قصايد متنوعه ! وعيديه لـ عيد بن شدقان :)

[محمد بن سعود]

السلام عليكم

/

حبيت أني أنزل لكم .
قصايد
(متنوعه)

وهي عيده مني لكم

ولـ عيد بن شدقان

بالذات

أولا : سلطان بن وسام

/ باب الوزاره /

رؤيـا منامـي بشّرتنـي بلامـاك
وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك
قتيل حربٍ مثـل حـرب الحجـاره
ليتك مصوّبني برمحـك وشلفـاك
الموت من يمناك ماهـو خسـاره
لكـنّ ذابحنـي بهجـرك وفرقـاك
مدري متى تسمـح لنـا بالزيـاره
شربت سحر البابلي مـن شفايـاك
شراب ضرمانٍ شرب لـه زقـاره
يوم أنّي أزيح الشعر عن محيّـاك
وإيدٍ يميـن الجيـد وإيـدٍ يسـاره
وأن طاحت الدمعه على كف يمناك
حـرارة الدمعـه تداعـب حـراره
يامن خلقك الله بحسنـه وسـوّاك
أشوف فيك مـن العبـاره عبـاره
أحلف واقدّم لـك رهـن وأتحـدّاك
مالـك شبيـه الاّظبْـيّ الـزبـاره
والأشقر اللي كل ماقمـت غطّـاك
شقـار بشـت فـداويٍ فالأمـاره
وإليا نطحـك الريـح والاّ تقفّـاك
شبح !! شبح !! صدام بدْي وغماره
ماقـط سافـر فيـه هـذا ولا ذاك
شبح وزيـرٍ عنـد بـاب الـوزاره

