|
يا ماحلـى المقنـاص مـع هـدت الطيـر
بـــســـم الله الــرحــمـــن الــرحــيـــم
يا ماحلـى المقنـاص مـع هـدت الطيـر=ليـاهـده القـنـاص وقـــت الصـبـاحـي
فـي مطـرحٍ مـا داج بــه شــاه وبعـيـر =ولا حـط لـه راع الغنـم بـه مـراحـي
ولاهــو بمـدهـل للـطـروش المغاتـيـر =ولاطـبــه الــفــلاح راع الـمـسـاحـي
ولاداج فـيــه عــســوس ولامــداويــر =فـيــه الـنـوامـي مـثـمـره بالـلـقـاحـي
فـي صحصـحٍ قفـراً ونبتـه مخاضـيـر =عشبـه خضـر والمـاء زلالٍ قـراحـي
مـن قطرنوالغـيـث مـاهـو مــن البـيـر=ويا زيـن مـد الشـوف بـأرضِ براحـي
والجـو صافـي مـا غشِتـه المعاصـيـر =وريــح الخـزامـا لطّـفـه يــوم فـاحـي
فـيــه ام سـالــم غـطـرفـة بالمـزامـيـر=والصوت تجري به هبـوب الرياحـي
يـاسـعـد عـيــنٍ دربــلــت بالـنـواظـيـر=وصيـد الفـلا فـي أول نهـاره متاحـي
ولبـد الحبـاري بـيـن صـفـر النـواويـر=وقطعـان غـزلانٍ المـهـا والوضـاحـي
يطـردهـن الـلــي جـاهــزٍ للمـشـاويـر=لـو امـدح الفاكـس آر كفـو إمتـداحـي
هـو منـوة الـلـي ماحـسـب للمخاسـيـر=شـغـمـوم عـاداتــه بـعـيـد المـشـاحـي
مــع رفـقــة قـــرومٍ نـشـامـا منـاعـيـر=ربــعٍ لـهـم قـلـبـي يـزيــد ارتـيـاحـي
كــرام سـبـلا فــي اللـيـال المعـاسـيـر=لاهـــم بـرديــانٍ ولاهـــم شـحـاحــ
هــذا ختـصـاري دون شــرحٍ وتعبـيـر =مانـي علـي تـاريـخ الأبـطـال مـاحـي
تـواعـدوا شــروا لـوجـيـه المسـافـيـر=قبـل الفجـر كـلاً مــن الـنـوم صـاحـي
الصبـح مـع لجـت طـيـور العصافـيـر =شافـو لهـم مـن كـل جـولٍ ضحـاحـي
وتقاحـصـوا مـثـل الـذيـاب المـغـاويـرع=ـلـي الـغـدا نـاويـن مـاهـي مـزاحـي
ثـم افزعـوا كـا فزعـت كليـب والزيـر=قـدام جـمـع الصـيـد يـنـوي المـراحـي
وفكـوا مسابـيـق الأحــرار المشاهـيـر =مغوارهـن يسـبـق زروف السـلاحـي
كــم ابـلـجٍ ريـشـه ســوات المنـاشـيـر =ولياخـفـق للصـيـد صــف الجـنـاحـي
لاهـــده المـنـعـور عـلــي الـطـوابـيـر=خــلا طوابـيـر الـقـمـاري سـحـاحـي
وخنـس الأرانـب منـه ماعيـنـت خـيـر=وطرح الحباري مثل طرح الأضاحـي
مقيالـهـم فــي ضــل سـمـراً مـزابـيـر =في جنب ضلعٍ قفر وأرضه سماحـي
وترقـبـوا لـهــدت الـكــدري عـصـيـر =ثـم نجّـحـوا خـطـة عشـاهـم نجـاحـي
ويـازيــن شـبــت نـارهــم بالعـثـامـيـر=لمـوا حطبـهـا مــن جمـيـع النـواحـي
نـار الحـطـب مـاهـي بـنـار الدوافـيـر=ومع الغـروب الصيـد فالقـدر طاحـي
وسـوالـفٍ عـلــي الـــدلال المبـاهـيـر =ومبرقعيـن صقورهـم فــي البطـاحـي
وبعـد العشـاء غنـوا قصـائـد مجـاريـر=ماهـي يالـيـل ياعـيـن ويــالاح لاحــي
هـذي طـرات الـروح والعـلـم تقـريـر=سلـوت مزاجـي ومنوتـي واقتراحـي
يومـن شـروا الـلاش جـاي لـه شخيـر=لو صحت في سمعه مايسمع صياحي
عــزي لـولـد أمــه جلـيـس الغـنـاديـر=مـاشـب نــاره ضـاريــن بإنـسـداحـي
هـذاك جعلـه تحـت وطـي البصاطـيـر=وتكـرم هـل الطالـه طـيـور الفـلاحـي
صورت ما طرالي علي البال تصوير =يـومـن هـيـض الـبـال بالـسـر بـاحـي
قــول وفـعـل مـاهـي مـجـرد تفـاكـيـر =والمستـمـع يحـكـم وحكـمـه مـبـاحـي
إمــا عطـانـي مــدح شـكــراً وتـقـديـر =والاطعـن عـرضـي بـحـد الرمـاحـي
والشعـر بنقـد مــن جمـيـع الشواعـيـر=كــل الـعـوارف يفصحـونـه فصـاحـي
مـانــي أنـــاالأول ولانـــي بـالأخـيــر=في ساحته من عرض من فيه ساحـي
الشـعـر عـــدٍ فـــوق جـالــه نـواعـيـر=مـنـه مقـسـت دلــوٍ ودلــوٍ نـضـاحـي
احــدٍ ورد واحــدٍ ضعـونـه مصـاديـر =واحـدٍ شـبـح واحــدٍ كلـتـه الشبـاحـي
ســوقٍ بــه التـجـار كـبـيـر وصـغـيـر=واحـدٍ ربـح واحــدٍ ماحـقـق ربـاحـي
لشاعر عبدالله النصافي
__________________
التعديل الأخير تم بواسطة المستشار ; 19-05-2004 الساعة 02:38 PM
|
19-05-2004, 09:21 PM
العرض المتطور
