السـلام عليكـم و رحمـة الله و بركـاته
أعتذرلكم عن غيابي
و أقدم لكم قصيده من القديم
أتمنى إنها تعجبكم
ياللي قطعت حبال وصلك وقفيت ؟=حتى حبل عمر المحبه ( قطعته )
صدقت عذالي وعني ( تخليت ) ,=بعت الذي بـ ( الروح ) يشريك بعته
أنا عطيتك بالوفا والغلا ( بيت )=بيتن حواليه ( إشتياقي ) زرعته
تذكر زمانن راح و ألا تناسيت ؟=عربون حبك يوم عندي ( دفعته )
وش غيرك يا راحتي ليه صديت ؟=حتى ( تليفونك ) علي ما رفعته
كنت الونيس لخاطري لا تغنيت=و صوتك يهيض هاجسي لا سمعته
و لامن تهيض هاجسي جر له بيت=و يا كم بيتن في غرامك ( بدعته )
و يا كم تعنالي ليا مني أبطيت=و يا كم على بيتك طريقي قطعته
لا صرت تدعيني من القلب لبيت=و لا صرت أناديلك تجي دون نعته
و قال المثل كب الغنى و إملك الصيت=و أنت الذي صيتك على الناس ذعته
مزيون !! لكن كل ما رحت ما جيت !=عذبتني بالصد ليتك ( منعته ) :-
هديت حيلي ما تفهمت ما اوحيت=نشفت ريقي من كثر ما ( بلعته )
كنت أرتوي قربك و لكن ترديت=أظميتني شوفك و لاماك جعته
أنشهد إني في محبتك زليت=أوهمت قلبي فالوصال وخدعته
يا ليتني قبل أعرفك ما تلاقيت=وياك ياللي ثوب حبك خلعته
لكن على ما قيل وش تنفعك ليت=لا راح من ترجيه و اللي صنعته
الحب قفى !! وأصدق إحساسنا ميت=الله يسامح خافقن فيك طعته
و الله يخفف لي كثير التناهيت=والله يرجع لي خفوقن نزعته
ما عاد أفكر فيك مبغيك مليت=بفرق اللي فالحشا لك جمعته
ياللي قطعت حبال وصلك و لاجيت=مانيب ( خالد ) كان دربك تبعته
.. و سلامة أرواحكم ..
30-05-2011, 02:10 PM
العرض المتطور
