** أحدآ كما الغيـث لقرابـه وجيرانـه ^^وأحـدآ خواطـر معازيبـه يكدرهـا **
فعلآ قصيدة شرف وأجمل من الدانـه
وفي بنت أميرآ وصح لسان شاعرها
من شاعرآ تطرد الهاجـوس قيفانـه
والساحه اللي يجي شعـره ينورهـا
يا أفكار شعري تعالي لي على شانـه
أنا علوم الشـرف والطيـب أقدرهـا
لو يختلف رمـي نيشانـي ونيشانـه
الناس ماتعبـر الا عـن خواطرهـا
النفس مـن جايـر الأيـام زهقانـه
وبعض المعاني هواجيسـي تثورهـا
البارحـه مارقـدت العيـن سهرانـه
تقول بالشـب مـذروره محاجرهـا
البيـت ماينبنـي مـن دون عمدانـه
وأنا علوم الوفـا والطيـب أدورهـا
عزي لمن باربـه وقتـه وصدقانـه
وكثرت أكسور الزمن وأزرا يجبرها
اليا سمعت الفراق وذكـرت أزمانـه
هلت عيوني مـن الفرقـا عبايرهـا
لوأن نفسي ماهـي بالحيـل ندمانـه
مير العرب مايفوت الشيـن ناظرهـا
وياكثر ناسـآ بهـذا الوقـت بلشانـه
وتخفي بلاو الزمن بقصى ضمايرهـا
وناسآ لو تسوي المعـروف غلطانـه
هاذي علومآ أنـا شايـف وخابرهـا
سبحان ربآ فـرق بالخلـق سبحانـه
ناسـآ تشـاور وناسـآ ماتشاورهـا
أحدآ صديقآ وكنك من حـدا أخوانـه
وأحدآ يفكر حياتـك كيـف يدمرهـا
ونوب الرجل تطلع ألاقراب عدوانـه
والله سبحانـه المعـبـود ذاكـرهـا
وناسـآ بنقـل النمايـم كيـف فنانـه
وأهل النمايم عسى ربـي يدهورهـا
الرجل صدقـه ونياتـه مـن أيمانـه
وألا السوالف يبـا يقـدر يصورهـا
والرجل لوهو خفـا للنـاس عنوانـه
تكشف علومه لونـه كـان ساترهـا
ولابد يات الخبر من صوب عربانـه
تاتي علـوم الصحيـح ولا يدبرهـا
والتجربه للرجـل عرفـه وبرهانـه
وألا البشر تنخدع نـوب بمظاهرهـا
والرجل فعله وعقل الرجـل ميزانـه
والناس تحكم على نظرت بصايرهـا
والسر لاما أغلـق الانسـان بيبانـه
قامت علومه أهـل النمـه تمررهـا
ناسآ لهـا بالزمـان وبالعمـر خانـه
وناسآ تجيب الهمـوم ولا تقاصرهـا
أحدآ كما الغيـث لقرابـه وجيرانـه
وأحـدآ خواطـر معازيبـه يكدرهـا
وناسآ لو أتظل طول الوقت زعلانـه
محدآ نشد عن زعلها مـع تظررهـا
وأدري وأعرف الزمن وأشوف عميانه
وأتبع هوى ناس والا نـاس أسيرهـا
والدرب ينظربه المخلـوق بأعيانـه
ويمش الدروب الذي نفسـه تخيرهـا
ويختار في سيرتـه ربعـه وخلانـه
نفسه ونفسـه علـى كيفـه يسيرهـا
ومن دور الطيب جعل الرب ماهانـه
الله يجيره مـن الدنيـا ومخاطرهـا
(خليف الوهيداني)
12-11-2004, 03:05 AM
العرض المتطور