/ لكزس بيضاء! /
لكزسٍ بيضا تقل سكر نبات=جت من اليابان في مينا دبي

فل فل ابشن وفل مواصفات=غاية مرادي وغاية مطلبي

ركبوا فيها لوايحها وجات=العدو ايموت والاش يهبي

جابها شيكٍ حروفه ملفتات=يحمل اسم اطلق شنب حتى اشنبي

سيدي فيصل وذات الاسم ذات=راس مالي سيدي ومعزبي

ثالث النهرين دجله والفرات=يارد الظامي عليه ويشربي

معجزه سبحان رب المعجزات=ياصلاة الله على وجه النبي

ياولد بحر الندا بنك الغنات=للمواطن والخوي والاجنبي

وياحفيد اعظم ملوك المملكات=فالتاريخ الانقلش واليعربي

وانت ابو كل المكارم والصفات=فالمحيط المشرقي والمغربي

مايغلبك من عيال الامهات=كود عمك بالكرم مايغلبي

سيدي سلطان لاراحت وجات=سمعته فيها الغبي ماهو غبي

مدته تملا البطون الجايعات=وفزعته يسمن بها راس الظبي

اثقل من طويق وجبال السرات=تشتبه ما تشتبه برق العبي

ابو خالد تبتلش فيه الروات=وش يخلي الراويه وش يكتبي

ان رمن اشيالهن المترفات=وانتخن في كل شيخ مجربي

قال صار الموت اخير من الحيات=مير هلي يالمنايا واقربي

يمتطي جرد السبايا المسرجات=والسيوف البيض يسباها سبي

خيّال العوجا زبون الوانيات=هذا الاسم الي مسمينيه أبي

حاتمي و زير بس الافتخات=فيصلي والزير سالم تغلبي

وانا معجب والقصايد معجبات=في ولد خالد عريب المنسبي

تارده المداح من كل الجهات=وتعشق افعوله وطيبه حيابي

واللحن والقافيه والمفردات=صادق احساسي وجهدي وتعبي

والختام الباقيات الصالحات=ياصلاة الله على وجه النبي

/ العفـو عند المقدره! /

اللّه ولا بعض السوالـف والعلـوم
تحّمـل الرجـال مــالا يـقـدره
مامن وراها إلاّ المشاكل والهمـوم
ياعنْك مافيهـا مـن اللّـه خيْـره
عسى غضب خطلان الأيدي مايدوم
وعسى عمـار الطيبيـن معّمـره
ياسيّدي سلطـان قوّمنـي وأقـوم
وأرجو من اللّه ثم منـك المعـذره
وأنا عن الـزلاّت مانـي بمعصـوم
والعفو ياكحيـلان عنـد المقـدره
أنا حفيـد اللـي يسّـدون اللـزوم
يوم إنها كانـت عبـوس ٍ وغبـره
والبيرق الخفّاق مـن دون النجـوم
وحدب السيوف مـوّرده ومصّـدره
بقيادة اللي وحّـد الدولـه عمـوم
شق الطريـق ووحّـد الله ونصـره
عبدالعزيز اللي ليا شـن الهجـوم
من صف عدوانه تضيـق المقبـره
اليا صفق له خشم من بين الخشوم
من قوة الصفقـة يطيحـنْ عشـره
واصل على خوض المعارك باالعزوم
وتقّطعت عوص النجايب فـي ثـره
لين العلم رفرف على روس الرجوم
في ظل حـدب ٍ باالدمـيْ معّطـره
وحنّا ماغيّرنـا العوايـد والسلـوم
اللي خلق فينـا الـولاء ماغيّـره
معنا الولاء يزداد يـوم ٍ بعـد يـوم
في صدورنا حتى ولـو مانشهـره
وحكي الرخوم اللي تروّجه الرخـوم
واللّه ماغيّر فـي محبتنـا شعـره
ياسيّدي وإن راحت الأصحاب قـوم
أحد ٍ يسّنـد علـم و احـد ٍ حـدّره
أنا دخيل حمـاك يـاالأب الرحـوم
لا تستمع فينا ولـد رجـل ومـره
يامفّرج الكربـات فـلاّج الخصـوم
ملاذ من ضامـه زمانـه وعسـره
أنت الذي عن زلّة الجاهـل تشـوم
واليا كسرت العظم ماحـد ٍ جّبـره
محاسنك غيمٍ ماهو مثـل الغيـوم
اليا أصطفق برقه يسابقـه مطـره
غيث ٍ قدومه حيّ واللّـه هاالقـدوم
يروي الفياض الجرد ..للّه اومـره
وياسيّدي ماحد ٍ من الطيب محـروم
قولة نعـم عنـد الرجـال مـدوّره
مير أنت مثل طويق من بين الحزوم
كـلٍ تّـذرا فـي حيـوده وشجـره
تبي الحقيقه ياعسى عمـرك يـدوم
شعر ٍ مايكتب فيـك مافيـه ثمـره

والحين مع الشاعر : ناصر الفراعنه

ولكن . ابيات متنوعه وليست قصايد !

/ خبر (إنّ) مرفوع بالضمّه /
غروٍ نطحني يجـرّ الغـيّ ويـل أمّـه=مثل أمّي أنّه عذاب الروح مثـل أمّـي
عليه لبّسني إبليـس الهـوى عِمّـة=وابليس من قبل بن خالي وابن عمّـي
يا ليت من هو تليّن في طـرف كمّـ=هاليا تمدّد طـرف كمّـه علـى كمّـي
غروٍ ذبحني وانا مـن لحمـه ودمّـه=وش بقّىْ للي مهو من لحمي ودمّـي
لا جيت اخمّه وقلـت الخمّـه الخمّ=ـةقال :ابتعد يا ولد بدري علـى خمّـي
ما يدري انّه خبـر (إنَّ) وأنـا ضمّـ=ةيا حلو حلو الخبر مرفـوع بالضمّـي
يوم انكشف لي نحَرْه وبانـت الزِّمّـ=ةقامت شياطين بقعـا تزمّنـي زمّـي
يا عين شيهانـةٍ فـي عالـي القمّـة=قمّت بريشٍ وريش البُرْق مـا قمّـي
لو في بريقعْه رحمة كاشـف الغمّـة=ما كـان زوّد سـواد بريقعـه غمّـي
الزين إلى جاء لزيـنٍ ناقـصٍ تمّـه=والله لولاه حسن البيـض مـا تمّـي
زينٍ عليّـه تغيّـر وانعَسَـر صمّـه=نسى ثلاثـة ليـالٍ عسْرهـا صمّـي
ومن صار لي في الرخا عبدٍ وانا عمّه=لا جاء القسا صرت له عبدٍ وهو عمّي
سقى الولي يوم انا دلوٍ وهـو جمّـة=واللهْ ماْيسقينـي ألا صافـي الجمّـي
يا لعنبـوه انْ مدحتـه كنّـي آذمّـه=وغيره تمنّاني اقصد بـه ولـو ذمّـي
مدري على اسم القمر سمّوه يا يُمّـه=والا على اسم الغضي وجه القمر سِمّي

