روااااااااائع الشاعره عابره سبيلـ ......

[بـــنـــت الــقــصـــيـــم]

السلام عليكم ورحمة الله وبركاته ..

اتحدث اليوم عن شاعرة ظهرت شمسها وغابت فجأه ..

انها عابرة سبيل تلك الشاعرة التي تقول عن نفسها :

أهـلـي يــدرون إنـــي شـاعــرة =بس مايدرون في جرح الليالـي
يمنعـونـي مــن كتـابـة خـاطـرة =مادروا إني من زمان بهالمجال
آه لو يدرون انـي (( عابـرة )) =عندهم بتصير موتتنـا .. حـلال

كانت الشاعرة عابرة سبيل .. هذا اذا كان حقيقة ..

لاتخلوا قصائدها من الطرافه حيث تقول عن بطاقتها الشخصية :

أنا عجوز مطلقـة وأم ورعـان =وأيضاً مدام وبنت وآنس وعانـس
أنا بدوية وعايشه عند حضـران =وبنت البحر وأبوي زارع وغارس
أميةٍ ماتعـرف حـروف وألـوان =وتلميذةٍ دشـت جميـع المـدارس
ظفرة وخبلة عاقلة فـي نقصـان =شرود وأنطح لي ثمانين فـارس
خلوني أعيش العابرة دون عنوان =طيفٍ يمـر بلارقابـة وحـارس

اترككم مع مختارات من شعر شاعرتنا ...

°•.♥.•° عــــــابرة سبـــــيل °•.♥.•°

بريال عارضته على السوق بريال=من باعني برخيص والله لأبيعـه
من يشتري رجّال قصّر بالافعـال=باع العهـود الماضيـه للخديعـه
رجّال يسوى له ثمانيـن رجّـال=كل الصفات اللي ملكهـا فضيعـه
له ضحكةٍ تشبه لضحكات الأطفال=ذيبٍ ونظراتـه حنونـه وديعـه
وله فزعةٍ منها المجانيـن عقّـال=وفجوج لا ضاقت عليّ الوسيعـه
ياما عدل عوجا ثقيلات وطـوال=وأنـا معاقبتـه غيـورٌ صريعـه
والله يسوى لـه ثمانيـن رجّـال=والخبل مثلي لا زعل يب يبيعـه

وهنا تأخذنا شاعرتنا رحمها الله الى الأصالة ..

حيث النقاوه .. حيث البساطه .. تأخذنا الى حياة البادية ..

وقصيدة بعنوان (( رســـــــــالة من بــــــــــــدوية ))

تعال بشرح لـك أنـا كـل مغلـوق=تعـال شاهدنـي مــع ذكريـاتـي
لا لا يغرك لبس موضـة ومسحـوق=انفض غبار الوقـت تلقـي صفاتـي
قرب وطالع معّـن الشـوف بحـدوق=وزيف التطور جـرده مـن حياتـي
بتشوف في وجهي من الماضي اطروق=أخذت من بطن الصحـاري صفاتـي
طفلـة بثـوب مخيطينـه ومفـتـوق=تنطـر جديـد الثـوب بالعيـد ياتـي
سمعت طرف اخبار عن كلمة السـوق=وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق=حتي انها صـارت مـن العاشقاتـي
وجار الزمن وعرض الحـب للعـوق=شـرق ركايبهـا وهـم مشمـلاتـي
واتلا عهدها فيه يركـض ورا نـوق=مسرود جيب وفـي يدينـه عصاتـي
ويصد لكن يلتفت لـي مـن الشـوق=عجـلان يلخصنـي بعيـنٍ تحـاتـي
وقفـى وخطواتـه يتـلـن معـلـوق=وخلانـي ماتنقـل عظامـي عباتـي
ودار الزمان ولا مشي الحظ بوفـوق=ومازلـت أخفـي بالظـلام اعبراتـي
ولا زلت أنا العب له علي كل طاروق=حتـي يجيـب الله موعـد وفـاتـي

الشاعرة عابرة سبيل ..

