صرح الشاعر خالد الحميداني بهذا التصريح
ملابسات استبعادي
--------------------------------------------------------------------------------
بسم الله الرحمن الرحيم
اولاً اتقدم بالشكر والتقدير لجميع من ساندني ودعمني وقدم لي المشوره وتابع كل تحركاتي كبيرها وصغيرها××
ويعلم الله انني لااستغرب هذا الاهتمام من ابناء عمومتي سواء القريبين مني او ابناء قبيلة مطير
ومن ابناء وطني المملكه العربيه السعوديه وهذا الفضل سأحفظه ماحييت ...
وأحب وعبر منتدى الصمان ان ادلي بهذا التصريح الاعلامي حول ملابسات القرار الذي بموجبه
استبعدت من المشاركه في الحلقه الثالثه من برنامج شاعر المليون في نسختها الثانيه والتي كانت مقرره هذا اليوم الثلاثاء الموافق 29/12/1428هــ ...
احب اوضح لكم انه كان هناك بروفه لنا .!!
نحن الشعراء كانت يوم امس الاثنين الموافق 28/12/1428 وكنت مؤكد الحجز من الرياض الى ابوظبي,,
وفي الليله التي قبلها الم بي عارض صحي مفاجيء ودخلت على اثره المستشفى..
وطافت الطائره ثم قمت بتأكيد الحجز على الرحله الاخرى ..
من عصر نفس اليوم واتصلت على الاخ عبدالله المصعبي منسق الحجوزات للشعراء وابلغته ماحصل لي بالضبط وقال مافيه اي مشكله..
ثم كلمني الاخ سالم المزروعي بعد ذلك بقليل وقال يؤسفني انه تم استبعادك بقرار من الاداره !!!!
وحاولت التفاهم معه وان هناك عذر مبرر ومثبت ولكن دون جدوى ...
وان المليون والبيرق بالنسبه لي هي قبيلتي والبرنامج يضيف للشاعر ولايصنعه وهذه تحيه خاصه لابناء قبيلتي اللذين اشعروني بأهتمامهم ..
وهذه قصيدتي التي كنت سأشارك بها..
اخيل الكواكـب بالمـدار تسيـر=ولله كــل الامــر والتدبـيـر
تاخذني افكاري وتصحي مواجعي=وادور طبيـبٍ بالعـلاج خبـيـر
حكيـمٍ بتدبيـره عليـمٍ بواجبـه=يقرأ الحدث قبل الامـور تصيـر
لجة هواجيسي وهاضت مشاعري=غدى لهـا بيـن الظلـوع نفيـر
ماكل قولٍ يطرب اللـي يسمعـه=ولاكل من يسمـع معـه تفكيـر
لو حلل العـراف كلمـة شاعـر=ماتكسر السلعـه مـن التسعيـر
بديت المعاني في جزيلٍ من الوفاء=ود وفخر فـي صفحـة التحريـر
ابن العرب والمملكـه هـي داري=رمز السلام اللـي علمهـا غيـر
دارٍ معـزي عزهـا واسسـهـا=على العـدل بالصـارم الشطيـر
مطفي مشاعيل الجهاله والفتـن=مشعـل قناديـل الهـدى تنويـر
واصبح وطن في قلب كل سعودي=به يلتقـي درب الامـن والخيـر
لي الشرف اني من ابناء شعبـه=وارض العرب هي بيتـي الكبيـر
واللي يصير من العـراق لغـزه=فـي انعكاساتـه لهـا تأثـيـر
من واقـعٍ فيـه انكسـار الامـه=كسرٍ معه كـم يصعـب التجبيـر
بالعقل لامنـك سبـرت اغـواره=كنـه تـراه بمجهـر التكبـيـر
اوضاعنا تفرض علينـا الوحـده=حنا بحاجـة صحـوة الضميـر
امـانـا بالله ثــم بـالـقـاده=وضروفنـا ماتحتمـل تأخـيـر
تملـي فرقتنـا ووحـدة غيرنـا=وايماننـا فـي وحـدة المصيـر
تنـازع الامـه يهـدم مجـدهـا=من التكاتـف ينهـض التظويـر
تبدي لنا شمس السلام وتشـرق=تجلي ضـلام العنـف والتهجيـر
