اللي يطفش يجربها ويروح منه الطفش (مفعول عجيب)

[مزيووونة العجماااان]

مرحبا الغالين وش اخباركم ؟علومكم؟ من جاكم؟ من لفاكم؟

حنا طيبين وبخير جعله يطيييب حالكم (بتقولون وش هالسلام تبون المهم )

المهم ابشروا به

بصراحه عندي دوى (علاج )للطفش والزهق والملل ومجربته وله مفعول عجيب غريب

باقولكم اياه

عزيزي الطفشان الزهقان (اللي موصله معه لخشمه )

وسع صدرك واذكر الله وما عليك سوى اتباع الخطوات التاليه

اولا.... اذا حسيت بالملل والركود في حياتك وحسيت انك ودك تكفخ اللي عندك يعني
زززززززززهقان انقز لل (الحـــــــــــوش ) اللي ما عندهم حوش ما لي دخل يدبرون عمارهم

ثانيا........ جب (زوليه ) و افرشهاااااا واحضر الماء ( امزززح ) بعد الزوليه جب (مركى ))

وحطه على الزوليه طبعا مهب جنبهاااا

ثالثا........ روح يمين اول تقاطع (امززززززح ) رووح للمطبخ واحضر (دله )من القهوه العجميه قصدي العربيه ما يحتاج اشرح كيف تسوون قهوه واللي ما يعرف يتعلم (انا كنت عليميه
بس من كثر ما سويت (قهاوي )(حلو الجمع صح ههه المفرد قهوه ) عرفت ولأمي الفضل
والان صرت مايسترو المقهوجيين (هيه مهب تقولون صبابه احترموا انفسكم قولوا بنت سنعه وذربه )
اهم شي في القهوه ما تكون خفيفه كنها مويه ولازم زززعفران و(قدوع )(حلوه قدوع كلمه
بدويه بحته ) ولازم تكون في (دله )عشان يبين الطعم وتحسون انكم تقهووون صح


رابعا............ بعد ما تخلص القهوه اذهب عزيزي الى الزوليه واقعد واعزم اهل البيت بس بشرط (البزران ما يطبون الزوليه )وبرضو اللي عندهم احد نكدي وغثيث وسخيف وسامج (لا يطب الزوليه لو يحب خشمك)لانه بيخربها

خامسا.......... يصب القهوه واحد ذرب (آدمي )ويصبها بسنع مهب يصب وكنه بينام

وطبعا كلنا عارفين شروط اللي بيصب يعني يبدا من اليمين وينتبه لفناجيل الحضور الكرام


سادسا........ سولفوا بس سوالف حلوه مهيب مواضيع مكرره ولا تحكون في الجماعه وفلان وعلان
مثلا تذكروا رحلاتكم البريه (الكشتات ) تذكروا مواقف مضحكه والسوالف عاد تجي تلقائيه


وعقبها شوف عزيزي الفرق بين نفسيتك اول والحين بعد القعده والقهوه واالله ينقلب المزاااج ويتعدل
للاحسن وتحس انك مستانس ليش ما تدري

نسيت اذا كان الجو (climate) حر او لاهوب اقعدوا جوى البيت لانه بيعكر المزاج ما راح يعدله
وبيخليكم (in bad mood )تدرون ليش ؟

Because weather affect in our personality strongly

وااللي عندهم شايب او عجوز (مرحين ونكتيين )من الافضل دعوتهم لاحتساء القهوه معكم

لانهم (ملطفين للجو )ههههههه بس بشرط ما يكونون (نقودين يعني كل شي عندهم عيب وعذروب )

عشان اذا قعدوا بيخربونها وبينقدون على ضحككم وبيقولون مرجج واهل العقول في راحه و الحمد لله
ويا الله صلاح العطى ومن هالحكي وجااي ........

