القرار الهش

[موكب]

السلام عليكم ورحمة الله وبركاته

أسمحولي على التأخير اللي بدر مني في الأيام الأخير بسبب الدراسه

والأشغال اللي تعقيني عن الدخول والمشاركه

إليكم ما عندي من جديد واتمنى أن يحوز على جزء من رضاكم

هذه القصيده غيرت من فكرتي السابقه وحطيت فيها بعض الابيات الفصحى بس بنفس القافيه للتغير للاحسن وراح يبين هالشي اذا كان عاجبكم او لا

إليكم القصيده

ياذا القرار الهش لا قلت غيبه=فيكم تخوون بالقرار العزيمه
هذا المسار إللي تواليه خيبه=يومن بغيت إن أبتعد بالحشيمه
رجلي تحار من الطريق وتسيبه=وعيني تخاف من الدروب العتيمه
وأرجع كما شمس الفضا في مغيبه=أرجع لكم رافع شعار الهزيمه
وأبكي دموع إللي مفارق حبيبه=وأنزف دموع إللي تلاقى غريمه
ترى الجروح إللي طغت مستعيبه=ولي بقى من إضلعي في هشيمه
وترى الخفوق الشوق ؟؟ بيدك تجيبه=لو إبتعد (ظيمن)و(قهرن)و(ظليمه)
الله حسيب الشوق الله حسيبه=كان النوايا تحترق في حميمه
(مجبر أخاك لا بطل بالغصيبه)=لاصرت سقمن له وبلسم حكيمه
(إن كنت لا تعلم ؟ فتلك المصيبه)=(وإن كنت تعلم فالمصيبه عظيمه)
مات القرار وماتت أفكار غيبه=دامي عطش وأنتي لي مزون غيمه
محدن قدر يمحي شقاه ونصيبه=ولاحدن قدر يرسم هناه ونعيمه

وسلامتكم

[متعب الوقت]

الله حسيـب الشـوق الله حسيبـه
كان النوايا تحتـرق فـي حميمـه
(مجبر أخـاك لا بطـل بالغصيبـه)
لاصرت سقمن له وبلسـم حكيمـه
(إن كنت لا تعلم ؟ فتلك المصيبـه)
(وإن كنت تعلم فالمصيبه عظيمـه)
مات القرار وماتـت أفكـار غيبـه
دامي عطش وأنتي لي مزون غيمه
محدن قدر يمحي شقـاه ونصيبـه
ولاحدن قدر يرسم هنـاه ونعيمـه


الله عليك فعلن قصيده تستحق الاشاده وصح لسانك . تعودت اني ادخل منتدى صدى المشاعر ولا اعلق الا على الشي الي يستاهل.وفعلن قصيدتك تستاهل ولا تحرمنا من جديدك وانا اخوك

[مـحمـد]

الاخ العزيز موكب حياك الله من جديد وبالتوفيق انشاءلله

وصح لسانك ابيات متميزه كصاحبها

بانتظار جديدك دائما

[عـزام]

الأخ القدير موكب

حياك الله والله يوفقك فى دراستك,

ما ابطا بالسيل الا كبره.


حيه وحى ما جابه جززززززززززل وما تجيب الا الجزله.


لا هنت وصح السانك يالقرم

[هند]

ياسلالالالالالالالام

أبيات رائعــــــــــــــة


صح لسانك ياموكب


ننتظر القادم


الســـــــــــــــــــــؤدد

[بحوور]

موكب


الله عليــك ..

صـــح كـــــلك مليـــــــوون

ولاهنــــــــت



تحيـــــاتي وتقديـــــري

[فيصل بن حجرف]

السلام عليكم
الاخ القدير موكب
صح لسانك ولاهنت على القصيدة الرائعة كما تعودنا منك
والله يوفقك في دراستك ان شاءالله

[موكب]

يا مرحبا ومسهلا

اخي الغالي متعب الشوق

وصح بدنك ويشرفني كل الشرف طال عمرك بإعجابك للقصيده

وان شأ الله بتعجبك كل القصائد بهذا المنتدى الرائع

تقبل شكري لك وعظيم امتناني لشخصك الكريم

ودمت سالمن

[موكب]

يامرحبا بك ومسهلا

اخي العزيز Alajmi

وصح بدنك ولاهنت على تعقيبك اللي يشرفني ويسعدني

تقبل شكري لشخصك الكريم

وتمنياتي لك بالتوفيق

[موكب]

يا هلا بك وغلا

اخي الكريم عزام

صح بدنك ولاهنت على تعقيبك ومرورك الرائع علينا من خلال زاويتي الشعريه

تقبل شكري وعظيم امتناني لشخصك الكريم