السلام عليكم ورحمة الله وبركاته
هذه قصة أحد فرسان بادية عمان هو الشاعر الشجاع علي بن سعيد بن الضبع الجنيبي المولود عام(1840) من قبيلة الجنبه الواسعة الانتشار التي تمتد بحوالي 800كم
ولهذي القبيلة مكانة بين قبائل الأمارات.
وهذي القصيدة قيلت في الشيخ زايد بن خليفة بن شخبوط آل نهيان
يا الله يامكافي الأمور الشدايد=يا غافر زلات نفسي وخطاها
تغفر خطايانا نهار الوعايد= نهار جمع الناس في ملتقاها
أنته رفيع الأمر والأمر عايد=لك يامغزر سحبها من سماها
تغفر ذنوبي يا رفيع العوايد=وكل زلة عني ثقيلة محاها
ياطارش مني على شد قايد=قودا جمالية يماني سداها
لي درهمت بين الرمل والقعايد= تشبه على ربدا مظله ضناها
وان أقبلت بك في الخلا والبعايد=كذيبة جاعت تخب لعشاها
جؤد عليها وأقصد الشيخ زايد=إن كان بتبلغ وصاتي نبآها
سلم عليه وخبره بالوكايد= وخصه بناجي هرجتي من قصاها
قله أن مشف له وبي شوق زايد= إن كان زوار الجماعة يباها
وان عاد له عمر طويل ومدا يد=بيشوفنا بالحث داره حذاها
بنزور مسحاب لنا في العوايد=بنحور هجن مقبلات حذاها
عوج العراقيب السماح القوايد=كم بلغنا دار وأرض نبآها
ودي غليهن وأقصد الشيخ زايد=ونخبره بأقوالنا ولي قفاها
زايد إذا قالو على الناس زايد=مشراق شمس مايتغبى ضحاها
زايد إذا قالو على الناس زايد=نور قمرها فالضلام ودجاها
وزايد إذا قالو على الناس زايد=عد رهي الماء أذا قل ماها
وزايد أذا قالو على الناس زايد=أن أقبلت رؤوس الضوامي سقاها
وزايد أذا قالو على الناس زايد=له سبلة ما قد خلت من ملاها
وزايد أذا قالو على الناس زايد=له مهرة يوم الملاقى حماها
وزايد أذا قالو على الناس زايد=له حربة دم المعادي دماها
وزايد أذا قالو على الناس زايد=شيفة حصونه كل غريب نصاها
وزايد أذا قالو على الناس زايد= جيد ولا كثر الخساير يراها
وزايد أذا قالو على الناس زايد=له هرجة وان جدت عديه تباها
خلا مطانيف الهجن والرغايد=مسموحة من القيد تتلى هواها
يا شيخ ياراعي السدود البعايد=أنته طبيب النفس عندك دؤاها
والرب ساعف لك وترفى السدايد=بمدة يمينك جملة من عطاها
وان كان ما يمحن ولا هوب بكايد=ودي بروميه إنجليزي دواها
محط الاصابيع الثلاث العدايد=هطفى الزناد وطيحتن من غواها
من عند سلطان يعرف العوايد=مندوبة صوبي وأنا في رجاها
ولألي بمطاميع الزهد والزوايد=عندي بجوب النفس مما كفاها
وصارت مهازرة العرب بالجحايد=حد رفع جزمه وحد وطآها
والرجل ما يرضى هباب الزهايد=والنفس تجفي دايم من جفاها
ولا خير في وقت مضى بالحقايد=وجدودنا عند القبايل رماها
شلوا الرحايل وانتحوا للبعايد=وتحولوا صوب الجنوب ونداها
الأصل ياسي ومن شف زايد=أن كان قراب الجماعة يباها
ومن خبر كبار معهم مجا يد=من بني يأس رسومي تراها
نسعى ولامعنا غير الجهايد=والله يعلم بالنفوس وخفاها
دارت دواير الفتن والنكايد=ولأحد الدنيا سلم من غثاها
عذر لابو طحنون راعي العوايد=يا مقدر قول الرجال وهجاها
مأخذ حسين العود ضافي الجعايد=من رابة ما خسر من جناها
صلاة ربي عد خوص الجرايد=وأعداد ما مد القلم وانتواها
على شفيع الخلق يوم الوعايد=لي نفله ربه وأسماه طأها
15-08-2005, 10:26 PM
قصيده رائعه فالشيخ زايد بن خليفه الاول للشاعر بن الضبع الجنيبي فلا تفوتك
العرض المتطور
