|
ياكبر جور الأدمي وهو معثور
السلام عليكم ورحمه الله وبركاته
اقدم لكم هاذهي القصيده واتمنى ان تحووز على رضاكم
يا كبر جور الآدمـي وهـو معثـور=لو صابتـه شوكـه تكـدر مشربـه
عنده لمل ممدود لـو باقـي شهـر=في عمره اللي من خلقه الـه اكتبـه
يبغى يحوش المال ويعيـش بحبـور=والموت مندوبه علـى اثـره يطلبـه
لو حسّبوا من قبـل غبـات القبـور=في منزل(ن) ما به سرير ولا (ا)كنبه
ما كان طاب إلـهم نعيم(ن) فالقصور=لو كان طوبه ماس والأخرى (ا)ذهبه
ويحس واحدهـم بتأنيـب وقصـور=لو جبهته عن لـرض تبعـد وركبـه
ولو برقوا باقوام ماضيـة العصـور=كان اعرفوا وجـه القرابـه والشبـه
وان لآخـره مقـر والدنيـا مـرور=والموت حطّاب(ن) ولـرواح احطبـه
واحسن صفات الموت عادل ما يجور=يختار عشوائـي مـا همـه مرتبـه
العبد واحـد والملـك . والـدور دور=من جاه دوره راح مـا فـاد انسبـه
ويا ليتها روحه بـلا بعـث ونشـور=إلاّ (ا)حسـاب وفـوز ولاّ متـربـه
فيا الله جزعنا السراط اثنـا العبـور=في ساعة(ن) يشهد على الرجل اشنبه
أعضاه تشهد بالذي بيـن السطـور=الفخـذ الاول ثـم حـتـى منكـبـه
ويالله بعفوك جنه وزوجـات حـور=والاكل طير(ن) مشوي وخمر اعنبـه
واعوذ بك من ما يوسوس فالصـدور=ومن العـذاب وعيـش ذل ومسغبـه
وأسألك عفوك يا رحيم ويـا غفـور=وجرني بلطفك من عذابـك واسببـه
ويا كبر جور الآدمي وهـو معثـور=لو جاه كحه عـاف حتـى مشربـه
للشاعر : عبدالله الفهري
التعديل الأخير تم بواسطة جطلي بن فهد ; 06-10-2007 الساعة 10:05 PM
|
06-10-2007, 06:40 PM
العرض المتطور