/ شيـخ ينادي /

وين أسجّ ؟ وكنّ في جوف الحشا شيخ ٍينادي = لا بغيـت أسـجّ عـن حلـو المحيّـا, قــال: هـيّـد
يا كثر ما قد عرفـت مـن العـذارى يابـن بـادي = بسّ قلبي بسلك صفراً مـع هَـلَ الفيضـه متيّـد
مهـرةٍ ريـحـة عرَقـهـا ريــح ريـحـانٍ وكــادي = في هواها أمّـة محمّـد بيـن مـن عـارض وأيّـد
ويـل ويلـك لوتشـوف خدودهـا بيـضٍ تشـادي = قشـطـةٍ صـبّـوا بـهـا ذوب الـمـربّـى يـاعـويّـد
والمبيـسـم سـكّـرٍ دقّــوه مــع نـكـهـة زبـــادي = مـن يشوفـه قبـل لا يبـدي هــلال العـيـد عـيّـد
والنـحَـر كـنّـه فـيـافـي رقّـــةٍ فـيـهـا حـمــادي = فوقهـا لبّـى الملـبّـي واجـهـم المـاشـي وسَـيَّـد
والنـواهـد واقـفــاتٍ كـنّـهـنْ عـسـكـر بـــلادي = أو كنيـسـة راهــبٍ مــن حــبّ يـاقـوتٍ تشـيّـد
النهَـد كنّـه يـا ابـن بـادي عـن اردافـه يـفـادي = كـنّ راسـه راس شغمـومٍ ركــب راســه وبـيّـد
لا متى ذبح البشر عند العيون السـود عـادي؟ = لا متى والموت حدر رْموشها السود يتصيّـد؟
والحواجب سيفهن مـا يطعـن ألا فـي الثنـادي = آمــــراتِ نـاهـيــاتِ جــازمــاتِ مــــا تـحــيّــد
والجدايـل فـوق عاتقهـا بيـاضٍ مــع ســوادي = تقـل عـبـدٍ قــام يـومـي بالمهـفّـة فــوق سَـيِّـد
والخصـر لا ميّلـت بـه حيّـةٍ فـي جــوف وادي = يـا وِسِـع بالـه علـى ردفٍ علـى عظمـه تعـيًـد
لعنبوهـا يـوم هــزّت ردفـهـا عـاشـر وحــادي = كـنْ قدمهـا مـن ثقيـل الـردف لا سـارت مقـيّـد
فيـه إلـى منّـه مشـى هيبـة مفـرّج والمـهـادي = من يشوفه يلعـن آبـو خامسـه والشـوف جيّـد

/ شفتخ ورايه وأحسبه قدّامي! /

يا حال ما احدٍ في الغريـب يْحامـي = والله لإبــن عـمّـه ولا بـــنْ خـالــه
تعبـت وآنـا بـس ّ اعـضّ ابهـامـي = علـى الـذي حــطّ الخـفـوق سْبـالـة
ريــمٍ يـمــدّ الـمـيـم قـبــل الـلامــي = خــلّ البـنـات لْـحـال وهْــو لْحـالـه
شفتـه ورايــه واحسـبـه قـدّامـي!! = وصـارت يميـن اللـي وراه شْمالـه
من شاف نـوره ينعمـي يـا سامـي = مـن ويـن لـه عنـد الرحيـل دْلالـة؟
امــرار اقـــول الله يجـيـبـه دامـــي = وامــرار اقـــول الله يـطـيّـب فـالــه
من صادفـه يسحـب جديـد الخامـي = معقـول مـا شـاف الربيـع قْبـالـه!!
حسنـه لـو يْـمـرّ الـدريـك الظـامـي = مـا عـاد ظنّـي يطـري الـمـا ببـالـه
ولـو مــرّ أصــمٍّ أخــرسٍ متعـامـي = مـا فيـه بيـت مـن الشعـر مـا قالـه
ليتـه وقــف لــي وقـفـة الأكـرامـي = اشوى لنا يا صاحبـي واشـوى لـه
لا والله الا صــابــنــي بـعْـظــامــي = وانـا احسـب انّـي شـاربٍ فنجـالـه
اقفـى وهـو للعـرق الابـهـر رامــي = يــا ويــل حــيٍّ بالعـيـون اغـتـالـه

القصيده أطول لكني ما عرف الباقي السموحه

/ غريب /
جعل يسقي دار غضّ العود صيّـب = ياغـريّـب صـاحـبٍ يـذبـج جـمـالـه
صاحـبٍ زينـه لابـن يومـه يشـيّـب = خلّ عاد اللي عمـر عشريـن طالـه
ابــو عـيـنٍ يــا تعـيّـب يــا تـغـيّـب = بنت عمّ الموت مـدري بنـت خالـه
وابو رمشٍ لـو تشوفـه يـا غريّـب = مـتّ مـا كمّـلـت لــو ربــع البيـالـة
وابـو خـدٍّ صفحتـه صفحـة كتـيّـب = كـنّ زهـر الـورد نقـشٍ فـي ريـالـه
فـي مـحـل الـبـدر حــلّ ولا تهـيّـب = والقمـر مـا كــلّ خــدٍّ جــاء بـدالـه
من يشمّـه مـات عمـره مـا تطيّـب = وش يبي في الشيح والعنبر حلاله
وابو عنقٍ عن حشا صدره تسيّـب = يـا حيـاة الشـرّ يـا عـنـق الغـزالـه
وابــو نـهـدٍ لا يخـيْـب ولا يـخـيّـب = تقْل فـوق الصـدر يُلقـي لـه مقالـة
وابــو قــدٍّ لارقــص مـــا ينتـعـيّـب = وصـف دابٍ ينفـخ السـاحـر قبـالـه
وابو خصـرٍ لا حضـر ردفـه تغيّـب = من عصا موسى على وصفه دلالة
وابـو ردفٍ مـا يجيـبـه ردف ثـيّـب = قومتـه مـا قامهـا صـاحـب جـلالـة
يــوم شفـتـه لا بـعـيـد ولا قـريّــب = لعنـبـو جــدّه تـقِـل يمـشـي لحـالـه
ان وقـف لا هـو دقــاق ولا دبـيّـب = وان مشـى كنّـه يطالـع فـي ظلالـه
ولّ مشيـة مـا مشاهـا الا الحبـيّـب = كـنْ يمينـه ربّطـوهـا فــي شمـالـه
صاحبـي لا قـلـت شــيٍّ قال:طـيّـب = اطـوع القـلـبٍ يحـبّـه مــن خيـالـه