بلاهم ما يدرون انكم بتنبطحون من الضحك بسبة الوناسه اللي سببتها القعده والقهوه
لانهم متعودين وانتم بيكون لها مفعول قوي في اجسامكم لانكم دابم تحت التكييف

اتمنى الموضوع عجبكم وصدفوني انا مجربتها (وما اعزم الا خواتي ونقعد وننبسط )


تحياااااااااااااااااتي و Iam very sorry على الا طاله

[رزين]

مسا الورد
----------
بصراحه يا بدويه ما سويتي فيني خير
رحت وجربت الكلام اللي قلتيه ولكن وللأسف الشديد ولظروف الغربه اللي اعيشها , رفع اصحاب البنايه اللي مقابلتني شكوى ضدي يقولون مسوي مظاهرات في البلكونه ومرصد مراقبه على مدار الساعه .
بس من ناحيه طار الطفش طاار

[مزيووونة العجماااان]

المشاركة الأصلية كتبت بواسطة رزين

مسا الورد
----------
بصراحه يا بدويه ما سويتي فيني خير
رحت وجربت الكلام اللي قلتيه ولكن وللأسف الشديد ولظروف الغربه اللي اعيشها , رفع اصحاب البنايه اللي مقابلتني شكوى ضدي يقولون مسوي مظاهرات في البلكونه ومرصد مراقبه على مدار الساعه .
بس من ناحيه طار الطفش طاار

............ افى ما سويت بك خير ما عليك من اهل البنايه والله يعينك على الغربه واهم شي طار الطفش ومشكورررر على الرد اخوي

[جطلي بن فهد]

بدويه
والله انش فاضيه صدق انا قلت بتقول رح
للقهوه وخذلك كابتشينو ولا استكانت شاي
اما رح افرش الزوليه في الحوش والى اخره
امزح والله انش صادقه ياحلو الجمعه
وياحلو موضوعش
وياحلو اسلوبش
ويا حلوش
اتمنى اني كفيت و وفيت

[مزيووونة العجماااان]

المشاركة الأصلية كتبت بواسطة سماوي بن نجم

بدويه
والله انش فاضيه صدق انا قلت بتقول رح
للقهوه وخذلك كابتشينو ولا استكانت شاي
اما رح افرش الزوليه في الحوش والى اخره
امزح والله انش صادقه ياحلو الجمعه
وياحلو موضوعش
وياحلو اسلوبش
ويا حلوش
اتمنى اني كفيت و وفيت

ههههههههههههههههه تسلم اي بالله كفيت و وفيت وما قصرت وبيض الله وجهك وسعيده بمرورك وردك

[محمد العبداني]

مشكورة على الموضوع
ولا هنتي

[مزيووونة العجماااان]

المشاركة الأصلية كتبت بواسطة محمد العبداني

مشكورة على الموضوع
ولا هنتي

العفو ولا هنت ويا مرحبااااااااا

[saprj]

هههههههههههههههههههه

بدويه ... ما يصير أحد يفرش لي الزوليه ... و يسوي القهوة

و يجيب القدوع السنع ... و يقهويني ... و يسولف علي .. لين تروح ضيقة الخلق ...

صراحه إذا صرت زهقان مالي خلق أسوي شئ ... و أحسن حل عندي ... أركب السياره

و ألف في الشوارع ... حل ما يتعب .....

و صراحه .... تبين لنا من خلال هذا الموضوع مولد اسلوب روائي كوميدي و طريف ...

و ما شاء الله عليش خبيرة في الرطنه و العنقريزي ....

[مزيووونة العجماااان]

حلوه ذي احد يفرش لك الزوليه ويقهويك ويسولف طيب انت فم سوها عشان تنشغل شوي

اما حلك اللفه في الشوارع بصراحه هذا مهب حل ولا يوسع الصدر

احم احم ايه انا روائي طربف وكوميدي شكرا على رايك

اما الانجليزي قل ما شاء الله هذا تخصصي يا بابا

Do Not Talking

[حضريه عمها بدوي]

هههههههههههههههه خسبي الله على عدوك


موضوعك فلته ايه والله ذكرتيني يوم صرت مايسترو القهوه في البيت ووالحمدلله ان الدوام رحمني منهم

واذا على القعده ويا الشيبان لاتخاتين شيبتنا مخرف وسوالفه اترد الروح بس بعض الاوقات يخلينا نشرد من سوالفه لاطرت عليه العجوز ايام الشباب>>>>سوالف كبار ههههههه


شوفي هالمره عاد راح ابسط الزوليه في بيت جيرانه >حاطه عيني على ولدهم

احنا دوم انقول لاي وحده اتصب القهوه من باب الغشمره عشان انخربطها يسارك يمينك يمينك يسارك


عاد ماخرب قعداتنا الا هالحلويات لدرجه اني ان سوي اي طبقه حلو ادزه عليهم ولا اقعد الين يخلصونه



البدويه تسلمين موضوعك جنان يافنان انتي ههههههههههههه


ايه تذكرين (ش) ههههههههه اوص خلاص