يـا شيــن طبعـك ويـا شينـك ويا شينـي
ويا طول صبري عليك وقوّني والله
كسرت لك خاطري وأسهرت لك عيني
وإلا أنت عينـك تنـامْ وخـاطـرك فله
أنــا ذبحـنــي غيـابـك وأنــت جافيـنــي
والحـال مـن غيبتـك تشـكي ومنسلـه
وعليـك قلبـي ورا الأضــلاع مشقينـي
مـا بـاقـي إلا تشــق الصــدر وتتلــّه
حوّشـت لك حـبْ سويتـه مـن سنينـي
عـل العمـر مـا بقى بـه يحتـرق علـه
وإشتقت لك لجـل أعيشك فرحـة ٍفيني
وملعون أبو الشوق صارت علته عله
قربـك فخـر عن جميع الناس مغنيني
يـامـا حكـوا في غيابك مـن جهـل خَله
وخليتـهـم لجــل عينـك لا تخلـيـنــي
لا يـبـعــــد كـل زيــن ٍمعجـبـــه ظـلــه
مـا همني الغيـر , غيـرك ما يعنيني
لجلك قطعــت الوصـل بالكـون ذا كلـه
وهذا أنـت لك مـدة ٍمبعـد ونـاسينـي
مـاهـــو بحـــق ٍولا شـــرع ٍولا مـلــّـه
بعطيـك فرصـة ثـلاث أيـام وتجيني
وإن جيت بتشـوفني كيف أدمـح الزلـه
وإن كان طولتها أرجـوك تعفيني !
غيـرك يبينـي وأنـا مـانـي بكـره ٍلـه !!
( علي العايد الهاجري )
17-06-2007, 08:06 AM
العرض المتطور