[محمد بن سعود]

والحين مع الشاعر حمد السعيد :

/ لين جربت المحبه والفراق وقلت توبه ؟ /


والله إني كنت ألوم اللي يضيق إن غاب خلّه
لين جرّبت المحبه والفراق وقلت توبه!!

لعنبو . جد المفارق فيه هم . وفيه ذلّه
أثر كل الحب لذه والفراق أكبر عيوبه

أمس . فارقت الغلا ومفارق الخلان علّه
والعلاج الوصل لاتبلش طبيب ولا حبوبه

الزعل هو سبّة الفرقا يهّز الحب كلّه
ليتني طولّت بالي قبل لا يعلن غروبه

واهني اللي وسيع الصدر صدره وسع فلّه
غلطة الصاحب تجي وتروح ماهي بمحسوبه

عارفٍ قدره وقدر اللي يحبه في محلّه
ذاك نفسه لا حشا ماهي علي الحب مغصوبه

سامح الله طبعي اللي للتغيّر يالعلّه!
قاضبٍ خلك عزيز . ولين صارت لي عقوبه

ليش تحسب غلطة الصاحب علي الصاحب مذلّه !؟
ليش ماتحسب ميانه لوتجي عشرين نوبه ؟؟

لا وربي كنت أحبه حيل مادوّرت زلّه
لا تشكك في غلاه . ولا تساعد في هروبه

لايمي . قبلك تعبت ألوم شعار المجلّه
وكنت مؤمن في مقولة أعذب الشعر الكذوبه

وأثر كّلٍ في حياته له تجارب مستقلّه
وأنت لا تشره علي . مثلي . وتبلا لك بحوبه

كان جابتك الحميّه روح له تكفا وقلّه
لا يخليني وإذا ودّه يخفف من ذنوبه

يستخير وله غلا قلبٍ صدوقٍ ما يملّه
فدوةٍ له كل قلبي من شماله لي جنوبه

يوم قفّا والخفوق يفوح عقبه فوح دلّه
وسط وقدة واحدٍ عزّ الشتا والسهر دوبه

لاتقهوى . بارده من برد فنجاله وزلّه
ثم قرّبها علي جال الجمر وأرهى شبوبه

وين يدله هالخفوق وكل مايدله يتلّه
طاري اللي ياكثر ما أتعبت رجلي في دروبه

لاطرى . جريت ونّة من بلاده مستحلّه
مثل ماراحت بلادي مع شعارات العروبه

كل هاجوسٍ يجيبه جعل شعري فدوةٍ لّه
وأعذابي . كل ما جابت لي الجبله هبوبه

مشغلٍ قلبي بحبه دون خلق الله . من الله
هيه . ياللي ممتلكني حسن وأسلوب وعذوبه

ماسمعت إن الخوي له بالخوي تسعين زلّه
وأنت طوّف زلتي ياعل تفداك اللعوبه

صاحبي سيف الهجر . لاصرت تقدر لاتسلّه
ماتظن العفو عند المقدره أفضل عقوبه ؟؟

أيه أنا اللي كنت ألوم اللي يضيق إن غاب خلّه
لين . جرّبت المحبه والفراق وقلت توبه !!


