خلّص رصيدي ..!

خالد بن رمثان · #1 23-06-2010, 03:44 AM

السلام عليكم ورحمة الله وبركاته

صباح الخير للجميع .!

.. قصيده عفويه أهديها للجميع و لكل من طلب وجودها

في صدى المشاعر .. أتمنى أن ترضي أذواقكم جميع ..

.

.

.

.

هلا يا فرحتي ... لا لا ياعيدي
ورا (الجوال) و تغني قصيدي

ألو / يا مرحبابك يا هلابك
(فديت) الصوت يالذرب الفريدي

ألو / ياللي عشقتك من عرفتك
و ياللي صرت فالدنيا رصيدي

ألو / يا واحدن لا بان صوته
مع العالم و أحس إني وحيدي

أنا اللي يوم صافحتك تراني
من الفرحه قعدت أقبّل إيدي

ومن بعد المصافح صرت أضمك
علشان أستلذك يا رغيدي

و أوقف عند حدي غصب عني
مع إن إبليس ينوي فك قيدي

جميل !! الله يخلي لك جمالك
جمالك شايفه ما قيل (ميدي)

نيوتن . . مُكتشف للجاذبيه
كلام الناس من وقتن بعيدي

و لكن يوم شفتك يا غناتي
طلع (حكي)البشر ماهوب أكيدي

أحبك (لعنبو) من لامني بك
و لاني قايلن شفك بـ وريدي

أبيك تشوف زولك في عيوني
و تدري عن غلاك المستبيدي

غلاك أكبر ترى مما تصور
ألا ياللي غرامي بك يزيدي

و أبيك تشوف بيتك وسط قلبي
قديم و ما يفكر فالشديدي

و عيدي يا حروف القلب (أحبك)
(أحبك) يا حروف القلب عيدي

معاد أقدر أوقف عن غرامك
و عاد القلب ناوي فالمزيدي

تصدق ، يوم غنيت القصايد
أحس إنك تغني لي .. جديدي

تجدد كل شعري من لسانك
مع إنه عايشن عمرن مديدي

جعل (يفداك) مزيونن تكبر
وهو من عام الأول (كان صيدي)

(تشيحط) دامني ما أحب غيرك
و لا تنسى تجدد لي قصيدي

ألو.... وش فيك ساكت ؟ ما تسولف
و أثاريه إنقطع (خلّص رصيدي..!)
.

.

و طــولـــة عــمـــاركـــم

.

.

ســالــم · #2 23-06-2010, 03:48 AM

ألو.... وش فيك ساكت ؟ ما تسولف
و أثاريه إنقطع (خلص رصيدي)

الله وكبر على الابداع

لاهنت لاهنت على القصيده الرائعه

بنتظار جديدك وابداعك

تقبل مروري ....

خالد بن رمثان · #3 09-07-2010, 07:01 AM

اقتباس:

المشاركة الأصلية كتبت بواسطة ســالــم

ألو.... وش فيك ساكت ؟ ما تسولف
و أثاريه إنقطع (خلص رصيدي)

الله وكبر على الابداع

لاهنت لاهنت على القصيده الرائعه

بنتظار جديدك وابداعك

تقبل مروري ....