مدخل
من دار أبو متعب بنرسلك إبيإت ..
تاصل الى دنفر في ديرة اوباما
السـلام عليكم ورحمة الله وبركإتهَ !
رديَإت بين
سرحإن بن نإصر بن منيخر و منصور بن مبإرك بن عجميَ
يَ بو مبإرك عقب رحت الولايات ..
.................. حنا ترانا عقب فقدك يتاما
من دار أبو متعب بنرسلك إبيإت ..
................. تاصل الى دنفر في ديرة اوباما
بيني وبينك لو تطول المسافات !
................. ياما سرى طيفك على العين ياما
أدوج غرناطه والف الملفات ..
................. و أنوح عند الباب نوح الحماما
أسمع وانا خإلك أبوصبك بـ الذات
................. من باع دينه باع ساسه قواما
وعندك بني عمك اليإ راحت وجات ..
................. وقفاتهم تروي الكبود الحياما
وأخص أبو بندر زبون الونيَات ..
................. راعي فعل ماهو راعي كلاما
أتلا العهد به يوم عدا الجوازات ..
................. أقفى وعيني له قبل حول عاما
يردكم ربي بديع السماوات ..
................. وختامها مني تحية سلاما
لـ سرحإن بن ناصر
---------------
يَ مرحبا ترحيبة الذات لـ الذات ..
................. أهلا وسهلأ بَ العيال النشاما
هيهات ياربعي من البعد هيهات ..
................. قد لي شهور تقول عشرين عاما
ما أغير اتابع في الصحف والمجلات ..
................. واقول يانجد العذيه سلاما
سـافرت أدور لي وشاح وشهادات ..
................. والله يجنبني الردا والحراما
وش لي بدارن كلبوها خواجات ..
................. قليل منهم من يصلي وصاما
فيها التطور والبلا والحضارات ..
................. وحتى المطر وحتى النفل والخزاما
أشتقت انا لـ الدار دار الكرامات ..
................. واهيم مثل اللي طواه الهياما
وعلى بني عمٍ تروم الصعيبات ..
................. الطيبين الواثقين الحشاما
وختامها مني سلام وتحيات ..
................. على خوالي والاهل والعماما 
لـ منصور بن مبإرك
مخرج
ختامها مني سلام وتحيات ..
على خوالي والاهل والعماما
آلله يوفقكم يَ منصور بن مبإرك و محمد بن بندر
والربع اللي معكم ويردكم ب السلامه
^
وكل من أغترب عن أهله وبلدهَ !
12-05-2012, 02:05 PM
يَ بو مبإرك عقب رحت الولإيـات . . [ رديَإت ] !
..~
العرض المتطور