/ ثلاث الحمام /

ثلاث الحمام اللي تعدّن علّي عصير
مصادير واليمّه علي حروة الجهرا


عراض الثنادي كلهن والجناح قصير
أنا أقول (زاجل) قول وأهل الحمام أدرى


عليهن طيارٍ لو يشوفه زبون (الجير)
قضب سبق طيره قولته عرضةٍ قشرى


ثواني وقفّن تقل قرطاس في معصير
وراهن جمعت الشوف بالعين لين أزرى


تمنيت لو مرسل سلامٍ مع التقدير
معاهن علي اللي وين مارحت له ذكرى


أبي ياصلنّه قبل تدرج مساء الخير
أنا خابره ذي حزّته لابغي يقرى


معاهن ثلاثتهن أبا طرش التعبير
أبي لانست وحده تصلّح لها الأخرى


أبي قولة إن فلان لو صار وضعه غير
بقت لك رسومٍ فيه من ليلة المسرى


تحت عينه اليمني بدا للسهر تأثير
وتمكن سواده من تحت عينه اليسرى


عسي لاوصله العلم ويستأنف التفكير
أبي ينشغل فكره من الحين لي بكرى


تمنيت وصله بالفكر ماطلبت كثير
أبا اطري علي باله مثل ماعلّي يطرى


ألا ياعيون اللي تنهض وتل السير
لمحها بعينه يوم زالت مع المجرى


عديمٍ اليا من حل طاريه قالوا طير
تعلّم عليهن (فرخ) من يومها وأضرى


عقب ماوصل طلعه تحدّر دلو في بير
عليه الله أكبر لاضرب مخلبه يفرى


ضربها وغرّت منه مابالسوالف خير
وترقّا بأثرها مونسٍ ضيعته وأحرى


غدا مثل ضيعة ذايع الصيت طير (سمير)
سبب دعوةٍ لأمه ولا دونها مذرى


وعقب ضيعته جاب العوض فيه فاعل خير
عطيّة كريم أطباع مادوّر المشرى


أثر لاغدا لك طير تلقي بداله طير
فلا شك جرح مضيّع الولف مايبرى

والحين مع علي بن حمري

/ لابج الحضارين إن قالها الله /

أربّك يالهبوب أتذكّرينه ؟
بِنا ولاّ ّ ترانا ذاكرينه

وهو في حاجةً لأدناة هبّه
تهِبّه لين تغشاه السكينه

أمانه علّمي له ياهبايب
عن امحبينه أللي فاقدينه

أنا والشعر ننشد عن علومه؟
وثالثنا سهر عيني وعينه

وراه أبطا؟ ولاجاء مِنه نابي
عليّ أبطاه ياثقله وشينه

لعلّك تسألينه عن غيابه :
وقولي به خدين أجفا خدينه ؟

ورب البيت مايوماً نسيته
ولو ينسى الولد من والدينه !!!

ونسياني أشد بعكس عِرّفي
ولاتركب على أسمي منتسينه

ولكن للغياب أمبرراته
على بند القضا ,, والعذر دينه

معلمني الزمان أن التجارب
تعرّضك الهزيله والسمينه

كلاني الشيب حتى في رموشي
تقول الرمش دين ومقتضينه !

ياسُرعك ياليالي حسبي الله ..
قطفتي من ثلاثي وحدتينه

لو إنه يمدي أللي راح يرجع ؟
ما خُلّقت كلمة (أمبيّح كنينه) !!!

لابُد الحاضرين أن قالها الله
تعرف إن ذا ألاسد وإن ذا عرينه

وأنا زودي ونقصي ذنب نفسي
مافي بطني فضل لحداً بعينه

وكسبي للمدايح ؟ من يميني
لذا الرجّال وزنه في يمينه !!

ماني تاجر لو أن أبوي تاجر
أنا طينه واهل ألاموال طينه

يجي يوماً معي مالكنز غله
ويوماً لاني أفقر من (أمينه)

فلا قل الحلال يهد باسي
ولاكُثره يجيب الطمأنينه

(تيامن) ياأوليَد ولا(تياسر)
ترى السوق الشيوخ (متوجرينه) !

وجنّب عن جبالً ماتطاول
مافيها ياحليله ياعوينه

أذا قلت الشعر فيكم كباره
فحنا المجد كله كابرينه

وأنا ماذم فى اللي جاب راسك
ولاربّعك قُرى ولاّ مدينه

لكنك قمت تاخذها تعنّصر
وقول العنصري دايم يدينه

أُكلّلك طير وتّرك طير وأفلح
بحبّك قبل ما يُعّجن طحينه ..

فلالك عندنا علبه وجربه
ولا لك ببعدينه .. وقربينه

عدانا عقلها يسبق غضبنا
زعلنا كنهم مستصعبينه !!

وأنت تسوق نفسك للمهالك
مثل شخصاً يدوّر من يهينه ؟

أذا اتحاكا خبل يسّمعه واعي
(هذا معك الشِعار مطبقينه) !

أرائك عكس,,وأوضاعك تتعب
وكلامك كل أبوه ( أشجار زينه ) ...

فلا يُذّ كر شجر زينه يضلّل !
ولاعصفورةً على غصينه !

تصوعك ذيّ وألاخرى تروعك
وألاخرى غير ,,, تفطنها الفطينه

ولا أردى من كلاماً ماينفّذ ....
سوى متكلّمه ,, ومنفّذينه !

ياعنك إن الصمايل والشدايد
(ياعيشة عز)...(ياموته هوينه ) !

صدق راعي المثل يوم ايتمثّل
مايُضّرب بوظهر على بطينه !

اذا الساحه مرض فا انا دواها
وأنا لو بحر ؟ : ما أرضابك سفينه !!

لو أنك راس : ما وطيت هامه ..
ولايُسرا الولد تسّبِق يمينه

ولوحتى رضينا في كلامك ؟
ماتلقى من ورانا إلا الغبينه 00!

أذا في ذكر ولاّ كثر ؟ فزنا
معك ياكل علماً كاسبينه ...

