الاخ فهيد الهتلاني عدة تساؤلات والالتزام

[صريح جداا]

السلام علاكم ارحبوا يابني عمي والله اني افتخر فيكم وفي تصديكم لبعض من شبيحة الشعبي نعم حنا ملتزمون بمخرجات بني عمنا الي اظهروهم العجمان وغير كذا ماعندنا وانا كنت اتابع المنتدى من 2004 بأستمرار واستغرب هالحمله الشرسة ضد مخرجاتنا واتابع مايكتبونه ابناء يام لكن لفت انتباهي الشاب فهيد الهتلاني بصراحة انا لا اعرفه ولكن الي اعرفه عنه انه ينتمني لعائله كريمه وعزيزه وبن عمه معروفين بالطيب والالتزام وهذا مهي غريبه عليهم وسيوفن مجربه لكن انا عندي اسئلة ودي اطرحها عليه وودي يجاوب ولايحذف الموضوع لانه من اللجنة الاعلامية ولايتهرب لانك عودتنا على المواجهة وواجهنا بما انك اصبحت شخصية عاااامه وصار ذكرك على لسان كل الدواااوين فتحمل شوي وتقبل الراي المخالف لك برحابت صدر ياصاحب الوعي والفكررررر

1 شنو سبب هجومك الدائم على محمد الحويلة وكل هذا التجريح فيه حتى وصلت لشخصه وانا اقسم بالله اقسم بالله اقسم بالله مااقرب له ولا يعرفني لكن فعله الغانم في فزعته لبني عمه شي نفتخر فيه

2 كثر الحكي عليك انك مدعوم من مرشحين واحد خرج من شور بني عمه وهو معروف وواحد داخل التشاورية واعتقد تعرف اسمهم زين

3 سمعنا انك مو من الدائرة الخامسة وانك تضربنا من بعييييييد

4 ليش كله تنقتد الحويلة ليش ماتنقد الي كسر في بني عمه وصار تبع للشعبي وغيره ليش؟

5 يرضيك الي ينقال في الدواوين عن تشتت اصوات يام والسبب انتي يامدعي الفكررر

6 يرضيك الي يقولونه عنك انك ماتهتم لمصلحة القبيلة وانك تحاااول تفرقها علشان مصلحة شخص خرج من شورنا

يااليت واتمنى انك تجاوب وانا اخيك وانك ماتحذف المووضوع وكل التوزفيق لك واتمنى يافهيد تفكر بلي قاعد تسويه والله مايجوز وانا اخيك واخر كلامي حنا ملتزمووووووون بالصيفي والحويلة والمرداس والبررغش وفالهم الناامووس وعلى فكره اتابعك بتووويتر
محمد حمد العجمي

[عاشق الجمس]

أنا من أم الهيمان ولا يشرفنا واحد وقف ضدنا ولا هو رجال يتحكم بنفسه

يقول أنا ضد السريات ويصوت معها <<< قمة التناقض

[حلو العذاريب]

شوف ياصريح جدا اول شي محد قالك اذكر اسمك وبعدين الواحد لاجا يذكر اسمه يقول انا فلان بن فلان ال فلان مايقول انا محمد حمد العجمي ويضحك على الناس فيه خمسين واحد محمد حمد العجمي ممكن تذكرنا اسمك الكامل عشان ندري انك ماتقرب للحويله

[شموخ شايبها]

الحين هووو وجه سؤاله لفهيد ...


وماله داعي تكلمون بالرجال او اللي يتمصخر على الحويله وحاط صورته ويعلق
تررررراا عيب والله عيييييييييييييييب ان كان الحويله وغيره استغفر الله بس إرتقووو


ما اقول اللى الله يصلحكم وتخلص هالانتخابات قلبتو علينا جو المنتدى

[شموخ شايبها]

اخوي راعي الجمس خلاص خلوه هو وغيره هو عضو وانت عضو وانا عضوه

وهو موجه كلامه لفهيد خلاص خلو فهيد يناقشه ..

ولاتتضايق من كلامي ...

