محاورة من العيار الثقيل,,,

[مشعل العرجاني]

السلام عليكم يااخواني وبعد بما اني من عشاق المحاوره ومتابعيها اريد ان اضع محاوره
جميله في الموقع بين الشاعر فلاح القرقاح وضيدان بن قضعان :


فلاح
يالامير اسمح لي ابا اخذ مع ضيدان قاله =طالبك ياسيدي لاحد يجي بينه وبيني
اشرب الفنجال ياضيدان واكب البياله=طيب ياصاحبي واحب سلم الطيبني
ضيدان
بالنيابه عن الامير الي ترى حنا خواله =مرحبا لوما تسلم ياعشير الغانميني
يالعبيدي لالقيت الهاجري واقف لحاله=صح لبن شايق وانا ربي على الدنيا عويني

فلاح
بارك الله بالامير الي يظلكم ظلاله=وانتم اللي صيتكم بين القمر الفرقديني
والله ان الهاجري بالضيق درع ينعنى له =سد دينك ياولد قضعان وانا اسد ديني

ضيدان
يابن ريفه لاتعدى الحد والدعوى سهاله =لد بابن مشيط لا تشبح يسار ولايميني
والله انا ماوقفنا الاندور الجماله =مير لاتاقف على درب الثلاثه والثنيني

فلاح
والله ان ماني لابن مره مجود بالكفاله =والامارات العربية على راسي وعيني
التفت لي والتفت ولابلاش من الزماله =ماتمشيها علي وانا ابن مفلح مرتيني

ضيدان
ياكثر ربعك بذيك الدار يا راع الخياله =مير انا مسلم وربعي كلبوهم مسلميني
اعترف بالاوله الثانيه مالك محاله =احتملها في ظلال الحلف والقاسي يليني


وسلامتكم ,,,,

[مــقــبــل]

مــــشعل العرجاني


الله لايهـــينك على المــحاوره الطــيبه


لـــعملاقين من الوزن الـــثقيل


تقبل مروري

[جابر ال مطلق]

العرجاني بيض الله وجهك والله لايهينك

[911 العرجاني]

الله الله
الله لا يهينك يامشعل ويطول عمرك

وعز الله انها محاوره كايفه
وبيض الله وجهك على نقلها
وصح الله لسان ضيدان والقرقاح

[مشعل العرجاني]

لا شكر على واجب وتشرف بمروركم يامقبل والعرجاني وجابر والله يحيكم

[موهووووب 2000]

الله يعطيك العافيه

وعزالله ماكذبت ( محاوره من العيار الثقيل )

ضيدان

يابن ريفه لاتعدى الحد والدعوى سهاله =لد بابن مشيط لا تشبح يسار ولايميني
والله انا ماوقفنا الاندور الجماله =مير لاتاقف على درب الثلاثه والثنيني

يااااااااااسلام لاهنت

[هضبان القعود]

السلام عليكم ورحمة الله وبركاته 0000

لاهنت على الموضوع ياخوي مشعل العرجاني
وبيض الله وجهك على المحاوره اللي ما تشيلها الركاب 000


تقبل مروري :هضبان المري

[مشعل العرجاني]

مرحبا ياهضبان وياموهوب والله يحيكم

[الاحرش]