واذا زودتها ننّبِش ملفّك
من أول بيّنه لآخر دفينه

تبي ترضي (مره ) وازعلت لابه
رجالاً تجعل القاسي عجينه

رست فى أرض الجنوب أكبرسلاسل
جبال ماكنه وأرض مكينه

فخلك عاد تعجز في نوابغ
شعر وافعال وأحبالً متينه

لو أنك يالجنوب أثقل عليهم
من أللي كانهم متوقعينه ....

وأنا من رووس قوم ومن قبيله
آلآد مضيم كلاً ضايمينه ...

تعود إلنا القبايل والمسايل
لنا الغصن الخضر والياسمينه

أنا أتحداك تلقى عبد فينا
ولاحتى من الخفرات قينه

ولايُذكر بقحطان نزايع
لنا جداً جميعا ملتقينه

ولافينا دخوول ,, ولا علايق
(ولاموقع قِدمنا مشترينه) !!

نحب الموت لعيون الكرامه
مثل حب الضنا شوفة ضنينه !!!



/ أحد ٍ لا قيل أسمخ يفشل قايله ! /


ولايعـن الـراس ويـسـوق الـقـدم
إلا مسيـرً فــوق رووس الطايـلـه

على ضعيـف الـراس مافـاد الزهـم
لـو تزهمـه بسّمـه وبسـم العايـلـه

وأذا فعلنـا الطيـب رفـرف ياعـلـم
هـذي وقوعاتـه ,,, وذي دلايـلـه !

عليـك أمـان الله ومــد أم الشـحـم
أنّـا حزامـك فـى الليالـي المايـلـه

أمنحريـن الـبـل عــدوان الغـنـم
سكّينهـم مـن كـل حمـراً سايـلـه

أحـدً لمـا طـرّوه قـالـو والنـعـم
وأحدً لا قيـل أسمـه يفشـل قايلـه !!

الكفـو لـه فـي هاتفـي أسـم ورقـم
وألـلاش مالـي رقـم فـي موبايـلـه

لاصار مـال الرجـل لـون ولا طعـم
ولايـعـرف الحايـلـه والشـايـلـه

بهيمـةً ينعـد مــن جـيـز البـهـم
لـو أمـطـرت ماسُيـلـت مسايـلـه

فــلا كُــل لاً لا ولا نـعـم نـعـم
ولاي أحــب أحـايـل المتحـايـلـه

ولا يجـي فـوق المـهـم إلا ألاهــم
واشـد مـن غُـب البحـر هوايـلـه

والسالفـه لاجبتهـا مـا أقسـم قـسـم
الجـزل لاتشـتـك فــي جزايـلـه

فألاحتـرام أبـرز صفـات المحتـرم
فـي وقتنـا أللـي تُحـتـرم قلايـلـه

وإن صارت الخطوات أكثر ماللقـم ؟!
فالله غنـي وأرزاق ربــي ضايـلـه

فقط لاجـاء الطـاري وحنّـن ورتـزم
فالقاع أعسه 00 والسحـاب أخايلـه !

معـمـةً ماتحتـهـا عـمـه وعــم
مـا تمِّـن المِرسـل علـى رسايـلـه

والقصيده أطول من ذالك

[محمد بن سعود]

مع الشاعر : فلاح القرقاح

/ ملازيم الرفق /
يا رفيقي لا تضيّـع ملازيـم الرفَـق
تمّهـا مثـل الرجاجيـل ولاّ خلـهـا
رحت تحفر في طريقي على الغفله نفق
وأنا اشيّد لـك قصـورٍ يظلّـل ظلهـا
الوجيه البِيض لا راق ماهـا واندفـق
دفنها في لحود سُود القبور أحسن لها
يا الله انّا في حجاياك من قـلّ الوفـق
كلها جات بسهولـه وراحـت كلهـا


/ بالراحه علينا ياهل الحكي بالراحه /

مزحنا واثر الايام ماهيب مزاحه
ولاتغلي الهراج لا رخصت الهرجه
بالراحه علينا ياهل الحكي بالراحه
عرجتوا بناس جالهم خطهم عرجه
تشيب البيوت ويقلب الشاعر الساحه
الناقد بصير وشدة الوقت منفرجه
غشى اللوم روس في بحر الاثم سباحه
وعدى اللوم روس راحت وجات منحرجه
الى حال حول العد ماجاه مياحه
على جاله تموت الضوامي وهي حرجه
ولاعسفت الاصايل بين منحاه وفلاحه
تثنى حملها والحصان التوى سرجه
ولاهنت طيرك عاف علفه وملواحه
ولاّ جزم لامافي عيونه ولا درجه

[محمد بن سعود]

لشاعر : خلف المشعان


{ الغياب }

قالت : وشاحلى مايقول المحبين ؟
..............................ساعة لقاهم بعد غيبه طويله

قلت : اصبري ، قالت : انا اقولك زين ؟
............................. قلت : اتمنى ماتكوني بخيله

قالت : عسى موتي على يديك هالحين
............................. ان كان قيلت بين خل وخليله

