(العجمان والارهاب) شاعر العجمان الحاضر الغايب

صبي المخاسير · #1 14-11-2005, 12:07 AM

السلام عليكم
اشارككم بذالقصيده العملاقه اللي قالها شاعرها في وقتها المناسب مواكبه للاحداث التي يعاني منها العالم الاسلامي اجمع وقد اشاد بقبيلته وشيخها مبين للجميع ماهو دور هذه القبيله مع ولاة الامر

الشاعر / ماضي العضيمان شاعر شاب من احد اهم شعراء العجمان الذي ذاع صيت قصائده رغم ابتعاده الاعلامي وهذا النجاح يحسب له
اقد لكم قصيدته الشهيره

صلو على النبي........

الله علـى حفـلٍ حضـر فيـه مقـدام=شيخٍ فرق ذكـره عـن شيـوخ جيلـه
حطم بجود ايديـه صعبـات الارقـام=كـنـه عــدوٍّ للسنـيـن البخيـلـه
من طيب راسه.. فيه للفزعـه اعـرام=ومن خف نفسه تحسـب انـك زميلـه
علـى دروب المرجلـه حـث الاقـدام=ويحثـنـا للمـرجـلـه ونغـديـلـه
سلطان بـن سلمـان شيـخٍ لنـا عـام=لاكبـرت القالـه وضقـنـا نجيـلـه
ماهيب شيخة بنـك او شيخـة اختـام=(راكـان) جـده لاتـومـر يجيـلـه
كن الحكي عيشـه وذكـر اسمـه اودام=مـن حبنـا لــه كلـنـا ننتميـلـه
سـلام ياعجمـان ياسلطـنـة يــام=ياعز .. يانوماس ..يـا اعظـم قبيلـه
يامارثـة مذكـر وياترثـة اهـشـام=ياهل السيـوف المرهفـات الصقيلـه
يانوم عينـي شوفكـم طـول الايـام=الذكـر طيـب والمـواقـف جميـلـه
امجادكـم ماهـي سواليـف واحـلام=يحكيكـم التاريـخ مـا ينحكـي لــه
مْن (الصلب) قبله (للحسا) لين (الاوجام)=لَ..(كاظمـه) ودروبكـم مستحيـلـه
مضاربٍ تشهد لهـا مـاضِ الاعـوام=عدوكـم مـاداج فيـهـا ب(خيـلـه)
البل غـدا للرمـح فنحورهـا اعـدام=وكم راس شيخٍ تحت حافـر الاصيلـه
شرسين عسريـن وكريميـن واحشـام=ويامكثـر كـبـودٍ عليـكـم غليـلـه
كبيركـم تركـع لهيْبَتْـه الاصـنـام=كنـه طويـق ولـه مهابـه جليـلـه
واوسطكم لربعـه كمـا درع واحـزام=من طيب فعلـه يجذبـك ريـح هيلـه
واصغركم من الشيطنه شق لـه خـام=قلاعتـه طَرْفَـه ..وقلـبـه دليـلـه
عجمان والعجمـان سبـعٍ وضرغـام=وفهـود وعـوال الظَفِـر والكحيـلـه
وباقي القبايل بالفخـر تحمـل اوسـام=واصل الحصان حصان يِسمَع صهيلـه
واليوم صرنا بأمـن وارزاق وانعـام=وكلـن يبـي بيـت ويبيلـه حليـلـه
ويبغي وظيفه ويحسـب للشهـر تـام=ويشـوف لـه موتـر جديـدٍ موديلـه
الدار محكومـه علـى ديـن الاسـلام=والـرب واحـد كلنـا ننحنـي لــه
وكل القبايـل صـارت بحكـم حكـام=وحنـا مـع الحكـام يمنـاً طويـلـه
محبـه..وعـهـدٍ لشيـبـانـنـا دام=نعـم.. ومازلنـا بأمـانـه نشيـلـه
وفي زحمة العلـم ومتاهـات الاقـلام=والمـخ يغْسَـل بيـن يـومٍ وليـلـه
شفنا ماشفتوا مثـل تصويـر الافـلام=واثـره حقيقـه مـن عـدو وعميلـه
شنّوا علينـا حربهـم بعـض الازلام=واهـل الكفـر شبّـوا بـراس الفتيلـه
واهل الفتن صالوا وجالـوا بالإعـلام=وصرنا نواجـه صـدق حملـه ثقيلـه
شبابنـا غُـرّر بـه وقِيِـد بخـطـام=وحطـوه عملـه يـوم نفسـه ذليلـه
واللي انحرف لوْنا له اخـوال واعمـام=ان ماقطـع راسـه نقطـع رجيـلـه
ياشرذمـه عـدوّنـا عقبـكـم قــام=ولاكسبتـوا غيـر عــار وفشيـلـه
كـان الوعـد قـدام بنـروح قــدام=ونبيع الانفس فـي حيـاض الفضيلـه
حنا خلقنـا الله علـى روس الاعـلام=والصـف الاول مارضينـا بديـلـه
ومن دون حكـام البلـد خنجـرٍ سـام=في صدر من يمشـي دروب الرذيلـه
ودون البلد فـولاذ مضـروب بلحـام=الـيَـد وحــده والـدوافـع نبيـلـه