ابدعت في كثير من القصائد ..

لقد نشر لها الكثير من القصائد ..

وطبع لها ديوان شعري ..

وعند البحث عن حقوق هذا الديوان وجد مهول الهوية ..

لكنها كانت مجهوله للجميع ولم يستطع احداً تحديد هويتها ..

تضاربت حولها الروايات .. فهناك من قال انه لاوجود لها وانما يكتب ذلك رجل ..

وعندما انحرج من اظهار اسمه قتل تلك الموهبة المتمثله بــ عابرة سبيل ..

وقيل انها شاعرة حقيقية لكن خوفها من عائلتها هو الذي حال دون اظهار اسمها ..

لكن رحلت المبدعة الشاعرة الكبيرة التي استطاعت ان تصل الى قلوب الناس ببساطتها

وقربها من قلوبهم ومن معايشة حايتهم واوضاعهم ..





°•.♥.•° عــــــابرة سبـــــيل °•.♥.•°

كتلة الاحساس والمشاعر اللتي كالجبل المتدفق منه ينابيع وشلالات تسربت من بين صخور الشموخ والمعاناة ..


°•.♥.•° عــــــابرة سبـــــيل °•.♥.•°


من ارووووع الشاعرات بنظري ..



:
:
:

[بـــنـــت الــقــصـــيـــم]

حان الفراق .. وتم توديع غاليـن =قسوة زمن وظروف ماهي رحومه
وحاولت ابدّل موقف العسر باللين =وأبيـن قدامـه جسـور ظلومـه
وأعاتبه وأنقد على دمعـة العيـن =وانا - حشا لله - مانـي ألومـه
وأقول هذا حـال كـل المحبيـن =وهذا الفراق الي تجينـا علومـه
ومسكت نفسي كن ماصاير شيـن =أخشى على خلي يشقـق هدومـه
ثم قلت وش تنطر حبيبي لهالحين؟ !!=أثر ايديني ماسكـات كمومـه

ضايقه بالحيل محتاجه اشتكـي =لولا طبع فيّ .. يمديني شكيـت
بس أدور عذر منشـان البكـي =لو يدوسون بطرف ثوبي بكيت
كل ماجيـت اتريـح وارتكـي =يزدحم في خاطري الفين بيـت
ويش بيدي افعله غير الحكـي؟ =قاصره خطوات رجلي لو مشيت
أسرعي يانفس موتـي واهلكـي =صرتي همي يوم بالدنيا شكيـت

لا تسافر وتتركنـي أجاهـد غـلاك =كل شـي يهـون إلا جهـاد الغـرام
أما تبقـى معايـا أو اسافـر معـاك =لاتخلينـي لطـوال الليالـي طـعـام
خوفي البعد لامنـه خـذاك وطـواك =مثل قصـر تـولاه الزمـن والهـدام
لا تسافر وانا اللي في رجا الله ورجاك =!! لاتسافـر وتلقانـي بقايـا حطـام

كل ما اتصل فيك.. صبح وليل تشكي لي =من عوج الاوضـاع والدنيـا ومتاعبهـا
مليت يا صاحبـي مابيـك تحكـي لـي =هالأسطوانـه أنـا ملـيـت مطربـهـا
حتى خيالـك بتـال الليـل ياتـي لـي =جـروح وعيـون معقـوده حواجبـهـا
عيشتنـي بعالـم ماهـو علـى جيلـي =زهـرة شبابـي حـرام انـك تخربهـا
يامـا هجرتـك ولا كملّـت ترحيـلـي =حبايـب ماتعـبـر عــن حبايبـهـا
حبيبتـك مــا تحـمّـل هالبهاذيـلـي =إضحـك معاهـا ولاطفهـا ولاعبـهـا
هيّـا تغـزل وغـن وزيــد تدليـلـي =البـنـت ياحبـهـا لـلـي يداعبـهـا
قلـي وش رايـك بفستانـي ومنديلـي؟ =الوانهن تعجبـك .. أو مانـت راغبهـا؟
وقلي وش رايك بعقدي مـع خلاخيلـي؟ =وشـف قذلتـي يـوم قصينـا ذوايبهـا
وقلي وش رايـك بأطباعـي وأقاويلـي =لاحـظ عليهـا وغيّـرهـا وشطّبـهـا
خـل بيننـا انقـاش وعلـوم وتعاليلـي =وآمر على البنـت وان حبيـت طالبهـا
يامدمـن الهـم كافـي دمـع بالليـلـي =بكـره تشبـع مـن الدنيـا ومصايبهـا
دنيـاك والله .. ماتسـوى التزاعيـلـي =حتـى ولاهيـب كفـو الـي يعاتبـهـا