قلت : احبكيها صح ياقرة العين
............................. قلبي يبيها صدق تشفي غليله

قامت تفكر !! قلت : يالله ، وبعدين
........................... كن اصبعك طوّل بلفّ الجديـــله

! قالت : كليب !! وقلت : خير ! شتِقولين
............................. قالت : رجع !! وشو شعور الجليله



قلت : اليمامه ! ماهي اقوى تحسين ؟؟
............................. من يوم غاب جبير صارت هبيله

وشبك سكتي ؟ ليه قمتي تلفّيــــن
........................... قالت : اخاف ان قلت تطلع ثقيله

أخاف اقول وكلمتي تجرح الدين !!
.............................. واشيل ذنبٍ مقدر اني اشيله

استغفر الله وين وصلتني ويـــــــن ؟
............................ وانت تعرفني والاصيله أصيله

ضمت يديني .. قلت: توك تحنيــــــن
............................ قالت يدينك بس ؟ هذي قليله

يوم احضنتني @ دمّعت ، قلت : تبكين
............................ قالت : اظن الدمع (أصدق وسيله)

ردّت ، وقالت : وشعذاب المحبـــين
........................... قلت : الغياب ! وفي عيونك دليله

{ نعم مغرور }

.
.
.
. تقول: الله يالدنيا ‍!! غدى شاعر ، وله جمهـور

............................ واقول : انتي قبل تطلع جماهيري تعرفيني


أنا ماني مثل نايف ، ولاضيدان بن منصـــــور

............................ صحيح اني على قدي ، ولكنك تخبــريني


نسيتي يوم جبتيلي قصيده كلبوها كســـــــور؟

.......................... نسيتي قبل اخليها ( قصيده ) وشعطيتيني


صدق من قال : هالدنيا تدور وتكشف المستــــور

......................... ترى ماقلتها لحـّد ولكــــــنك جبرتيـــني


انا ماسعى ورى الشهره . ولكني ! خطفت النـــور

......................... كثير اللي عشق شعري مثل مانتي عشقـــتيني


نعم مغرور ياهبله ! ( على مثلك ) نعـــم مغرور

.......................... واذا لك حاجة عندي خذيها لاتغثـــيـني


ومادامك تعرفين اني غديت الشاعر المشــــهـــور

........................ أجل لاتشرهين اني أعرفك . لو صدفتيــني


/ الشطرنـج /

علموني ياجماعه جيت ابسأل واستشيـــر


...................... ( مبتـــدا ) والراي منكم .. يعــتبر عندي ( خـبر )

:
:

ماكتبت الشعر والله .. لجل اباقف بالاخــير

...................... من كتبت ( اول ) قصيده .. جــيتكم ( باول ) سطـر
:
:

كل حرفٍ من قصيدي .. يحتوي معنى كبيـر

...................... كل ( بيتٍ ) فيه ( معنى ) .. وكــل ( معنى ) في شـطر
:
:

ماترجيت المدايح .. من كبير ومن صغـيـر


...................... ويش ابي بـمـدحٍ يجـــيني .. مــن ورى اكــتابـة شعر
:
:

لعنبو حي القوافي .. لابغت تطلع .. كثيــر

...................... مير ابفهقها .. . واجــيكم .. بالكلام .. المختصــر
:
:

علموني كيف أجامل / واتعامل / مع …….!!

...................... علموني . . كيف ابصــبر ؟؟ دام انا .. مابي صـبر
:
:

هو يصير الطير يمشي بس يمشي مايطير ؟

...................... أو يصير ان كل ( طيرٍ ) بالسما.. يكفـخ ، صقــر ؟
:
:

هو يصير العبد يامر .. علموني هو يصير ؟

...................... أو يصير ان( شيخ ربعه ) .. ياجــماعه .. ينومـر ؟
:
:


هو يصير ان كل منهو قال راي يقول خيـر ؟؟

...................... أو يصير ان كل ( مهدي ) ايكون ( مهدي ) المنتظر
:
:


هو يصير ( الفيل ) يبدا .. ويتعــدى ( هالوزير )

...................... أو يصير ( الكنق ) يمشي خطوتين .. ابلاخطــــر

:
:

علموني كيف ياكل ( قلعتي ) ( جندي ) حقــير

...................... ولعبة الشطرنج .. تقهر من لعبهـــا.. يابشـــــــــر

:
:

علموني .. قبل ماصل .. لاخر الشطر الاخـــــير

...................... مبتدا .. والراي منكم .. يعتبر عندي .. خـــبـر



علموني ياجماعه لجل أعاود .. واستخــير

...................... علموني كان مخطي .. لجل أدنق .. واعـتذر

[محمد بن سعود]

ومسـك الختـــام

ومـع المبدع / سعد بن جدلان

وبعض من ابيات وقصايده

ياوليفي

ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ = الهبوب البارده منّك هبّت في حشاي

والله انّ كبدي عليكم عراويها أضميّ = والمشارب غير هرجتك ماتقطع ضماي

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي

كـم مفـرق !