اذا اجتمعنـا واتحـد مفهمـونـا=يجـي لنـا بيـن الامـم تقديـر
يبقى الامل حلـمٍ نحـب نعيشـه=يطرب عليـه السمـع والنظيـر
والشعر غصنن كل مامال بالحشا=غنـا ولاغنـا علـيـه الطـيـر
رسآلته الى جمهورهـ
لعيون حمران النواظر جت على البحر الطويل=يوم القصايـد لاح بـراق الشعـر بخيالهـا
شواردٍ لهـا بتفكيـري وفـي عينـي مقيـل=اشعل توهجها من المعنـى وازيـد إشعالهـا
امشي لها درب الوعر واصل بها للمستحيـل=واليارقت لوهي على متن السحاب ارقى لهـا
ماني معنزها اليامالـت علـى جـرفٍ يميـل=للغيم اوصلهـا وتبقـى فـي يـدي احبالهـا
ماعاشر الرجل الهزيل ولااكتب الشعر الهزيل=احرص على الجزله واقدرها واحب اسعى لها
عاداتنا مانقبل الهـزلات لـو نعطـي جزيـل=والناس تعرف من مواقفها وطيـب افعالهـا
ماجيت ادور مدة المسكين من كـف البخيـل=ربعي مطير اللي على العـزه تشـب عيالهـا
كتابة التاريخ يوم المجـد بالسيـف الصقيـل=اهل المهار اللي مراكيض السعد تبـرى لهـا
على الهامشششش....,×,.... على الهامشششش
والله حلفُ معه يمين انك يا خالد مكسب لشاعر المليون وللجنه وانك تشرفهم.. رضى المزروعي او عساهـ للزعل
على الهامشششش....,×,.... على الهامشششش
من قصائد الشاعر خالد الحميداني التي استطعت جمعها
خلوا الشعار يا أهل الصحف كلٍ في سبيلـه=لو صنعتوا شاعرٍ بالزيف يبطي ماوصلنـا
لاتحطون الأسامي وجه لحـروف الرذيلـة=ان عجزتوا لا تـردون الخبـل لا يمتحنـا
الشعر روح الأدب والصدق بالشاعر دليلـه=والمعاني مفرداتٍ لـو عصيناهـن عصنـا
والحيا شعبه من الأيمان برجـال الفضيلـة=خايفينٍ لاترد النـاس كلمـة كـذب عنـا
والمواقف واضحة والكل يدري وش حصيلة=لاجنيـت الذنـب باكـر لـلاوادم لا تجنـا
لكن الموضوع طال وطافحٍ بالحيـل كيلـه=ومن طعن كبده بكفـه لا يحسبنـه طعنـا
اصبح الصمان فكره والشعر يمـه وسيلـه=كل من غنا على طـاروق بالصمـان غنـا
لاهي بداره ؟ ولا دارن لبوه ؟ ولا لهيلـه=الجمـال الـي تهادرلـه منوخهـا جملنـا
يوم دقلات السبايا والجموع اللـي مهيلـه=محتمين الـدار ياللـي طامـع منـا ومنـا
خلها تبرق على الصمان وتسيـل المخيلـة=من سكنها من رعاها من حماها غير حنـا
يوم وقتٍ راح ما خيلك اتطارد مثـل خيلـه=دونها لو ما طعنـا بالحرايـب مـا سكنـا
أشهد إني يوم أشوف الناس لي ربع وقبيلة=وافتخر دام أهل العـادات والـردات منـا
دون تقصيرٍ اباق الناس و الدعوة طويلـة=من تعرض عرضة اللقوات سمـوه المعنـا
ما نصـادم غيـر حكـامٍ بيارقهـا ثقيلـة=كم جموعٍ جت وعافت من وحمنا يوم جنـا
عزوتي لا دخن البارود في خشـم الفتيلـة=يوم جيناهم ندق القـاع حنـا الـي طحنـا
لو تمنيته مثل غيـرك حـرامٍ مـا تجيلـه=ما يطبه غير رب الكون واللي فـي ضعنـا
عنه ابن هذال حديناه وشمل فـي مشيلـه=والعريعر عنه حدرنـاه يـوم إنـا نزلنـا
صوتيلـه يافجـوجٍ قـافـراتٍ صوتيـلـه=من جهل قيمة رضانا ما عرف قيمة زعلنا
وإن سمحنا له زيارة عابرة لـه سولفيلـه=عن مناخ وما حوى ساقان ولاعـن لبنـا