ليتنـي البارحـه ياغالـي ماسريـت =يم درج ٍ مقفـل مـن قديـم السنيـن
أشهد اني فتحتـه وانتحبـت وبكيـت =شفت ماهيض الجرح القديـم الدفيـن
شفت وسطه رساله وليتنـي ماقريـت =بيت شعر قديم وظرف مع صورتيـن
اشهد انـي لغيـره بالغـلا ماعطيـت =واشهد انه بغاني مير ما مـن عويـن
صحت من قلب ياويلي على اللي هويت =وقمت امسح دموعي من يسار ويميـن
لاطرالي حبيبي بصوت واطي حكيـت =!! إنا لله .... وإنـا للولـي راجعيـن

يمه .. يايمـه .. فديتـك لاتخلينـي =بعثرني الهم وأبغـى يديـك تجمعنـي
يمه افهمينـي تـراك ان مافهمتينـي =مافيـه شخـص بهالدنيـا بيسعمنـي
ماعدت انا طفلتك.. كبرت شوفينـي =خليك يمي تـرى الاطمـاع تتبعنـي
لاتدللينـي .. أبـي منـك تدليـنـي =وابـي ايديـك تداعبنـي وتصفعنـي
ولا انهد حيلي أبي عطفـك يقوينـي =ياما كلامك علـى الشـدات شجعنـي
وان جيتك ابكي .. ابي منك تهدينـي =مابيك تبكين .. أبغى العقـل ينفعنـي
يامملكة عطـف ياعطـر الرياحينـي =براثـن الهـم والهوجـاس تلسعنـي
بسمتك عندي الا من ضقـت تكفينـي =وارضاك عني عن الاحزان يرفعنـي
اسمى العلاقات تربـط بينـك وبينـي =ياللي احضانك ان ضاق الكون تاسعني
لك احترامي وحبي والوفـا .. فينـي =وفيك اروع الحب مايخطي ويخدعني

[بـــنـــت الــقــصـــيـــم]

دوم يعيرني يقول : انتي متين =((حلجك)) المفتوح لازم نغلقه
هيه (( يادبه )) لزوم تخففين =والاا أثور فيك عشرين فشقه
وفي رجيمي استمريت اسنتين=جدي اللي مات بغيت ألحقه
ويش رايك؟... قلتها بصون حزين=قال دبــــــــه .. وانقلبتي لى اسلقــه

ليصاحبٍ منه تبي تطلع الروح=خبلٍ ومن هي مولعه فيه .. خبله
عاملين المح له من الجد ومزوح=واقول ياعنتر تناديك عبله
طال المدى ثم قلت انا اغليك يالوح=مجروحه جرحٍ مخاطره عجله
دنق وقال آنا من العام مجروح =وأشر لجرحٍ مبطي وسط رجله

ياخبلي الغايب متى ترد للعين =متى اشوفك او تجيني رساله
صحيح بالدنيا خبولٍ كثيرين =لكن خبالك ياحياتـي لحالـه

خلون اعيش العابرة دون عنوان =طيفٍ يمر بلا رقابة وحـارس

أبكسر الاغلال واعيش حـره =بصنع قراري وكل شيٍ بيدي
مليت من صبرٍ عطاني مضره =أعيش في عصرٍ لجدّان جدي

