة (:

لاخلا ولاعدم

[هادي الشامري]

لكن هنوفٍ مثّلتْ دور العزيزه في مصر
قدّتْ قميصي واسرفت في وصلها قبل انتبه ؛

يوم انْتبَهْتْ استشهدت ضدّي بحرّاس وقصر
قلت ارحمي عزيز قومٍ ذل وارخى منكبه ؛

ماني نبي الله اقاوم حسن خصرك لا انهصر
انا بشر عبدٍ ضعيف وكل برقٍ يجذبه ؛

قالت وهي تُوّي تثنّى كنْ ما فيها خصر
الشعر يا ضيدان ورث جدود ولاّ موهبه ؟!

قلت الشعر سحرٍ يسخّر لي القلوب ويختصر
عمر المسافات الطويله والسنين المجدبه ؛


اروى صح الله لســـــــــــــانش ولســــــــــــان ابن قضعااااااااااااان قصيده فوق الزين والزين ماجيب الا الزين يعطيش العافيه على الاختياااااااار المميز

[أروى العجمي]

شكرآ لك أخوي هادي الشامري *
هذا بس من طيب أصلك,, أسعدني مرورك الرائع.

تحياتي لك