في زمانٍ فات كلٍ بـس تركـض وتحبيلـه=عاذرك حتى سقاط الناس شاخت في زمنـا
منت قد الحرب ولا الضرب حتى ترتكي له=والعوارف خابرينٍ مـن يقـول إنـا وإنـا
وانت مثل الي دفن راسه وطلع راس ذيلـه=لو نشدت الصلب والصمان قال انه وطنـا
وإن كان ردت للوطن والا الكرامه والقبيله=المهار مسرجـه وغزيـل السابـق تحنـا
ابك حنـا مجدنـا لاقـام مجـدك ينحنيلـه=ما خبرنا لك بطولات وملاحـم يـا مهنـا
والرجل ما يفخر الا فـي فعـولٍ تنتميلـه=والعـرب جهالهـا تعقـل ليامنـا جهلنـا
دام فيه رجالٍ يعنيها القصيد وتنثنـي لـه=والله ان لا اكتب بيوتٍ لهـا الدنيـا تثنـا
لين أخلى لك زميل السوء يلعن في زميلـه=تبت ايدينٍ خـذن منـا الفخـر ولا عطنـا
لا تسيل وادي بالـزور وتصـدق بسيلـه=والنجوم اقرب من اللي في خفاياك يخفنـا
عزتي للي سواتك كان شبـت عزتـي لـه=كود سيفٍ يشلع الهامه على صفـرٍ تعنـا
والفضل للي حموا في شرعهم عابر سبيله=نم بأمان أخوان نـوره يالهبيـل ولاتمنـا
وأخرى
عسى مزنٍ بنوه حاجبٍ برق الخيـال خيـال=مراديمٍ على كـل الوطـى عـزت هماليلـه
مجاهيمٍ ربابه كن صابه مـن هـواه جفـال=تغشى كل جـوٍ فـي هزيـع الليـل ترتيلـه
كما ليلٍ طعن جوفه لميـع البـارق الشعـال=بعد مأرخى اسدوله وانحدر فتـرت محاميلـه
تنثر من قوارير السحـاب المـرزم الهطـال=اساريـره تهلـل والسمـا تشـرب قناديلـه
على دار أبو جاسي علها للصـادق الهمـال=ربيع أهل القلوب اللي تباشر فيـه واتجيلـه
تسيل من النفود لشرقي العبله لحـد الجـال=شهر لين القسومي في علوه ينزبـر سيلـه
ربيعه مثل موجٍ ينكسر فـي جوفـه المـوال=سقاه الوبل رحمـه كـل تسبيحـه وتهليلـه
علشان إن فيهـا للحبايـب والغـلا منـزال=فداهـا كـل حلـمٍ للصبـى كانـت مداهيلـه
لها فعيوني أجمـل صـورةٍ للعـز والأمـال=وطن ودي لو أخذ من سنين العمر وأهديلـه
وفـا ياديرتـي يـادار ربـعٍ للوفـا مدهـال=أجل وإنكان ماقلت القصايـد فيـك منهيلـه
أشوفك في حبيبٍ يسرق النظرة وهو يختـال=يشـم ورودك اللـي كنهـا خـده وأغنيلـه
أغنيله ويسكت كـل لحـنٍ بالهـوا لا مـال=تكسر له قلوب ووين أسافـر يـا مضاليلـه
كثر هجره وأنا مشتاق لك وأشتاق له بأوصال=ولو زاد الجروح وجيت يمك تبـت ماجيلـه
ياهلال يوم الوقت وراني الميـل=ماني براضي لورضيت بنصيبـي
واثر الرجل ياهلال ماينطح السيل=وانا نطحته يـوم نشـت قليبـي
يوم الدعاوي كل ابوها تساهيـل=كل علـى فـداه كفـي صحيبـي
طيبي دفنته في بطون الر يا جيل=مابيه لكن ويـن مـردود طيبـي
ماعاد وقفاتـي ظلالـه وتمثيـل=يشهد لي الي لامشيـت يحقيبـي
من لايعرف الجدي مايعرف سهيل=سهيل لـه يـوم يبيـن ويغيبـي
توي دريت ان الوفـا والتماثيـل=والطيب بقلوب النشامـا يشيبـي
ماعاد يغرينـي بريـق المقابيـل=حتى حبيبي صار ماهـو حبيبـي
مع خالص تحياتي
09-01-2008, 08:51 AM
الشاعر خالد الحميداني المطيري يصرح بـ سبب إستبعادهـ .. وجمع لبعض قصائده
العرض المتطور