وما دمت أنا متعافية ما زلت في سن الربيع =مهما يكن حجم العمل أرفض وجود الخادمه

يسألوني عابـره ويـن الجديـد =والاجابـه ضايقـه فينـي ملـل
راحت ايـام السعـاده والقصيـد =عشتهـا بيـن التكانـه والجهـل
كنت اروض شارد الحرف العنيد =ماعسرني لو بغيته فـي عجـل
فيه اصور لوعة الحـب الاكيـد =ومنّه(اشكل) ماحوى قلبي غـزل
ومعه (اسافر) عن معاناتي بعيـد =ولأجل حبه ماشحنّي من زعـل
احضنه (فرحة) طفل في يوم عيد =واسكنه (روض) الخزاما والنفـل
واحتويته ليت لي (قلـب ٍ) بليـد =ماعرف (فرق) الجزاله والهـزل
والنهايه مابقـى عنـدي جديـد =واعذروني صارت ايامـي ملـل

كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم

1\ اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعر ة الطيبه رحمها الله

تـرى الـذبايح واهـلها مـاتسليني =انـا ادري ان المرض لايمكن علاجه
ادري تـبي راحـتي يـابعد عـيني =حـرام مـاقصرت ايديك في حاجه
اخـذ وصـاتي وامـانه لاتـبكيني =لـوكان لـك خاطرن ماودي ازعاجه
ابـيك فـي ايـدينك تـشهدني وتـسقيني =وداعتك لايجي جسمي بثلاجة
لف الكفن في ايديك وصف رجليني=ماغيرك احدن كشف حسناه وحراجه
ابـيك بـالخير تـذكرني وتـطريني =يـجيرني خـالقي مـن نـار وهاجه
سـامح عـلى الـلي جـرى مـابينك وبيني =ايام امشي عدل وايام منعاجه
اعـيالي هـمي وانـا الـلي فـي يكفيني =علمهم الدين تفسيره ومنهاجه

:
:
:


لـــكـــم ووودي ..


بنت القصيم

[العجمي]

الله لا يهينك يا بنت القصيم

ياجــــــعل قبرك وســــيع وتســــفر أنــــــــواره=هذا الــــرجاء من ولــي العــــــــــــــرش يعطيـــــــنا

الله يرحم عابرة .... ويسكنها جنات النعيم

[شيخة الغنادير]

هلا وغلا ببنت القصيم
يقولون "من طول الغيبات جايب الغنايم "

صراحة تسلم ايدج على المجهود الاكثر من رااااائع

والله يرحمها ان شاء الله برحمته

وأثرت فيني حييييييييل قصيدتها الاخيرة اللي قالتها قبل وفاتها


لج احتراااااااااامي

[м8ąĐїṜ]

اعيالي همي وانا اللي في يكفينـي=علمهم الديـن تفسيـره ومنهاجـه

الغــاليــه

بنــت القصيـــم

صح لســانــك وصــح لسـان "عـابـرة سبـيـل"

ولاهنــتــي على الإختيــار الرائع والجميـــل

لكــــي خــالــص تحيتـــي

[فزاع]

يعطيك العافيه
بنت القصيم
ومشكوره وفعلن ابدعتي

لك اطيب تحيه

اخوك
ر م ا ن

[تايه الغربه]

الغاليه .. بنت القصيم

تسلمين والله يعطيش العافيه ..
لا هنتي والله ..!!

ورحم الله الشــاعره عابرة سبيل ..!!

تقبلي كل الغــلا ..!!
سلالالالالام ..!!

[kigf]

بنت القصيم

موضوع مميز وقصائد رائعة
لاهنتي على النقل ورحم الله عابرة سبيل

تحياتي اختي الكريمة

[فارس شمر]

بنت القصيم لاااهنت على القصائد الرائعه وتسلم يمينج على النقل الطيب

والله يرحم الشاعره المبدعه ( عابرة سبيل )


تقبلي تحياتي