في دنيتي عدّلت كل النواميس // وأشيل حمل(ن) نادر اللي يشيله

[مناحي الصميل]

اليكم هذه الطازجه
.
.
.
.
.
.

عدّيت انا شعري حدود المقاييس = وأرقى به العالي ومحد(ن) يميله
حتى الخرافي مع عيال الدبابيس = مايفهمون اللي اضيفه وازيله
لو كنت انا في فلة(ن) وسط باريس = مستانس(ن) وهموم قلبي قليله
لكن انا في دنيتي كنّي ابليس = أكبر عقيد الطيب وأسوى قبيله
وش فايدة منهو يدق المراويس = غير التعب والهم وحمل الفشيله
ووش فايدة بن(ن) يحك المحاميس = غير العلوم الطيبه والجزيله
وفي دنيتي عدّلت كل النواميس = وأشيل حمل(ن) نادر اللي يشيله
لكن في نومي تجيني كوابيس = مدري علام النوم مافيه حيله
الله من حظوظ(ن) تجينا معابيس = والله من حظوظ(ن) تجينا عديله
أبعدت روحي عن مجال المدانيس = وعززت حالي من معاني جليله
ومانيب احب اللي يدس المداسيس = لأنه من نفوس(ن) تسمى عليله
وش فايدة تدريس علم التضاريس = غير التعارف بين جيل(ن) وجيله
ووش فايدة تهريب هروين بالكيس = غير التوسع في سوات الرذيله
افطن معي ياخيك لولا الجواسيس = ما كل عامل يبتعد عن عميله
ولو كان للطيبه مجال ودواعيس = والله لأشمّرها وسيله وسيله
ولو كان للخيبه مثال وكواليس = صاحوا هل الديره بكلمة ... يبيله !!

وسلالم ..

مناحي بن فــهــاد العجمــي ..

[اطياف الماضي]

لاهنت وصح لسانك اخوي كاسب الطيب

[مناحي الصميل]

يامرحبا بك ..

وصح الله بدنك

والله لا يهينك على المرور ...

[فلاح بن ملبز]

كاسب الطيب

صح لسانك

ولاهنت

[عبدالناصر آل عبدان]

اررررحب يابوفهاد


ولو كان للطيبه مجـال ودواعيـس
\\\\\والله لأشمّرهـا وسيـلـه وسيـلـه

ولو كان للخيبـه مثـال وكواليـس
\\\صاحوا هل الديره بكلمة ... يبيله !!


اي والله يبيله

الله حيه الله حيه

كاسب الطيب

كفو وقصيده جزله من شاعر جزل

متابعتي واحترامي لشخصك الكريم



ودعتك الله

[ناصر بن فالح]

صح لسااانك مليون


رائعه يا ابو فهاااد

[عبير]

الله الله يا كاسب

أحسنت وأبدعت زادك الله
من فضله

وصح لسانك

[مناحي الصميل]

فلاح الملبز ..

صح الله بدنك .. يالذيب ..

ولا هنت على مرورك العذب ..

[مناحي الصميل]

عبدالناصر الفهاد ..

مرورك يزيدني شرف طال عمرك ..
وصح الله بدنك يالذيب ..

ولاهنت على مرورك ..

[مناحي الصميل]

ارسطووو

صح الله بدنك ..
ومرورك هو الرائع ..

وبيض