قصيدة ابن جبرين في ابن الذيب

[أبن جبرين]

قصيدة الشاعر محمد بن مانع بن جبرين المطيري
في الشاعر الكبير محمد ابن الذيب
بسبب غيابه عن الساحه الشعريه و ذلك لتواجد ابن الذيب خلف القضبان

يقول :

الله مـن همـاً سكـن فالمحاديب
قدله ثلاث شهور دون اختياري

هماً سطا بالقلب مثل المشاهيب
و قامت تراودني كثير الطواري

لولا الغـلا والطيــب ماحرك الطيب
لا كـان ماهاضت هجوس الجباري

الشعر ضايق من بعد غيبة الذيب
وتذرف عيون الشعر كل العباري

يبكي على غيبة حصان الاطاليـب
وتبكي بيـوت الشعـر ليـل ونهـاري

جمهـور شعـره تنتظـر للمنـاديـب
وأنا تحرى مار طـال انتظــاري

ماكل حرن يقنص الصيد ويصيب
ويختار من بين القطا والحباري

الا سواة الذيب عطب المضاريب
كساب جزل الشعر يابو مشاري

عدى بشعره فوق روس المراقيب
ماهـتـز قافه لـو تهــب الذواري

لأن الشعر ساسه ومنهاجه صعيب
يوم ان كلن في قصيده يماري

حكم بيوت الشعر منطق واساليب
ويطـب سـوق الشعـر بايـع وشـاري

متى على الله يطلع الذيـب ويجيب
شرد بنــات الفكـر في كـل طــاري

و سلامتكم

[الـعـابـر]

صح لسانك

[ابورامي]

تسلم وصح لسان المطيري لاهنت

[●• Ŝђǿǿq •●]

اللًه يفك عوقه
أبدعتً وتميًزت
صح لسآنكـً وتِسلًم يمينكـً ..~

[مقبل العرجاني]

الله يفك عوق ابن الذيب

وصح لسانك يابن جبرين

على هذه القصيده الرائعه