مسرح الدنيا

محمد ضرمان الشولاني · #1 30-06-2011, 03:47 AM

صبحكم ومساكم الله بالخير

شنّت عليّ الدواير حرب واجهادي=حتى عجزت آتصدى غاره وغاره

عجزت أناحي زمان ٍ طبعه السّادي=في زوبعه مالها مركز ولا شاره

به راس مالي ذلول الفكر وشدادي=بيض النوايا بعصر الزيف منهاره

تغيّر الوقت والأعراف تنقادي=من قمة السّلم صوب الجرف حدّاره

والشيمه اللي تتوج روس لمجادي=راحت قيمها وخانت قصرة الجاره

وشوف المظاهر طغى بالجوهر وسادي=وما كلّ لولو يزيّن شوف محاره

واليد وإنْ مدّت المعروف ما فادي=في ظلمة الجحْد والنّكران محتارة

دنيا غريبه تجانس فيها لضدادي=حتى تخاوت سباع الغاب والفاره

وذيب النّوايف بعد ما كان يصطادي=أصبح فريسة ثعالب صيد مكّاره

والحر لا من وقع بالشرك ينصادي=ويصبح أسير الوكر في سبق صقّاره

والواقع المرّ نخفي صورته.عادي=مثل المسارح تحجب الواقع ستاره

نخدع ونكذب ونمكر زيف واحقادي=والناس تبغي تزيد المسرح إثارة

يا حكمة الماضي الأمثال تنعادي=مثل المسلسل به الأدوار مختاره

والفقر بالحكمه أقوى من فقر زادي=وسقم العقل ما يفيده طبّ واعطاره

ممكن تعين الفقير ابمدة أجوادي=بس الغنى لا تعلّم صيد سنّاره

وسط البحر درّ كامن وانت صيادي=والبوصله عقل راجح عرْف بحّاره

لكن على الله يزين الحال باعبادي=جبّار وحده تعلّى فوق جبّاره

وسلامتكم،،،

سلطان ال شريد · #2 30-06-2011, 11:40 AM

ممكـن تعـيـن الفقـيـر ابـمـدة أجــوادي
بــس الغـنـى لا تـعـلّـم صـيــد سـنّــاره

وسـط البحـر درّ كامـن وانـت صيـادي
والبوصلـه عقـل راجـح عـرْف بـحّـاره

لكـن علـى الله يزيـن الـحـال باعـبـادي
جـبّــار وحـــده تـعـلّـى فـــوق جـبّــاره

الله الله ...

صصصح لسسآإنك ملآإيين

ابدآإع يآإبو راكآإن ابيآت في قمه الروعه

ومعنى يمثل وآقع موجود

لله درك ... ولله درك ...

سسجل فآئق اعجآبي ..

تحيآإتي