بلاك بيري

[ناصر الخالدي]

السلام عليكم

الله يمسي من يمسيني بخير=بالخير لنه يستحق المسابه

انشهد ان الببي بعالمه غير=اقبل! واضف! وارسل هلا! مرحبابه!

والله لو ما فيه بعض المناعير=الخالدي ابطى واهو ما درابه

يشغلك عن ضيفان والا مسايير=وفكرك ما بين الدردشه والكتابه

ما خذته ادور علوم الغنادير=لو ان قلبي فيه ما صك بابه

غرون يساوي في عيوني قناطير=القلب بيته والمحاني ارحابه

اقفا ولا خيب اضنون المقادير=خذاه من هو للمقادير جابه

اموت لا نسنس علي تالي عصير=ريحة عبيره في طوارف اثيابه

اثيابه اللي كن فيها نواوير=تفوح بين اكمومها والغلابه

روضن عبق عشبه غدالي تباشير=لا مربي ريحه ابطش السحابه

بطلب من الله يلتمسلي معاذير=عنده ولا يشره علي في غيابه

خذيت انا الببي وباعطيه تبرير=وانفوس خلق الله مهي بتشابه

ابغيه لامن صاد طير وغدا طير=والا قضب طيرن عليه الطلابه

ارسل علومي للوجيه المسافير=وبعد السؤال اخذ علوم الاجابه

هذي طراته لا خذوه الصقاقير=واسهيل بالتوبك كتب يا هلابه

وبعد طراته لا خذوه الشواعير=وكلن شرح عن حالته ويش صابه

ببيات فيها يرسم الوضع تعبير=اتحرك الساكن ويفقد صوابه

هذي رساله بين هجمه وتمرير=واتقرب اللي مبعداتن اركابه

وان كاني اخطيت وقبلت الغنادير=لا اخطيت ماني من عيال الصحابه

[فيصل ال رشيد]

صح السانك

[مح ـمد بن حبنان]

صح لسانك ويعطيك الف عفيه لاهنت

[العــــديم]

ارسل علومي للوجيه المسافير
وبعد السؤال اخذ علوم الاجابه
هذي طراته لا خذوه الصقاقير
واسهيل بالتوبك كتب يا هلابه
وبعد طراته لا خذوه الشواعير
وكلن شرح عن حالته ويش صابه
ببيات فيها يرسم الوضع تعبير
اتحرك الساكن ويفقد صوابه

صح لسانك ملايين

[# أم أطياب #]

انا ماشوف ابيات شعر الا برد العديم

عند الاخ الشاعر صاحب الموضوع شنو مكتوب

ولا شيء الا السلام عليكم وبعده بن بلاك بيري

؟

[ناصر الخالدي]

حياكم الله جميع اما بالنسبه للقصيده فهي طالعه كامله عندي ولا ادري وش صاير يا طيبه

[مخلد علي العتيبي]

صح لساااااااااااااااااااااااانك