جعل ربي يفـرّج كربتي والملل

[الجويّر]

قال منهو بكى فقدان خل ٍ رحل = مالقى حيلة ٍ بالوصل يحتالها

عايش ٍ بين ياس وبين ريحة امل = وحالته من جميع الناس0يرثالها

جعل ربي يفرّج كربتي والملل = او يجمـّع فراق اقلوب بوصالها

راحت ام الوافا والدمع منّي همل = بدّلت جنـّتي بالنار واهوالها

قمت ادوّر لها بين الملا في عجل = يمكن آصادف بحبل ٍ من احبالها

آتشوّف وحالي من عذابي نحل = بعرف اخبارها عقبي وش احوالها

آآه يخشف ريم ٍ من ضلاله جفل = آآه لوّ التقيها عقب ترحالها

والله ان احتضنها لو حصل ماحصل = لو بديها النواعم تمسك اعيالها

بين حدب الضلوع آضمـّها واحتفل = ساعة ٍ واحده وان مت مفدا لها

لاكن الحظّ عنها خايب ٍ ماقبل = لعنبا حظـّي المقرود ماطالها

فرقتنا الليالي وانطفا 0 ماشعل = وافتحتلي الليالي باب عــّـذالها

وقصة الحب دوم ايموت فيها البطل = عاشوا المجرمين وماتوا ابطالها

بدعي الله من الرقه يجيب الاجل = واقعد ارثي من اشعاري على اطلالها

ديرة اللي هويته من بزينه كمل = هم هل الرقه اللي غيـّروا حالها

بس ماني بعمّ آخص ناس ٍ جهل = واعسا القاع تفجعهم بزلزالها

واطلب الله يصبرني على من رحل = وابعدت عنـّي الاقدار منزالها


0000وسلامتكم


الشاعر / سعود رتيبان الجويّر

[بحوور]

الجــويــّر


اللـــه يصــــبر قلبـــــكـ

صـــح كـــــلك مليــــــوون

ولاهنــــــــت ,,




أختـــــــكـ

[عجميه واعتز]

(ومن يتقي الله يجعل له مخرجا)
يعطيك الف عافيه على هذي القصيده اكثر من رائعه
لك تحياتي

[الجويّر]

صح بدنش بحور وشاكرلش على المرور الكريم










تحياتي / الجويّر

[مهرة الصمان]

صح لسانك يالجوير ولاهنت على هذهالمشاعرالحزينة
الله يفرجها لك وتلتقي باللي يبية قلبك وبانتظار جديدك العذب
لك كل الشكر والتقدير اخي الجوير

[الجويّر]

صح بدنش عجميه واعتز وشاكرلش على المرور الكريم







تحياتي / الجويّر

[جمرة غضى]

بس ماني بعمّ آخص نـاس ٍ جهـل
واعسا القـاع تفجعهـم بزلزالهـا

واطلب الله يصبرني على من رحـل
وابعـدت عنّـي الاقـدار منزالهـا



ويل حااالي



صح السااانك يالجوير والله يعين الحال..




تحياتي لك

جمرة غضى

[عيد بن شدقان]

صح السانك واعتلا شانك
يابو رتيباان

ولا هنت