ليت السفر بين المحبين ممنوع..

ابو سالم الدويخ · #1 10-11-2011, 11:05 PM

ليت السفر بين المحبين ممنـوع
تحجز جوازات المحبين بالذات**

حتي لو أن السفر حق مشـروع
المشكله لأهل الهوى حزن وآهات**

لاغاب خلّك والرجاء فيه مقطـوع
لابه رسايل توصلـك وأتصـالات**

الخط مغلق كنّه الكـرت منـزوع
من ضيقتك تلعن جميع أشتراكـات**

تضرب على الكفّين والقلب مفجـوع
تضيق بك عقبه جميـع المساحـات**

في ليل دامس ضايعٍ مابـه شمـوع
الفكر تايه فـي دروب المتاهـات**

العين تذرف بالدقايق لـه أدمـوع
والقلب عايش بين حسره وونـات**

ولوّك تجر الصوت ماهوب مسموع
ياطول ما بينـك وبينـه مسافـات**

يمكن ظروفه مامشت له على طـوع
ويمكن سلا فكره بروحـه وجيّـات**

الجو صافي بين خضـره وينبـوع
وأنت بسموم القيض مابه أجـازات**

الهم مدهالك من أسبـوع لأسبـوع
لاحل ذكرى الترف هلّيـت عبـرات**

صار السفر كنّه مثل حبّة الكوع
جمع الحبايب سابـع المستحيـلات**

بس الأكيد أن الغلا فيك مـزروع
الحب يبقى بالضمايـر ولا مـات**

الصدق قلته والزعـل دوم مرفـوع
وقت السفر تبدي كثيـر المعانـات

الهنــــــــــوف · #2 11-11-2011, 12:43 AM

ابوسالـــــم .. يسعدني ان اكون اول من يعلق على هالقصيدة الرائعة .. لايحس بها الا من احب بصدق .. متيمز دائما في نقلك .. تسلم يمينك وبانتظار جديدك .. تقبل مرووري المتواضع

ابو سالم الدويخ · #3 11-11-2011, 07:55 PM

اقتباس:

المشاركة الأصلية كتبت بواسطة الهنــــــــــوف

ابوسالـــــم .. يسعدني ان اكون اول من يعلق على هالقصيدة الرائعة .. لايحس بها الا من احب بصدق .. متيمز دائما في نقلك .. تسلم يمينك وبانتظار جديدك .. تقبل مرووري المتواضع