بصمت
انتي غير الناس ..
انتي ..
انتي محد يشبهك فمرايتك ..
الا عيونك
انتي ..
من يقدر يخونك؟؟
علميني ..
كيف أسافر في تضاريس التناهيد
الحزينة
كيف أشوفك في عيوني
طفلة ترسم مراجيح المدينة في يديني
علميني ..
كيف يجمعنا وطن ..
وكيف يبعدنا زمن ..
وكيف ادافع عن خفوقي من طعونك
لوهجرتك ..
وش يردك في حياتي ..
غيرك انتي ..
ولو سهرتك ..
وش يذكرني بليلك .. غير صمتي
جيت متنكر ..
لبست جروح غيري
ولما صار الحلم يكبر
قمت ادوّر عن مصيري
علميني ..
كيف تجمعنا خطوط الطول
من خلف الحنايا
وابحث اكثر ..
في دوائر عرض خصرك عن زوايا
وانثر الباقي من اليابس بصدري
في بحيرات النوايا
واجمعك وز وجداول ..
او فراشات وهدايا
انتي لما تضحكين
الشمس تشرق من اشفاهك
واحس اني حزين
وما قدرت اني افرق .. بين آهاتي .. وآهاتك
علميني ..
كيف يبقى الجرح ..
نفس الجرح..
في كل الأماكن ..
كيف صار الورد داكن؟؟
لو سمحتي ..
ممكن افتح نافذة هالحزن
وابحث في جبينك
عن علاقة
تربط التاريخ بالجغرافيا
والحروف الأبجدية ..
من الألف .. للياء
وعن نقوش .. تشبه الحناء
وحنا والطفولة
وعن أسوار تلبسك في معصمك
أو تلبسيها
علميني .. وعلميها
علميني
كيف اعد ايام عمري بين اصابيعك
والاقي دبلتك تطوى سنيني
كيف اواجه دمعتينك ..
لما بيعك ..
لما يجمعنا حديث جانبي
في أي مقهى
تعرفين ..
اني تخيلتك عروس ..
واحترقت اكثر وطارت الهجوس
اتركي لي .. أي لحظه
آخذ أنفاسي بها وابدأ اخونك
آآآآآه ..
يا آخر محطات اشتياقي
وكل الباقي ..
وين أسافر من عيونك
وانتي كل الناس .. انتي
انتي غير الناس .. انتي
انتي محد يشبهك في أي حاجة
الا انتي ..
الا انتي ..
انتي آخر من خرج من ضلعي الأعوج
ومن بعدك كسرته
لا .. عدلته
لا .. حذفته ..
لا .. آخذتيه ومشيتي
بعدها يمكن نسيتي ..
ان آخر من تبقى من نساء الجاهلية
حفنة طعون وخناجر
وكيف اسافر ..؟
وما بقى لي في جنون العمر
دمعات ومحاجر
" وحيد الدرب "
04-12-2007, 11:23 PM
.. .. .. جنــــون منتصــــف العمــــــــر .. .. ..
العرض المتطور