كمّ مفرقٍ كلّ ماجيته تعديته = اشوف خطّه ولا أقراء ويش لوحاته

ياكود مفرق رقبة العطف لاجيته = يفرض عليّ الألتفاته والتنهّاته

فيّ حشمة الليّ مصافيني وصافيته = من خلقتي ماحدٍ سوّى بيّ سواته

مايسمح البال لين أقف على بيته = وأضرم له أضرامة الزيدي على قاته

متي تقدرين ؟

مدري متى تقدرين المشيّ يارجلي = حتى لامنّي بغيت الازم أنهجله

أمرّ راع العيون النعّس النجلي = الليّ لذا الحين وجروحي منه وجله

هرجه كما السكر الليّ في لبن هجلي = لا روّحت من نبات المكر والرجله

مدامعٍ من بشاشتها تبلّجلي = أشفي لها من لأغاره والشفق لجله

ويضفيّ على لبةٍ كالوهرّ المجلي = شقرٍ تقل من حرير الهند ينسجله

مصيبه لاتردت قيمتك ؟

ألا يالله ياللي تحـت هيبـة سلطنتـك أسلمـت
لك المسلم يسبح لك بحمـدك وإلـك الإسلامـي
أحمدك ؛ وأشكرك ؛ وأثني عليك بما علي أنعمت
وزدني في وفا بر العشير ووصـل الأرحامـي
ولهت الفجر ياليل الذهول اللي علـي أظلمـت
بعرضك واقع الذكرى عليه عـرض الأفلامـي
وولهتك يالنديم اللي على صافي وفاك أضرمـت
بصفحة ذكريات العام واللي مـن ورى العامـي
بعد تقرير مشوار التجارب نجحـك وأجزمـت
بأن السيف سيفي والعصـا والمحـزم حزامـي
أباهي ؛ لا أبالي ؛ وأتبيسـط كـل مـا قدمـت
أشـب النـار قـدام العـرب وأشيـد خيامـي
نهاري : حر شمسه ؛يستحي منها لسان الشمت
وليلي ترجم نجومـه ملامـة كـل مـن لامـي
على ضو الكلام اللي كشف عنا ستار الصمـت
وعرفت إن به وجيه باليمن ووجيـه بالشامـي
أحسب إنك تيمم باتجاهـي ويـن مـا يممـت
أثر لا أنته ورايه بالطريـق ولا أنـت قدامـي
وكثر ماحن صدري للونيس وكثـر مادرهمـت
فجع صدري حنيني وأتعـب الأقـدام درهامـي
مصيبة لاتردت قيمتك فـي عيـن مـن قيمـت
يشوفك بالسهل وأنته تشوفـه بالسمـا السامـي
مادام إن جانبي شام لجنابك وأنت عني شمـت
كثر خيرك ؛ وأنا لانيب لاجايـع ولا ضامـي
أشوف إنه علـي واجب؛إليـا مريتكـم سلمـت
مرور كرام تربطها الكرامـه عنـد الأكرامـي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لاغفلت ونمـت
يصحيك الزمان اللي يصحي كـل مـن نامـي
وتعرفني لمنها ضاعت أوهامـك بمـن وهمـت
وعرفت الفرق في حب الخشوم وحب الأقدامـي
ختام السالفة ياطيب العشـرة كرمـت ودمـت
هذا حقك علي وحق شرهاتـي علـى أوهامـي

وفـ النهايه : أشكر كل من مر من هنا !

والسموحه ان كان فيه أخطاء

<- مراجع اربع مرات

وعيدكم مباركم ، وتقبل الله منكم إنشالله


ومخـرج للعيـد !

حسب الغلا . والعز . والتقدير = وجميع مايطري علي بالك
ارسلت لك : (كل عام وانـت بخيـر) = (وتبقى لي اغلى شخص .. وابقى لك)!

محبـكم

م ح م د

[عيد بن شدقان]

الاخ/محمد بن سعود
تقبل الله طاعتك وعيدك مــــبارك
ولاهنت والله يعطيك الف عافيـــه
على ذالاهداء الزين والاختيارات
الراقيه التي تدل على ذوقك الراقي

الله لا يهينك يابو سعود



ولك كل الشكر والتقدير

[الملك]

الله لايهينك يابو سعود وقصايد رائعه
وماقصرت لى النقل

[الــحـشـاشـــه]

قصايد روعه
واللي احلى منهاا توقيعك يحـزن


لاهنت على النقل وسلمت يمناك


تقبل تحياتي

[محمد بن سعود]

ابـو محمد /

يامرحبـا ومسهـلا

أسعدني مرورك الغالي يا عيد

منا ومناك صالح الاعمال من العايدين الفايزين

ولاانـت . الذوق أنت

أخيك

[محمد بن سعود]

الاعصـار .

ولاانـت

ولو ياطويل العمـر

أسعدني مرورك