تفاعلا مع قصيدة الفاضله مهرة الصمان ((احب الشعر ))

[حمد المخيال]

هذه قصيدة المهره
وتقول

رتبت الأفكار والأبيـات موزونـه=ابيات شعرآ على شانـك نسطرهـا


الشعر طاروق كلن يختلـف لونـة=جزل المعاني تترجم مـن منابرهـا


لاوحيت انا الشعر قلبي باح مكنونة=وشلون لاصرت انا اكتبها واسامرها


احب انا الشعر واهل الشعر وافنونة=والشعر احاسيس اترجمها واعبرها


مرات اقول الهجيني تطرب لحونة=وفيني يزيد الطرب لاوحيت سامرها


ومرات لامن سمعت ابيات محزونة=مشاعرآ بالقصيـدة لـي بصورهـا


مايعرف الشعر كود اللي يحسونـة=تقرأ الشعر زين ويهيض مشاعرها


ياصاحبي لاتقول البنـت مجنونـة=انت اقرب الناس ليه وانت خابرها

وهذا ردي والسموحه تراها كيبوردي

بعثرت الأفكـار والأبيـات مجنونـه=مرسولـة (ن) للـذي حنـا نقدرهـا

للشاعره اللي تجيد الشعر وافنونـه=حتـى القوافـي تنوخهـا وتامرهـا

الشعر دينن وكلـن يوفـي اديونـه=وحقوق غيـره نصيحـه لا يأخرهـا

غيري كسر بالقوافي وضاعت ألحونه=والحمد لله يجـي عنـدي وجبرهـا

من عادني بزر وأخوانـه يلاغونـه=ادخل ابحور الشعر وغطس واشبرها

لحدن يحورف برمشه ويفضخ اعيونه=نصيحتـي بـس عينـه لا يدمرهـا

ولحدن يكشر بنابه ونكسر اسنونـه=وماكل مـره تـرى حنـا بنمررهـا

نصيحتي واضحه وهداف مضمونـه=قولي يطابق فعالي وانـت خابرهـا

عزاه يالشعر شل وقفـت اضعونـه=مع ناس راحوا وصاروا في مقابرها

بعثرتها وجاتنـي الافكـار مزيونـه=يالله يامـدبـر الأكــوان دبـرهـا

اللـي دخـل حلفنـا والله منخونـه=واللي نوا الشر يصبر بس لأخرهـا

هي هيضتني وباح الفكـر مكنونـه=ومجنونة الفكر تطمرنـي وحدرهـا

بنت الكرم بالستر والعـز مصيونـه=المهـره اللـي عليـم الله نقدرهـا

[فزاع]

المخيال
صح لسانك ومشكور
وبيض الله وجهك
على الاهداء الرائع

[بندر]

المخيال قصيدتك حلوه بس لو تركز على بعض الابيات مثل:
للشاعره اللي تجيد الشعـر وافنونـه
الشاعره فيها الهاء زايده
يمكنك كتبتها مستعجل صح السانك يالاجودي ولاهنت

[حمد المخيال]

المشاركة الأصلية كتبت بواسطة &&راعيها&&

المخيال قصيدتك حلوه بس لو تركز على بعض الابيات مثل:
للشاعره اللي تجيد الشعـر وافنونـه
الشاعره فيها الهاء زايده
يمكنك كتبتها مستعجل صح السانك يالاجودي ولاهنت

غيري كسر بالقوافي وضاعت ألحونه
والحمد لله يجـي عنـدي وجبرهـا

من عادني بزر وأخوانـه يلاغونـه
ادخل ابحور الشعر وغطس واشبرها

اخي الفاضل

عند التركيز على الهاء سوف يكسر البيت وهذا مافعلته انت
ولاكن عند اخفاء الهاء وشبك الراء مع الالف واظهار الهاء باخفاء ووصلت الكلمتين مع بعض سوف تجد انك تسرعت بحكمك

شكرا لك
بس جنب ادروبي

[مهرة الصمان]

حمد المخيال صح لسااااانك مجاراة رائعه من شاعر لا يكتب الا الجزالة



لاهنت واشكرك وتقبل تحيااااتي وتقديري

[حمد المخيال]

المشاركة الأصلية كتبت بواسطة مهرة الصمان

حمد المخيال صح لسااااانك مجاراة رائعه من شاعر لا يكتب الا الجزالة



لاهنت واشكرك وتقبل تحيااااتي وتقديري

المهرة الغاليه

والاصيله

صح الله بدنش وسعدت بكون المجاراه نالت اعجابك
اما بخصوص الجزاله فأنتي سبقتيني اليها بقصيدتك التي احضرت شيطان شعري وقريني

تشرفت بوجودك الذي يعلم الله انني اقف له احترام وتقدير

تقبلي احترامي قبل سلامي

ودعتك الله يالجزله

[حمد المخيال]

رمان

صح الله بدنك
تشرفت بمرورك الكريم

تقبل تحياتي

[سعد بن صياح]

ياسلام عليك


المهره ابدعت



وانت جسدت الابداع


شاعر رائع


لا فض فوك

وتسلم ايدك

[حمد المخيال]

المشاركة الأصلية كتبت بواسطة سعد بن صياح

ياسلام عليك


المهره ابدعت



وانت جسدت الابداع


شاعر رائع


لا فض فوك

وتسلم ايدك

د

يامرحبا ومسهلا

اكتمل الابداع بوجودك الرائع

الله لايحرمنا هالمداخلات الجميله

بجمال روحك

صح الله بدنك

تحياتي وتقديري

[بندر]

يعني انت كليت الهاء

وصارت بدل الشاعره الشاعر

وتغير المعنى

وهاذا ممنوع على الشاعر

بعدين وش جنب ادروبي؟؟؟؟؟؟؟

انت لاتحسبني جاي اعذرب قصيدتك

انا عاجبتني قصيدتك من الى

بس قلت اكيد انك استعجلت فالشطر ذا

وشكرااا