[عاشق الجمس]

مو متضايق وأبد أخت وعزيزة وغالية وكلها كم يوم ونخلص من هالمشاحنات

بس الغلط ماحد يرضاه .. طبعا كل واحد حسب قناعته

أنا إنسان تضررت من بعض أعضاء مجلس الأمة في المجلس اللي طاف

ويحق لي أنتقده بما إني صوت له وخليته يوصل لمجلس بسببه ضرني وضر غيري

[جاثــُوم ..!]

.


واجهت فهيد الهتلاني خلال ندوة " متفائلون " وللأمانه هو شاب طموح ولبق ومتحدث .. ما ابي أذكر وش قلت لفهيد بالندوة علشان ما يكشفني لكنه شاب مثقف جداً ويملك قلم جريئ غير مسيئ


المنتدى فتح المجال لجميع المواضيع والأراء اللي نتفق عليها ولا نختلف فيها بدون إساءه وهالشيء يرجع لإدارة المنتدى ولفيصل بن حجرف خصوصاً فهم مثال لتقبل الأراء


صاحب الموضوع .. مثل هالمواضيع لا تُسمن ولا تغني من جوع وإذا تبي تسأل فهيد بإمكانك أنك تطلب منه عنوان بيته وتجلس معه بالديوانية وتتناقش باللي تبيه وعلى فكرة انا شخصياً سمعت أن محمد بن هادي الحويلة نفسه عرض عليه اللي يبيه مقابل بيع ( قلمه ) الشريف وفهيد رفض


فا مثل ما قلت لك .. اطلب مواجهته واترك المواضيع الشخصية الماصله

[راعـــى السمراء]

والعضو مجلس الامه مو وظيفته تخليص المعاملات وظيفته هى الرقابه والتشريع وصاحبك يا صريح جدا فاقد هذا الشى .

ترى الناس فتحت وعيب على الحر ولد حر يعطى واحد انبطاحى ويفشل بين الناس.

اما بخصوص من يمدحه ليل ونهار هم ثلاثه لا رابع لهم :

( ذوى القربا - مستفيد منه - تلفون ابو ريال )

الاحرار يبون احرار والعجمان احرار

[فهيد الهتلاني]

بسم الله الرحمن الرحيم .. اولاً اشكر اخي العزيز على هذا الموضوع وماقدمته من نقاط .. حقيقةً يستحق الوقوف لديها والتمعن جيداً بقراءتها .. كونها مع احترامي لك .. ليست بواقع نعيشه .. فأنت تتهم وللأسف من غير دليل تجعل المشاهد لا يقتنع بما تكتب .. ربما هذا ثالث موضوع يُكتب عني .. و فضلت عدم الرد .. تقديراً للأعزاء .. وإجلالاً للكرام .. ولكن بعد ان كثرت الموضوع ... يجب ان أوضح بعض النقاط والرد على الأسئلة .. اولاً قبل أن ابدأ .. أنا مواطن كويتي يؤمن بالرأي والرأي الأخر .. واعشق المواجهة لأني لا أخشي اي تهمة تُقال عني .. وعلى فكرة نحن نجتمع أسبوعياً في الديوانية وان كنت تريد العنوان .. سأرسله لك في الخاص فأنا اعشق المواجهة وأتقبل رأيك بكل احترام وتقدير ياعزيزي .

شي جميل جداً ان يصبح اسمي سيرةً في بعض الدواوين .. واتمنى ان سيرتي في دواوين .. تكون سيره حسنة وسمعة بإذن الله طيبه .. كوني ارى أني أسير على طريق الحق ولله الحمد .. ولم اكتب شيء يسيء لسمعتي .. او لأسمي .

