الغبطه والحسد

[m-al3jmi]

من المعروف ان الحسد هو تمني زوال النعمة عن المحسود ، وإن لم يصر للحاسد مثلها.

وايضا الحسد هو البغض والكراهة لما يراه من حسن حال المحسود.

بخلاف الغبطة فإنها تمني مثلها من غير حب زوالها عن المغبوط.

ماذا تقول لشخص عندما تقول له اذكر الله عندما تتكلم عن فلان فيرد عليك انا لست بحسودا ؟

وماذا تفعل لو كان لك شخص تعرفه من الاصدقاء او العائله حسود؟؟ كيف تتصرف معه؟؟

وهل حقيقه ان الغبطه يساعد الشخص على تحسين نفسه الى الافضل ؟؟ وكيف يساعده ؟؟

اتمنى ان يعجبكم الموضووع

في انتظار مشاركاتكم

[الـعـابـر]

لاهنت على الموضوع القيم

[عـزوز]

-وماذا تفعل لو كان لك شخص تعرفه من الاصدقاء او العائله حسود؟؟ كيف تتصرف معه؟؟

يقول الرسول عليه الصلاه والسلام ( اقضوا حوائجكم بالكتمان )

وقرائة الاذكار تحمي من العين ..

لكن السؤال الثاني مافهمت عليك وضح !!

وياليت نسمع وجهة نظرك

ولاهنت ع الطرح الطيب
شكرا




,

[المهجول]

-وماذا تفعل لو كان لك شخص تعرفه من الاصدقاء او العائله حسود؟؟ كيف تتصرف معه؟؟

النحشه وانا اخووك هههه << دامه حسود وش لي بخوته ولا بقعدة معه...

ماذا تقول لشخص عندما تقول له اذكر الله عندما تتكلم عن فلان فيرد عليك انا لست بحسودا ؟

بقول انت قاعد تحسده وانت منت داري بنفسك ,,, وذا الشي يحصل حتى لو بين الاخوان

وهل حقيقه ان الغبطه يساعد الشخص على تحسين نفسه الى الافضل ؟؟ وكيف يساعده ؟؟

اي ممكن انها تساعده مثلا لو انا شفت لي شغله زينه وغبطت ذا الشخص عليها ممكن اقدر اسوي مثله بدون لا يأثر عليه هو بما معناه احصلها بدون تزول منه وذا الشي زين << هههه انا المستفيد


ولاهنت والف شكر ع الموضوع القيم ,,,

[m-al3jmi]

العابر
مشكور علي مرورك

اخوي عزوز

العين نوع من انواع الحسد وانت جاوبت على السؤال الثاني بس ماقلتلي شلون تتصرف

هل تبتعد عنه وتقطع علاقتك به ام ماذا؟


بس ماعليه ماقلتلي رايك بالسؤال الثالث والاول

اخوي المجهول

مشكووور على المرور واضافتك المفيده

[عـزوز]

سوري مانتبهت للسؤال الأول كان قصدي الأخير


بس انت وش وجهة نظرك من طرحك !

شاركنا




,

[m-al3jmi]

ههههههه شكلك تبيني اجاوب علشان تغش

ماعليه ابرد على الاسئله


ماذا تقول لشخص عندما تقول له اذكر الله عندما تتكلم عن فلان فيرد عليك انا لست بحسودا ؟

ابقوله شدراك انك مو حسود ممكن انك حسدت اكثر من شخص بدون لا تدري وهذا شي ممكن يصير

وماذا تفعل لو كان لك شخص تعرفه من الاصدقاء او العائله حسود؟؟ كيف تتصرف معه؟؟

الاصدقاء شي طبيعي ابقطع علاقتي مع اما العائله اتواصل مع بس بحدود ما اعلمه باي شي

وكل ما سئلني عن شي اقوله مدري ولا قال شي عن اي شخص اقوله اذكر الله ترا العين حق

وهل حقيقه ان الغبطه يساعد الشخص على تحسين نفسه الى الافضل ؟؟ وكيف يساعده ؟؟

من وجهه نظري على حسب الشخص نفسه بعض الناس الغبطه فعلا تساعد على تحسين نفسهم للافضل اما من ناحيه دراسيه او اجتماعيه او وظيفيه

اما البعض الاخر ماتفيده لانه مايسوي شي يعني ابي اصير مثل فلان بس مابي اتعب ولا اجتهد ومن هالكلام