ياصاحبي عزام يوم إنّك تصوم=تالي صيامك ليه تفطر ببصله؟؟

[بندر]

عزام شاعر دايم إيسدّ اللزوم=فالملعبه معروف محدن يجهله
ياصاحبي عزام يوم إنّك تصوم=تالي صيامك ليه تفطر ببصله؟؟

[عـزام]

طيب طيب يا راعيها

استلم لاهنت..

عزام شاعر يسبح البحر ويعوم=واليا ثقل حملك على المتن انقله

بكره على راسك ولا تقدر تقوم=فتحت بابٍ ما انت قادر تقفله

[بندر]

طيّب طيّب..
,

ترى الدفاع إيصدّ هجمات الهجوم=والأسئله ماتنّطح بالأسئله
عزام نجمٍ نحسبه بين النجوم=وإحسابها واجد ولاأحدٍ كمّله

,

[عـزام]

ماشى ماشى

استلم

حسب النظام وحسب قانون السلوم=الرجل يعرف مخرجه من مدخله

وش قرّب السبعان من عرق البقوم=هذا كلام الحق كلن يقبله

[أشهب الـلال]

ترى الدفاع إيصدّ هجمات الهجوم=والأسئلـه ماتنّطـح بالأسئـلـه

نعــــــــــــــــم ..!!


صح ألسنتكم يالشعار

مُتابع

وفي صف راعيها


تحياتي

[عـزام]

حياك الله يا اشهب اللال

ولاهنت على المتابعه

[عيد بن شدقان]

الله الله الله



صح السنتكم



وانا طبعاااا في صف عزام ضد راعيهااا



متابع

[بندر]

أفكلّ سوقٍ فيه بيع وفيه سوم=والحنظله لاكان تبقى حنظله
لوترتفع ياطير وتروج وتحوم=بتوقّع وتبْدل مطيرك بحجله

[بندر]

أشهب اللال اررررحب وتزيد الصف شرف

[بندر]

عيد بن شدقان ارررحب

في صف عزام هاه هاذا اللي بيرقد