سأرد على اسئلتك .. وهي مشمولة على الرد لـ 3 مواضيع .. اتمنى ان تكون الأجوبة مقنعه .. وليست مُصطنعه

المشاركة الأصلية كتبت بواسطة صريح جداا

[size="5"]شنو سبب هجومك الدائم على محمد الحويلة وكل هذا التجريح فيه حتى وصلت لشخصه وانا اقسم بالله اقسم بالله اقسم بالله مااقرب له ولا يعرفني لكن فعله الغانم في فزعته لبني عمه شي نفتخر فيه

أريد ان أوضح نقطه .. ربما البعض لا يعرفها .. هناك فرق بين انتقاد محمد الحويلة كمواقف مبنيّه على مواقف معلنه .. وبين التجريح الشخصي .. فأنا ماأسير عليه هو الأنتقاد على مواقفه في مجلس الأمة .. ولن تصل انتقادي له كشخص .. وان كان هو لا يتقبل الرأي المخالف له .. فعليه مراجعة قسمه في مجلس الأمة 2009 .. فأنا انتقادي له مبني على مواقف تخاذل بها .. ويوجب علينا انتقاده بصوت عالي .. ان محمد الحويلة لا يستحق العودة .. مع كل مابدر منه من اخطاء كثيرة لا تُغتفر .. فالذي اريد ان اوصله لك .. أني انتقده كنائب اتخذ مواقف تحتاج مني ان اذكر الجميع بما عمله في مجلس الأمة .. في الجانب الشخصي نحترمه .. اما في الجانب السياسي .. فهو ( فاشل ) بدرجة امتياز ..!!

المشاركة الأصلية كتبت بواسطة صريح جداا

[size="5"]2 كثر الحكي عليك انك مدعوم من مرشحين واحد خرج من شور بني عمه وهو معروف وواحد داخل التشاورية واعتقد تعرف اسمهم زين

ههههههههههه .. فعلاً شر البليّه مايضحك .. مدعوم مرة واحدة .. اطمئن ياعزيزي وشاكر خوفك علي .. أنا لستُ مدعوم لا من الطاحوس ولا من داخل التشاورية الذي لا اعرفه حقيقةً من هو ( الصيفي او البرغش او المرداس ) .. ربما لا تعرف جيداً من أنا .. أسئل عني وستجد الأجابة وحقيقة الدعم الذي تروجونه ..!!

المشاركة الأصلية كتبت بواسطة صريح جداا

[size="5"]2 سمعنا انك مو من الدائرة الخامسة وانك تضربنا من بعييييييد

مهما ابتعد .. فأنا ابن الدائرة .. ابن الدائرة الذي اعتلى صوتها في ساحة الارادة .. ابن الدائرة الذي خرجت بشبابها دفاعاً عن الكرامة .. والذي بإذن الله ستسقط الفاسدين

المشاركة الأصلية كتبت بواسطة صريح جداا

[size="5"]2 4 ليش كله تنقتد الحويلة ليش ماتنقد الي كسر في بني عمه وصار تبع للشعبي وغيره ليش؟

قلتها .. سابقاً .. لا استطيع ان انتقد من دافع عن كرامة الأمة في استجواب ديوان الحربش .. فهذا الموقف تحديداً يمنع قلمي من انتقاده .. فأن انتقدته .. التاريخ سينتصر له .. البطولات ستدافع عنه .. قاعة عبدالله السالم ستشهد معه .. فلن استطيع

المشاركة الأصلية كتبت بواسطة صريح جداا

[size="5"]2 4 5 يرضيك الي ينقال في الدواوين عن تشتت اصوات يام والسبب انت يامدعي الفكررر

أتشرف .. ان يذكر اسمي في الدواوين بكل شرف وعزه .. كوني أساهم مساهمة فعليّه .. بنشر الوعي والفكر .. ونشر ايضاً مواقف المتخاذلين .. ونشر ايضاً كذبهم وافترائهم .. فأطمئن .. لن يتشتت اصواتهم .. وكل شخص لديه قناعة .. وما أنا الا ناصح لهم بأن يحسنوا الأختيار .

المشاركة الأصلية كتبت بواسطة صريح جداا

[size="5"]2 4 5 6 يرضيك الي يقولونه عنك انك ماتهتم لمصلحة القبيلة وانك تحاااول تفرقها علشان مصلحة شخص خرج من شورنا

الكويت فوق القبيلة وفوق الجميع .. ونعم لدي مصلحة .. وهي رسم مستقيل الكويت في يوم 2/2 .. فلستُ مع شخص ضد شخص .. أنا ضد الشخص الذي لم يقف مع الكويت ومع شبابها .. يوم انتهكت كرامتهم .