تستاهلون ياهل الجهرا النجاح

[نـاصـر]

السلام عليكم ورحمة الله وبركاته

اكتب لكم هذا المقال ومشاعر الفرح والحزن تخالجني معن فرحة لعجمان الجهراء ووقفتهم الصادقه والتزامهم وجلبهم لنسائهم للتصويت .

وحزن لأبناء عمومتي وعزوتي اهل العاشره على فقدهم لكرسيين ضاعت منهم بسهولة

وين الالف وخمسميه اللي في الرقه من نساء ورجال ماحضروا ؟!!

ووين عجمان الاحمدي مايحضرني عددهم ولكن على حسب ماسمعة ان عددهم كبير اللي ماحضروا

يعني شلون تبون اتردون كراسيكم الانتخابات اللي طافت قلنا بكره ايتعلمون الشطار وايردون كراسيهم ولكن للأسف نفس النتيجه كرسين ضاعوا والاده والامر انتخابات السنه هذي كانت حظوظ العجمان في استرجاع كراسيهم اكبر وكل التقديرات كانت تقول عكاش سعدون بره لكن للأسف صارت البرغش العبيد برا .

تدرون اشلون احسن انكم خسرتوا وانا مستانس وياليتني عند سعدون وعكاش كان رميت وطيرت الف مخزن .

تدرون ليه لأنكم للأسف ماتبون تنجحون هجل ليه تنزلون الضاهر تبون اتسببون زحمه بس .

[بندر]

الحمدلله الحمدلله

على كل حال

ياجماعه ترا هاذي انتخابات لاهيب منقصه ولاهيب زايده

سواء 3 كراسي والا 10

وبالمناسبه كرسي العجمان فالجهرا ثابت منذ تأسسّت الانتخابات ماعدا عامي:

92-96 اللّي نزل فيها ثلاث وأربع مرشّحين ..

والحمد لله نجح الدكتور محمد البصيري بفضل الله أولاً وبفضل أهل الجهرا من كافة القبائل

وبفضل العجمان اللي حضّروا 85% رجال ونساء فوق الــ 2000 صوت

وحصل مايقارب 1700 صوت أعور (رقم قياسي)

وشهادة حق الانتخابات هاذي بالذات كانت وقفة عجمان الجهرا مو طبيعيّه بمختلف فخوذهم

الكلّ يزهم ويشتغل حتى اللّي كانوا لهم خلافات سابقه مع البصيري نبذوها وساندوا ابن عمهم

ويستاهل أبوعبدالله ..

واتمنى ان أهل الرقه والاحمدي يستفيدون من أهل الجهرا بالحضور ..

والله يوفّق اللّي فيه خير للبلاد والعباد ,,

[ذهب]

عـجـــــمان الجــــــهـراء

إللي الكل كان يتكلم عنهم ويقول إنهم مايوقفون مع إعوال عمهم

ولا يساعدونهم وفيهم وفيهم

أعتقد هالإنتخابات خير رد على المشككين بحمية ونخوة عجمان الجهراء

ومثل ماقال الأخ راعيها حتى اللي كان مع خلافات مع بوعبدالله

او ما مشى له معامله قال والله ما أخلي ولد عمي واعطي الغريب

وعجمان الجهراء برغم قلة عددهم بالنسبه للقبائل الأخرى

قدروا يفوزونه بالأصوات المقطوعه وهذا اللي رفعه وبيض الله وجيهم

واتمنى من عجمان المنطقه العاشره ياخذون عجمان الجهراء

كنموذج للوقفه والمسانده الصحيحه

[خيال البلها]

صدقتي يا غرشوبة ( صح لسانش )

[نـاصـر]

الله لايهينكم