احـســــاس الـرفـيــق

[عبدالله الشولاني]

السلام عليكم ورحمة الله وبركاته,اعتذر عن الانقطاع ولكم وحشه في ذمتي,’واقدم لكم جديدي عسى ان ينال على بعض اعجابكم, ودمتم.

العذر والتقدير واحسـاس الرفيـق= لاجات لك من صاحبـك لاتخسـره
واكثر ميجرح خافقك جرحن عميق =اليـا خذلـك اللـي بـدوم اتقـدّره
رجلن يطيق ورجـل والله مايطيـق =واحدن تعذره وان طغـى ماتعـذره
وان جا رفيقك يحسبك حسبة شقيق =فاحذر تعذرب في قفـاه وتكسـره
ياشينها لاطحت من عين الصديـق =اللـي يبادلـك الغـلا ثـم تقهـره
لاخان بك من لا تعرفـه لاتضيـق =بس القهر لاخان بك مـن تخبـره
انّه على اليمنى ولو طال الطريـق =واللي ليا جـار الزمـن ماتذخـره
وترى الحكي ابّعض المواقف مايليق =وبغيـر وقتـه لاتـزلّ وتظـهـره
كم كلمتن من مزحتن شبّت حريـق =من واحدن خصّن لصـرت اتعبّـره
ماهو رفيق اللي يعـذرب بالرفيـق =لاجا رفيقـك غالـي ن لاتخسـره

[العــــديم]

الله الله

صح لساانك ملاايين
جزله من جزل

دام بووحك

[الـعـابـر]

صح لسانك

[الاصيله]

صح لساانك وعلى شاانك

قصيده جزله ورااقيه

لاهنت الشولاني

[عبدالله الشولاني]

العديم ماعليك زود نفداك وصح بدنك.
العابر صح بدنك فديتك.
الاصيله صح بدنش ولاهنتي.

اكبررر شرف مروركم وتعليقكم.

[الهنــــــــــوف]

ابدعت اخوي (( عبدالله )) قصيده تحمل في طياتهااا الكثير من الدرر .. صح لسانك وبانتظار جديدك .. لا هنت

[عبدالله الشولاني]

الهنوف
صح بدنش يالغلا وشاكر لك مرورش,وزدتي الابيات شرف

[{ مسفر العرجاني }]

صح السانك ،، ابيات في قمة الروعة

[فهد ألعجمي]

الله الله عليك يا بو رشيد

دائما مبدع في قصايدك ولله درك


صحح لساانك ولا تحرمنا جديدك

[عبدالله الشولاني]

مسفر العرجاني,,,صح بدنك طال عمرك ولاهنت عل المرور.
فهد العجمي,,,اررررررحب ابن عموووو هلا وغلا وصح بدنك.

تعليقكم شرف للابيات وراعيها لاهنتوووو.