... فلسفة عــقــّـال ...

[جميل بن زريع]

بسم الله الرحمن الرحيم

اخر النزف عساه ان ينال بعض الرضا ...... !

( فلسفة عقـّال )

على رتم العقول اللي تعالج وضعها بهْبال = سرى ليل القلوب اللي تهاوت في مساحاتي
وانا ماعاد لي قلب ٍ ايلا من قال , قال وطال = ولالي غير زفرات القصيد وطيب هقواتي
أتابع فيك مفرود القصايد وافتخر واخْتال = وأحس احيان بحْروق الحروف وحر جمراتي
أنا لو جيت لك مجنون قولي فلسفة عقال = واجـِبْري كسر تنويني معاك ابـْرفع ضمـّاتي
اباغيـّر مفاهيم النحو والصرف والاهمال = وقانون البلاغه والعروض ابـْكل كلماتي
أبا اخلق نون للنـّسوه , وبافتح باب للإحلال = وابدّل جمعكم مفرد وبَارفع كل كسراتي
أبا انصب مبتداك بْكاف وامسح منْه حرف الدال = واحط اللام في وسطه يبيـّن سر مأساتي
ابا الْعن خامس الفاعل , وأغيـّر صيغة الافعال = واحطه في خبر كانَ , واجدّد شكل صفحاتي
ابا الغي سـيـْبويه ابْحرفْ , واصْنع بالنـّقاط اجيال = وبَاشْطب طرْح أبو الأسود مع خالص تحياتي
أبيك انتي اجابة منْ , وعطف الواو , واسم الحال = وابيك الفعل والفاعل , وكل أهداف نظراتي
أبيك انتي قواعد صرف , وحزم الجد واستهبال = وابيك اعْقول تفكيري , وصوت الكذب بسكاتي
أبا اعقد مؤتمر قمه , وبافْرض حظر للتجوال = وبَامـْنع رجة امعمـّر , من الغاء إجـْتماعاتي
ابادعي قلبي وعقلي , وكل احساس صال وجال = واباجْمع كل احزابي , نقرّر ماهـو آتـي :
بما أنّ الظروف الآن , لاتسمح بأيـّة حال = بأي اجراء روتيني , على سائر دويلاتي
عليه الآن , فلْيـعـْـلـنْ , طوارىء والحمول اثـْقال = ومنـْـك انتي , ايصير اول , ظهوري وانتصاراتي
أبي كفْ , وهدبْ عينْ , ونقاوةْ قلب واستبسال = وابيك القائد الاعلى , لكل اجْيوش قواتي
ابي وقفه , من اعْيونك , تكفـّي عن مية رجـّال = أبي فزعه , وابي نزعه , وأغيـّر كل نزعاتي
وانا اخترتك لأن اسمك , يسرّي بي شجون ٍ طال = يشجعني على العليا , واحقّق كل طموحاتي
لانـّك رحمة الكافل , بعين ايتام وام اعـْيال = ولانـّك سطوة القاسي , بعين ادْموع وجناتي
ولانّي كل ماشفتك , عطيت الحمْل والحمّال = أهابك هيبة العالم , لحزني وانفعالاتي
أناظر عينك اليمنى , واشوف الليل والموال = وأناظر عينك اليسرى , أشوف ابشع نهاياتي
واضيع اهناك مابين الرموش وبين حبّة خال = واحب الموت لعيونك , وكنـْه اجمل محطاتي
أنا جيتك ولع عاشق , يدوّر فيك راحة بال = ولا فكرت لو لحظه , بجرحك لو بأبياتي
أنا الدمعه وهي دمعه , اذا طاحت وهي اذلال = أمد الـْها هدب عيني , والحّـفها عباياتي
واخلّي رمش يحظنها , ورمش الْـْها يصير اظلال = حرام اتموت في عيني , وهي رمز لمعاناتي
وبعـد هذا تجين انتي , تسوقين الجروح أشكال ؟ = وأنا اللي كنـْت احِـسـْب انـّك , حلاة الروح في ذاتي ؟
أما تخـْشينَ أنْ يفـْنى , بـِفعْلـُك ِ شاعرٌ قد آل = بجرحِكِ للْهـَلاك امسى , طريح الإلتفاتاتي
ألا ويحَ القـُلوبْ اللي , تـِهـِدْ ابـْصـَدْ صـُمْ اجِبال = والا ويحي اذا بارضى , هواني أو مذلاتي
تراني ساكت ابـْكيفي , واذا شفت المعدّل مال = ابا اغـْسل كل مافيني , من احساسي بزفراتي
وابا حرّم على نفسي , لو اسْتسلمت لبس اعقال = ولو ما الغيت طاريـِّـك , نهائي من سجلاتي
وترى اللي فات ذا كلـّه , مجرد فلسفة عقال = وانا عاقل واموت ابـْرك , ولاترخص قناعاتي

وسلامتكم ....

جميل بن زريع

[عـزام]

وترى اللي فات ذا كلّه , مجـرد فلسفـة عقـال=وانا عاقل واموت ابْـرك , ولاترخـص قناعاتـي

مشاءالله عليك يا جميل صاير مدرس قواعد النحو


ابداااااااااااااااع

وجززززززززززززاله من راس جززززززززل

صح السانك مدد مهوب عدد

ولاهنت يالقرم

[اطياف الماضي]

وترى اللي فات ذا كلّـه , مجـرد فلسفـة عقـال وانا عاقل واموت ابْـرك , ولاترخـص قناعاتـي

صح لساااااااااااانك

قصيدة رااااااااااااااائعة جالت بنا في اجواء النحو والصرف شوي


نتلهف لجديدك دائما لاتحرمنا من ابداعاتك

تحيتي لك

[بحوور]

جميل بن زريع



اللـــــه

اللـــــه

اللـــــه

عليــــكـ

صــــــح كــــــــلك ملاييـــــــــــن

ولاهنـــــــــــت ,,

رائـــــــــع الـــــى مالــــه نهاايـــــــه ,,





أختــــــــكـ

[ابن دريب]

مبدع وفذ يابن زريع

صح اللسانك مليون

تقبل تحياتي

[هند]

الله ،

الأخ الفاضل ، جميل بن زريع
صح لسانك ولاهنت
أبيات قمة في الروعه


لك تقديري
السؤدد

[فيصل بن حجرف]

صح لسانك اخي القدير جميل
ابداع كالعاده
وننتظر الجديد من ابداعاتك

[جميل بن زريع]

بسم الله الرحمن الرحيم

الاخ : عزام ..

ارحب ارحب ... يامرحبا ومسهلااا ..

صح الله بدنك .. وبيض الله وجهك ...

ماعليكم زود طال عمرك .. والف شكر

على تكرمك بهذا الحضور العذب وعلى كل

حرف تفضلت به هنا ..

لاهنت ........ وتقبل وردي وخالص ودي .............

[ماجد المهنا]

السلام عليكم ورحمة الله وبركاته ..

وترى اللي فات ذا كلّه , مجرد فلسفة عقـال = وانا عاقل واموت ابْرك , ولاترخص قناعاتي

جميل بن زريع ..


صح لسانك ..

وافي وافي ..



الله لا يهينك على كل حال ..



ولا خلا ولا عدم ..

[أسير الغربه]

صــــــــــــح لســــــــــانك

أخووووووووك:

أسير الغربــــــــــــــه