&&قصيدة الشيخ راكان بن حثلين في الدواسر&&

[العماني]

هذه قصيدة للشيخ راكان ابن حثلين في مدح الدواسر وخصوصا آل عمار بعد أن نزل عندهم بعد حروبه مع آل سعود في ديارهم (سيح الأفلاج)،والمعروف ان خوال الشيخ راكان هم آل خليف من الوداعين:

الله من قلبٍ تخالف إشطونه=وبقعا تصفق به يمين ويسار
يوم الزعيم لبس علينا زبونه=وأحمل علينا كن له عندنا ثار
يوم القبايل والدول يتبعونه=نوى يجلينا وراء حد الأمصار
لعيون من بالميل يجلي عيونه=إنفرق الطابور لو صار ما صار
ذكرت أنا اللي جارهم يهملونه=لاد زايد سلمهم هملة الجار
نصيت اللي ما رضوا لي بالمهونه=نصيت أهل السيح لاد عمار
لجاهم المطرود يستقبلونه=ومن الخوف يامن عند وافين الأشبار
والضيف لامن زارهم يكرمونه=صياني تنقل وعزايمهم اكبار
كم كبش من الضان يدفعونه=ولا من الحشوان قعدان وبكار
السيح ديرتهم ويستاهلونه=لا من استوى بالحمل زينات الأثمار
ورية عليه البحر يفجرونه=بين القبايل ما بني دونه جدار
كم واحدٍ من دونه يعدلونه=حماية الأمدار في الموقف الحار
حريبهم منهم تشده اجنونه=لاسمع عزوتهم من المعركة نار
والجوخ في يوم اللقا يلبسونه=وسلة سيوف الهند من صنع بيطار
والجار ما يرضون عليه بمهونه=من بينهم ينزل ولاكنه بجار
كم خايعٍ مطرف ينزلونه=ويرعون قطعان الأزاف نوار
وكم عقيدٍ عندها يصفقونه=مستجنبين الخيل من قب ومهار
وجميلهم ما انساه لجو يبونه=ولانيب برد المجازات بوار

وسلامتكم،،،،،،،

[عمهوج]

لاهنت يا كعاع العايله

اختيار موفق والله يرحمه ويسكنه فسيح جناته

يستاهلون الدواسر ونعم بالجميع

[ابن مكتوم]

كعام العائله لا هنت على النقله الطيبه والله يرحم الشيخ راكان بن حثلين





بن مكتوم





بن مكتوم

[ابوحمد الشامري]

لا هنت يا كعام العايله على هذه القصيده الطيبه والله يرحم الشيخ ابو فلاح

تحياتي

[الشامرى]

لاهنت يا كعام العايل مهوب العايله هو ودك والا بصرك
عموما الله يرحم راكان والدواسر يستاهلون
ومشكور على المشاركه الطيبه
ملاحظه بسيطه وتصحيح معلومه :_
خوال الشيخ راكان آل سليمان العجمان وامه (دليل بنت فهيد آل صاحب الخلا)
نقلا عن المؤرخ ابن جمران آل سليمان العجمى الحى الموجود فى الكويت .
بدون قصور فى الدواسر خوال نصف العجمان .
ولك تحياتى وحياك الله ضيف عزيز فى منتدى الجميع .

[العماني]

عمهوج،ابن مكتوم،ابو حمد الشامري ، الشامري

بيض الله وجيهكم على الردود ،وما فعلنا شي.

أما بخصوص خوال ابن حثلين فكلام الشامري والمؤرخ ابن جمران على العين والراس،بس أنا ما جبت الكلام ما عندي ولكن هذا ما أكده لي بعض شيبان العجمان وما يعرفه بعض الدواسر.

تقبلوا تحياتي والله لايهينكم.

[سالم الدوسري]

تسلم يمناك ولاهنت
يالعماني وننتظر منك المزيد

[العماني]

كاتب الرسالة الأصلية سالم الدوسري
تسلم يمناك ولاهنت
يالعماني وننتظر منك المزيد

ومن قال يسلم والله لايهينك على المرور

تقبل تحياتي،،

[قبلةالعجمان]

>> العماني <<


لاهنت على هالقصيدة ....


تقبل سلامي

[العماني]

ومن قال يا قبلة العجمان ولاهنتي على المرور

تقبلي تحياتي،،